ਰਿਪੋਰਟ ਮੁਤਾਬਕ ਕਿਹਾ ਜਾ ਰਿਹਾ ਹੈ ਕਿ ਐਂਡ੍ਰੌਇਡ ਐਪਸ ਨੂੰ ਇਸ਼ਤਿਹਾਰ ਆਈਡੀ ਨਾਲ ਟੈਗ ਕਰਕੇ ਯੂਜ਼ਰ ਦੀ ਜਾਣਕਾਰੀ ਲੀਕ ਕੀਤੀ ਜਾ ਰਹੀ ਹੈ। ਨਾ ਤਾਂ ਇਸ ਦੀ ਕੋਈ ਲਿਮਿਟ ਹੈ ਤੇ ਨਾ ਹੀ ਇਸ ਨੂੰ ਬਦਲਿਆ ਜਾ ਸਕਦਾ ਹੈ। ਰਿਪੋਰਟ ਮੁਤਾਬਕ Egelman ਨੇ ਆਪਣੀ ਖੋਜ ਵਿੱਚ ਕਿਹਾ ਹੈ ਕਿ ਇਨ੍ਹਾਂ ਵਿੱਚ ਐਂਗਰੀ ਬਰਡ ਕਲਾਸਿਕ, ਆਡੀਓਬੁਕਸ, ਫਲਿਪਬੋਰਡ ਵਰਗੀਆਂ ਕਈ ਹਾਈ ਪ੍ਰੋਫਾਈਲ ਐਪਸ ਤੋਂ ਇਲਾਵਾ ਬੈਟਰੀ ਡਾਕਟਰ ਤੇ ਕਲੀਨ ਮਾਸਟਰ ਵਰਗੀਆਂ ਯੂਟਿਲਟੀ ਐਪਸ ਵੀ ਸ਼ਾਮਲ ਹਨ ਜਿਨ੍ਹਾਂ ਨੂੰ ਤਕਰੀਬਨ ਇੱਕ ਬਿਲੀਅਨ ਤੋਂ ਵੱਧ ਡਿਵਾਇਸਿਸ ਵਿੱਚ ਡਾਊਨਲੋਡ ਕੀਤਾ ਜਾ ਚੁੱਕਾ ਹੈ।
ਉੱਧਰ ਗੂਗਲ ਨੇ ਸਾਰੀਆਂ ਰਿਪੋਰਟਾਂ ਤੇ ਇਲਜ਼ਾਮਾਂ ਨੂੰ ਖਾਰਜ ਕਰ ਦਿੱਤਾ ਹੈ। ਗੂਗਲ ਦਾ ਕਹਿਣਾ ਹੈ ਕਿ ਗੂਗਲ ਕੁਝ ਐਪਸ ਦਾ ਹੀ ਹਾਰਡਵੇਅਰ ਤੇ ਐਂਡ੍ਰੌਇਡ ਆਈਡੀ ਲੈਂਦਾ ਹੈ। ਇਨ੍ਹਾਂ ਵਿੱਚ ਵੀ ਫਰਾਡ ਡਿਟੈਕਸ਼ਨ ਦਾ ਪਤਾ ਲਾਉਣਾ ਸ਼ਾਮਲ ਹੁੰਦਾ ਹੈ ਨਾ ਕਿ ਯੂਜ਼ਰਸ ਲਈ ਇਸ਼ਤਿਹਾਰਾਂ ਨੂੰ ਟਾਰਗਿਟ ਕਰਨਾ।