ਨਵੀਂ ਦਿੱਲੀ: ਜੀਓ ਨੂੰ ਟੱਕਰ ਦੇਣ ਲਈ ਵੋਡਾਫੋਨ ਨੇ ਵੱਡਾ ਐਲਾਨ ਕੀਤਾ ਹੈ। ਵੋਡਾਫੋਨ ਟੈਲੀਕਾਮ ਕੰਪਨੀ ਆਪਣੇ ਗਾਹਕਾਂ ਨੂੰ ਵੱਡਾ ਤੋਹਫਾ ਦੇਣ ਜਾ ਰਹੀ ਹੈ। ਜਲਦੀ ਹੀ ਵੋਡਾਫੋਨ ਉਪਭੋਗਤਾ ਮੋਬਾਈਲ 'ਤੇ ਮੁਫਤ ਲਾਈਵ ਟੀਵੀ ਚੈਨਲਜ਼ ਦੀ ਸਹੂਲਤ ਦਾ ਲਾਭ ਲੈ ਸਕਣਗੇ। ਕੰਪਨੀ ਨੇ ਇਸ ਸਾਲ 31 ਦਸੰਬਰ ਤੱਕ ਆਪਣੇ ਸਾਰੇ ਗਾਹਕਾਂ ਲਈ ਵੋਡਾਫੋਨ ਪਲੇਅ ਐਪ ਦੀ ਮੁਫਤ ਸਬਸਕ੍ਰਿਪਸ਼ਨ ਦਾ ਐਲਾਨ ਕੀਤਾ ਹੈ।
ਵਡਾਫੋਨ ਪਲੇਅ ਇੱਕ ਖਾਸ ਐਪ ਹੈ ਜਿਹੜਾ ਵੀਡੀਓ, ਫਿਲਮਾਂ, ਟੈਲੀਵੀਜ਼ਨ ਸ਼ੋਅ ਤੇ ਹੋਰ ਸੰਗੀਤ ਪੇਸ਼ ਕਰਦਾ ਹੈ। ਇਸ 'ਤੇ 180 ਤੋਂ ਜ਼ਿਆਦਾ ਲਾਈਵ ਟੀਵੀ ਚੈਨਲਜ਼ ਦੇ ਨਾਲ ਫਿਲਮਾਂ ਤੇ ਮਨੋਰੰਜਨ ਚੈਨਲ- ਸੋਨੀ, ਕਲਰਜ਼, ਜੀ, ਬੀ4ਯੂ, ਜੀ ਸਿਨੇਮਾ, ਐਮਟੀਵੀ, ਨਿਊਜ਼ ਚੈਨਲ- ਆਜ ਤੱਕ, ਆਈਬੀਐਨ7, ਇੰਡੀਆ ਟੀਵੀ, ਸੀਐਨਐਨ ਨਿਊਜ਼ 18, ਸੀਐਨਬੀਸੀ ਆਵਾਜ਼, ਈਟੀ ਨਾਓ ਤੇ ਡਿੱਟੋ ਟੀਵੀ ਦੇ ਸਹਿਯੋਗ 'ਚ ਬੀ.ਬੀ.ਸੀ. ਵਰਲਡ ਨਿਭਜ਼ ਸ਼ਾਮਲ ਹਨ।
ਇਸ ਤੋਂ ਇਲਾਵਾ ਕਈ ਭਾਸ਼ਾਵਾਂ 'ਚ 14000 ਤੋਂ ਵੱਧ ਕਲੀਸਿਕ ਜਾਂ ਬਲਾਕਬਸਟਰ ਫਿਲਮਾਂ, ਵੀਡੀਓ ਜਾਂ ਮਿਊਜ਼ਿਕ ਕੰਟੈਂਟ 'ਚੋਂ ਆਪਣੀ ਪਸੰਦ ਦੀ ਸਮਗਰੀ ਚੁਣ ਸਕਦੇ ਹਨ। ਹੁੱਕ ਤੇ ਹੰਗਾਮਾ ਮੂਵੀਜ਼ ਦੀ ਸਾਂਝੇਦਾਰੀ 'ਚ ਵੋਡਾਫੋਨ ਪਲੇ ਮਨੋਰੰਜਨ ਦੀ ਦੁਨੀਆ ਹੈ। ਵਡਾਫੋਨ ਇੰਡੀਆ ਦੇ ਨਿਰਦੇਸ਼ਕ ਸੰਦੀਪ ਕਟਾਰੀਆ ਨੇ ਕਿਹਾ,"ਵੱਡੀ ਗਿਣਤੀ 'ਚ ਲੋਕ ਅੱਜ ਆਪਣੇ ਸਮਾਰਟਫੋਨ ਤੇ ਵੀਡੀਓ ਦੇਖਣਾ ਤੇ ਗਾਣੇ ਸੁਣਨਾ ਪਸੰਦ ਕਰਦਾ ਹੈ। ਅਜਿਹੇ 'ਚ ਕਈ ਐਪ ਡਾਊਨਲੋਡ ਕਰਨ ਨਾਲੋਂ ਵੋਡਾਫੋਨ ਪਲੇ ਡਾਊਨਲੋਡ ਕਰਨਾ ਅਸਾਨ ਹੋਵੇਗਾ।"