ਨਵੀਂ ਦਿੱਲੀ: ਟੈਲੀਕਾਮ ਕੰਪਨੀ ਏਅਰਟੈਲ ਆਪਣੇ ਪ੍ਰੀਪੇਡ ਗਾਹਕਾਂ ਨੂੰ ਆਏ ਦਿਨ ਆਫਰ ਦਿੰਦੀ ਹੈ। ਇਸੇ ਲੜੀ ਤਹਿਤ ਏਅਰਟੈਲ ਨੇ ਹੁਣ ਪੋਸਟਪੇਡ ਗਾਹਕਾਂ ਲਈ ਇੱਕ ਨਵਾਂ ਆਫਰ ਪੇਸ਼ ਕੀਤਾ ਹੈ। ਨਵੇਂ ਆਫਰ 'ਚ ਗਾਹਕਾਂ ਨੂੰ ਪਹਿਲਾਂ ਦੇ ਮੁਕਾਬਲੇ ਵੱਧ ਡਾਟਾ ਮਿਲ ਰਿਹਾ ਹੈ।
ਵੋਡਾਫੋਨ ਨੇ ਹਾਲ ਹੀ 'ਚ ਰੈੱਡ ਪੋਸਟਪੈਡ ਪਲਾਨ ਰੀਵਾਈਜ਼ ਕੀਤਾ ਸੀ। ਇਸ ਤੋਂ ਬਾਅਦ ਏਅਰਟੈੱਲ ਨੇ ਆਪਣੇ 1,199 ਰੁਪਏ ਵਾਲੇ ਪੋਸਟਪੇਡ ਪਲਾਨ ਨੂੰ ਰੀਵਾਈਜ਼ ਕੀਤਾ ਹੈ।
ਟੈਲੀਕਾਮ ਕੰਪਨੀ ਏਅਰਟੈਲ ਹੁਣ ਪ੍ਰੀਪੇਡ ਗਾਹਕਾਂ ਲਈ ਆਪਣੇ 1,199 ਰੁਪਏ ਵਾਲੇ ਪੋਸਟਪੇਡ ਪਲਾਨ 'ਚ ਵਾਧੂ ਡਾਟਾ ਦੇ ਰਹੀ ਹੈ। ਕੰਪਨੀ ਦੇ ਇਸ ਪਲਾਨ 'ਚ ਪਹਿਲਾਂ ਅਨਲਿਮਿਟਡ ਲੋਕਲ ਤੇ ਨੈਸ਼ਨਲ ਕਾਲਿੰਗ, ਅਨਲਿਮਿਟਡ ਰੋਮਿੰਗ ਤੇ ਅਨਲਿਮਿਟਡ ਐਸਐਮਐਸ ਦੇ ਨਾਲ 90 ਜੀਬੀ ਡਾਟਾ ਮਿਲ ਰਿਹਾ ਸੀ।
ਹੁਣ ਕੰਪਨੀ ਵੱਲੋਂ ਰੀਵਾਈਜ਼ ਕਰਨ ਤੋਂ ਬਾਅਦ ਇਸ ਪਲਾਨ 'ਚ 120 ਜੀਬੀ 3G/4G ਡਾਟਾ ਤੇ ਅਨਲਿਮਿਟਡ ਲੋਕਲ ਤੇ ਨੈਸ਼ਨਲ ਕਾਲਿੰਗ, ਅਨਲਿਮਿਟਡ ਰੋਮਿੰਗ ਤੇ ਐਸਐਮਐਸ ਦੀ ਸੁਵਿਧਾ ਹੋਵੇਗੀ। ਇਸ ਪਲਾਨ 'ਚ ਹੁਣ 30 ਜੀਬੀ ਡਾਟਾ ਵਾਧੂ ਮਿਲ ਰਿਹਾ ਹੈ ਤੇ ਇੱਕ ਸਾਲ ਦੀ ਅਮੇਜ਼ਨ ਪ੍ਰਾਇਮ ਮੈਂਬਰਸ਼ਿਪ ਵੀ ਮਿਲ ਰਹੀ ਹੈ। ਗਾਹਕਾਂ ਨੂੰ ਵਿੰਕ ਮਿਊਜ਼ਿਕ ਤੇ ਏਅਰਟੈਲ ਟੀਵੀ, ਹੈਂਡਸੈਟ ਪ੍ਰੋਡਕਸ਼ਨ ਦੀ ਸੁਵਿਧਾ ਵੀ ਮਿਲ ਰਹੀ ਹੈ।