ਨਵੀਂ ਦਿੱਲੀ: ਆਈਫੋਨ XS, ਆਈਫੋਨXS ਮੈਕਸ ਤੇ ਆਈਫੋਨ XR ਨੂੰ ਇਸ ਮਹੀਨੇ ਲਾਂਚ ਕੀਤਾ ਗਿਆ ਸੀ। ਆਈਫੋਨXS ਤੇ ਆਈਫੋਨ XS ਮੈਕਸ ਦੀ ਸੇਲ ਦੀ ਸ਼ੁਰੂਆਤ ਇਸ ਮਹੀਨੇ ਦੀ 28 ਤਾਰੀਖ ਤੋਂ ਹੋ ਰਹੀ ਹੈ। ਅੱਜ ਤੋਂ ਗਾਹਕ ਫੋਨ ਨੂੰ ਪ੍ਰੀ-ਆਰਡਰ ਕਰ ਸਕਦੇ ਹਨ।
ਜੇਕਰ ਤੁਸੀਂ ਇਹ ਫੋਨ ਖਰੀਦਣਾ ਚਾਹੁੰਦੇ ਹੋ ਤਾਂ ਏਅਰਟੈਲ, ਰਿਲਾਇੰਸ ਜੀਓ ਤੇ ਫਲਿਪਕਾਰਟ ਜ਼ਰੀਏ ਖਰੀਦ ਸਕਦੇ ਹੋ। ਇਨ੍ਹਾਂ ਥਾਵਾਂ 'ਤੇ ਆਈਫੋਨ ਦੇ ਦੋਵੇਂ ਮਾਡਲਸ ਪ੍ਰੀ ਆਰਡਰ ਕੀਤੇ ਜਾ ਸਕਦੇ ਹਨ। ਰਿਲਾਇੰਸ ਜੀਓ ਦੇ ਆਨਲਾਈਨ ਸਟੋਰਾਂ, ਏਅਰਟੈਲ ਤੇ ਫਲਿਪਕਾਰਟ 'ਤੇ ਪ੍ਰੀ ਆਰਡਰ ਕਰਨ 'ਤੇ ਨਵਾਂ ਫੋਨ ਆਪਣਾ ਬਣਾ ਸਕਦੇ ਹੋ।
ਐਪਲ ਆਈਫੋਨ XS ਤੇ ਆਈਫੋਨ XS ਮੈਕਸ ਕੰਪਨੀ ਦੇ ਸਭ ਤੋਂ ਮਹਿੰਗੇ ਡਿਵਾਇਸ ਹਨ। ਇਨ੍ਹਾਂ ਦੀ ਸ਼ੁਰੂਆਤੀ ਕੀਮਤ 99,990 ਰੁਪਏ ਹੈ ਜਦਕਿ 512 ਜੀਬੀ ਸਟੋਰੇਜ ਵਾਲੇ ਵੇਰੀਐਂਟ ਦੀ ਕੀਮਤ 144,900 ਰੁਪਏ ਹੈ। ਦੋਵੇਂ ਫੋਨ ਤਕਰੀਬਨ ਇਕੋ ਜਿਹੇ ਹਨ ਸਿਰਫ ਡਿਸਪਲੇਅ ਤੇ ਬੈਟਰੀ 'ਚ ਫਰਕ ਹੈ।