ਦਰਅਸਲ, ਕੰਪਨੀ ਵਲੋਂ ਵ੍ਹੱਟਸਐਪ 'ਤੇ ਚੈਟ ਕਰਨ ਵਾਲੇ ਯੂਜ਼ਰਸ ਨੂੰ ਸਲਾਹ ਦਿੱਤੀ ਹੈ ਕਿ ਉਹ ਇਸ ਚੈਟਿੰਗ ਐਪ ਨੂੰ ਸਵਾਇਪ ਕਰਕੇ ਬੰਦ ਨਾ ਕਰਨ। ਤੁਹਾਨੂੰ ਦੱਸ ਦੇਈਏ ਕਿ ਆਈਫੋਨ X ਨੂੰ ਛੱਡ ਕੇ ਬਾਕੀ ਸਾਰੇ ਆਈਫੋਨ ਚ ਹੋਮ ਬਟਨ ਨੂੰ ਡਬਲ ਕਲਿੱਕ ਕਰਕੇ ਐਪ ਨੂੰ ਬੰਦ ਕਰਨ ਦੇ ਲਈ ਉੱਪਰ ਵਾਲੇ ਪਾਸੇ ਸਵਾਇਪ ਕਰਨਾ ਪੈਂਦਾ ਹੈ। ਪਰ ਵਟਸਐਪ ਯੂਜ਼ਰਸ ਨੂੰ ਅਜਿਹਾ ਕਰਨ ਤੋਂ ਬਚਣ ਦੇ ਲਈ ਕਿਹਾ ਜਾ ਰਿਹਾ ਹੈ। ਕੰਪਨੀ ਵਲੋਂ ਆ ਰਹੀ ਨੋਟੀਫਿਕੇਸ਼ਨ ਵਿੱਚ ਕਿਹਾ ਜਾ ਰਿਹਾ ਹੈ ਕਿ ਵਟਸਐਪ ਬੰਦ ਕਰਨ ਨਾਲ ਤੁਹਾਨੂੰ ਨੋਟੀਫਿਕੇਸ਼ਨ ਪ੍ਰਾਪਤ ਨਹੀਂ ਹੋਣਗੇ।
ਖ਼ਾਸ ਗੱਲ ਇਹ ਹੈ ਕਿ ਸਵਾਇਪ ਕਰਨ ਤੋਂ ਇਲਾਵਾ ਐਪ ਨੂੰ ਬੰਦ ਕਰਨ ਦਾ ਕੋਈ ਦੂਜਾ ਤਰੀਕਾ ਵੀ ਨਹੀਂ ਹੈ। ਟਵਿੱਟਰ ਤੇ ਇੱਕ ਯੂਜ਼ਰ ਨੇ ਐਪਲ ਸਪੋਰਟ ਅਤੇ ਵ੍ਹੱਟਸਐਪ ਨਾਲ ਇਸ ਪਰੇਸ਼ਾਨੀ ਦਾ ਜ਼ਿਕਰ ਕੀਤਾ ਹੈ। ਮੰਨਿਆ ਜਾ ਰਿਹਾ ਹੈ ਕਿ ਜਦ ਆਈ.ਓ.ਐਸ. 11 ਅਪਡੇਟ ਤੋਂ ਬਾਅਦ ਇਹ ਪਰੇਸ਼ਾਨੀ ਆ ਰਹੀ ਹੈ। ਇਸ ਪਰੇਸ਼ਾਨੀ ਨੂੰ ਕੰਪਨੀ ਅਗਲੇ ਅਪਡੇਟ ਵਿੱਚ ਦੂਰ ਕਰ ਸਕਦੀ ਹੈ।