ਬੈਂਗ-ਬੈਂਗ - ਯੁਵਰਾਜ ਸਿੰਘ, ਐਮ.ਐਸ. ਧੋਨੀ

ਇਸਤੋਂ ਬਾਅਦ ਯੁਵਰਾਜ ਸਿੰਘ ਨੇ ਦਮਦਾਰ ਸ਼ਾਟਸ ਖੇਡਣੇ ਜਾਰੀ ਰੱਖੇ ਅਤੇ 98 ਗੇਂਦਾਂ 'ਤੇ 100 ਰਨ ਪੂਰੇ ਕੀਤੇ। ਯੁਵੀ ਦੇ ਸੈਂਕੜੇ 'ਚ 15 ਚੌਕੇ ਅਤੇ 1 ਛੱਕਾ ਸ਼ਾਮਿਲ ਸੀ। ਸਾਲ 2013 'ਚ ਭਾਰਤ ਲਈ ਆਖਰੀ ਵਨਡੇ ਖੇਡਣ ਤੋਂ ਬਾਅਦ ਇਸ ਸੀਰੀਜ਼ 'ਚ ਯੁਵਰਾਜ ਸਿੰਘ ਨੇ ਵਾਪਸੀ ਕੀਤੀ ਹੈ।

ਧੋਨੀ ਦੀ ਪਾਰੀ 'ਚ 9 ਚੌਕੇ ਅਤੇ 2 ਛੱਕੇ ਸ਼ਾਮਿਲ ਸਨ। ਯੁਵੀ ਅਤੇ ਧੋਨੀ ਵਿਚਾਲੇ ਚੌਥੇ ਵਿਕਟ ਲਈ 256 ਰਨ ਦੀ ਪਾਰਟਨਰਸ਼ਿਪ ਵੇਖਣ ਨੂੰ ਮਿਲੀ।

ਭਾਰਤ ਅਤੇ ਇੰਗਲੈਂਡ ਵਿਚਾਲੇ ਕਟਕ 'ਚ ਖੇਡੇਜਾ ਰਹੇ ਦੂਜੇ ਵਨਡੇ 'ਚ ਇੰਗਲੈਂਡ ਦੀ ਟੀਮ ਨੇ ਟਾਸ ਜਿੱਤ ਕੇ ਗੇਂਦਬਾਜ਼ੀ ਕਰਨ ਦਾ ਫੈਸਲਾ ਲਿਆ। ਟੀਮ ਦੇ ਇਸ ਫੈਸਲੇ ਨੂੰ ਕ੍ਰਿਸ ਵਕਸ ਨੇ ਸਹੀ ਸਾਬਿਤ ਕਰ ਵਿਖਾਇਆ। ਵੋਕਸ ਨੇ ਆਪਣੇ ਸ਼ੁਰੂਆਤੀ ਸਪੈਲ 'ਚ ਭਾਰਤ ਦੇ 3 ਬੱਲੇਬਾਜ਼ਾਂ ਨੂੰ ਪੈਵਲੀਅਨ ਦਾ ਰਾਹ ਵਿਖਾ ਦਿੱਤਾ। ਪਰ ਇਸਤੋਂ ਬਾਅਦ ਸ਼ੁਰੂ ਹੋਇਆ ਯੁਵਰਾਜ ਸਿੰਘ ਦਾ ਧਮਾਕਾ।

25 ਰਨ 'ਤੇ 3 ਵਿਕਟ ਗਵਾ ਚੁੱਕੀ ਭਾਰਤੀ ਟੀਮ ਨੂੰ ਯੁਵਰਾਜ ਸਿੰਘ ਨੇ ਸੰਭਾਲਿਆ। ਯੁਵੀ ਨੇ ਇੰਗਲੈਂਡ ਦੇ ਗੇਂਦਬਾਜ਼ਾਂ ਨੂੰ ਖੁਦ 'ਤੇ ਹਾਵੀ ਨਹੀਂ ਹੋਣ ਦਿੱਤਾ। ਯੁਵਰਾਜ ਸਿੰਘ ਨੇ ਮਹੇਂਦਰ ਸਿੰਘ ਧੋਨੀ ਨਾਲ ਮਿਲਕੇ ਭਾਰਤੀ ਪਾਰੀ ਨੂੰ ਅੱਗੇ ਵਧਾਇਆ। ਯੁਵੀ ਨੇ ਲਗਾਤਾਰ ਇੰਗਲੈਂਡ ਦੇ ਗੇਂਦਬਾਜ਼ਾਂ ਖਿਲਾਫ ਚੌਕੇ-ਛੱਕੇ ਲਗਾਉਣ ਦਾ ਸਿਲਸਿਲਾ ਜਾਰੀ ਰਖਿਆ ਅਤੇ 56 ਗੇਂਦਾਂ 'ਤੇ ਅਰਧ-ਸੈਂਕੜਾ ਪੂਰਾ ਕੀਤਾ।

ਯੁਵਰਾਜ ਸਿੰਘ ਨੇ 127 ਗੇਂਦਾਂ 'ਤੇ 150 ਰਨ ਦੀ ਪਾਰੀ ਖੇਡੀ। ਦੂਜੇ ਪਾਸੇ ਕਪਤਾਨ ਮਹੇਂਦਰ ਸਿੰਘ ਧੋਨੀ ਨੇ 106 ਗੇਂਦਾਂ 'ਤੇ ਆਪਣਾ ਸੈਂਕੜਾ ਪੂਰਾ ਕਰ ਲਿਆ।

ਯੁਵਰਾਜ ਸਿੰਘ ਨੇ ਕਟਕ 'ਚ ਸੈਂਕੜਾ ਠੋਕ ਦਿੱਤਾ। ਯੁਵੀ ਨੇ 98 ਗੇਂਦਾਂ 'ਤੇ ਸੈਂਕੜਾ ਪੂਰਾ ਕੀਤਾ। ਇਸਤੋਂ ਬਾਅਦ ਯੁਵਰਾਜ ਸਿੰਘ ਨੇ ਆਪਣਾ ਵਨਡੇ ਕਰੀਅਰ ਦਾ ਸਭ ਤੋਂ ਵੱਡਾ ਸਕੋਰ ਵੀ ਪਾਰ ਕਰ ਲਿਆ। ਯੁਵੀ ਦੀ ਇਸਤੋਂ ਪਹਿਲਾਂ ਬੈਸਟ ਪਾਰੀ 139 ਰਨ ਦੀ ਸੀ। ਪਰ ਇੰਗਲੈਂਡ ਖਿਲਾਫ ਯੁਵਰਾਜ ਸਿੰਘ ਨੇ 150 ਰਨ ਠੋਕ ਦਿੱਤੇ।

ਯੁਵੀ ਪਹਿਲੇ ਮੈਚ 'ਚ ਜਾਦਾ ਰਨ ਨਹੀਂ ਬਣਾ ਸਕੇ ਸਨ ਪਰ ਦੂਜੇ ਮੈਚ 'ਚ ਕਮਜ਼ੋਰ ਸ਼ੁਰੂਆਤ ਤੋਂ ਬਾਅਦ ਭਾਰਤ ਨੂੰ ਯੁਵਰਾਜ ਸਿੰਘ ਨੇ ਸੰਭਾਲਿਆ। 43 ਓਵਰਾਂ ਤੋਂ ਬਾਅਦ ਭਾਰਤ ਨੇ 281 ਰਨ ਬਣਾ ਲਏ ਸਨ ਅਤੇ ਯੁਵਰਾਜ ਸਿੰਘ 150 ਰਨ ਬਣਾ ਕੇ ਪੈਵਲੀਅਨ ਪਰਤੇ।