ਨਵੀਂ ਦਿੱਲੀ: ਚਾਇਨੀਜ਼ ਸਮਾਰਟਫੋਨ ਮੇਕਰ ਕੰਪਨੀ ਸ਼ਿਓਮੀ ਜਲਦ ਹੀ ਰੇਡਮੀ ਨੋਟ 4 ਦਾ ਸਕਸੈਸਰ ਰੇਡਮੀ ਨੋਟ 5 ਲਾਂਚ ਕਰਨ ਵਾਲੀ ਹੈ। ਹੁਣ ਸ਼ਿਓਮੀ ਦੇ ਇੰਡੀਆ ਹੈੱਡ ਮਨੂੰ ਕੁਮਾਰ ਜੈਨ ਨੇ ਕੰਪਨੀ ਦੇ ਨਵੇਂ ਪ੍ਰੋਡਕਟ ਨੂੰ ਲੈ ਕੇ ਟਵੀਟ ਕੀਤਾ ਹੈ। ਮਨੂੰ ਕੁਮਾਰ ਨੇ ਟਵੀਟ 'ਚ ਲਿਖਿਆ ਹੈ ਕਿ ਜਲਦ ਆ ਰਿਹਾ ਹੈ, ਅੰਦਾਜ਼ਾ ਲਾਓ ਕੀ ਹੋ ਸਕਦਾ ਹੈ?
ਕੰਪਨੀ ਨੇ ਆਪਣੇ ਟੀਜ਼ਰ ਨਾਲ ਇਹ ਕੰਫਿਊਜ਼ਨ ਬਣਾਈ ਰੱਖਿਆ ਹੈ ਕਿ ਆਉਣ ਵਾਲਾ ਇਹ ਸਮਾਰਟਫੋਨ Mi 6C ਹੋਵੇਗਾ ਜਾਂ ਰੇਡਮੀ ਨੋਟ 5 ਹੋਵੇਗਾ। ਲੀਕ ਰਿਪੋਰਟ ਦੀ ਮੰਨੀਏ ਤਾਂ ਸ਼ਿਓਮੀ ਆਉਣ ਵਾਲੇ ਦਿਨਾਂ 'ਚ ਰੇਡਮੀ 5 ਲਾਂਚ ਕਰ ਸਕਦਾ ਹੈ। ਇਸ ਸਮਾਰਟਫੋਨ ਨੂੰ ਹੁਣ ਜਿਹੇ ਓਪੋਮਾਰਟ 'ਚ ਲਿਸਟ ਕੀਤਾ ਗਿਆ ਹੈ।
ਇਸ ਲਿਸਟਿੰਗ ਸਦਕਾ ਇਸ ਸਮਾਰਟਫੋਨ ਬਾਰੇ ਡੇਟਾ ਸਾਹਮਣੇ ਆਇਆ ਹੈ। ਇਸ ਮੁਤਾਬਕ ਰੇਡਮੀ ਨੋਟ 5 'ਚ 5.9 ਇੰਚ ਦੀ ਸਕਰੀਨ ਲੱਗੀ ਹੈ। ਇਸ ਦਾ ਰੈਜ਼ਲਿਊਸ਼ਨ 2160 x 1080 ਪਿਕਸਲ ਹੋਵੇਗਾ। ਇਸ ਦੇ ਨਾਲ ਹੀ ਇਹ 18:9 ਆਸਪੈਕਟ ਰੇਸ਼ੋ ਹੋਵੇਗਾ। ਇਸ ਦਾ ਮਤਲਬ ਇਹ ਹੋਇਆ ਕਿ ਇਸ 'ਚ ਐਜ਼-ਟੂ-ਐਜ਼ ਡਿਸਪਲੇ ਹੋਵੇਗੀ। ਇਸ 'ਚ ਕਵਾਲਕੌਮ ਸਨੈਪਡ੍ਰੈਗਨ 625 ਦਿੱਤਾ ਗਿਆ ਹੈ ਜਿਹੜਾ 3 ਜੀਬੀ ਤੇ 4 ਜੀਬੀ 'ਚ ਆ ਸਕਦਾ ਹੈ। ਇਸ ਦੇ ਨਾਲ ਹੀ ਇਹ 32 ਜੀਬੀ ਅਤੇ 64 ਜੀਬੀ 'ਚ ਆਵੇਗਾ।
ਇਸ ਲੀਕ ਲਿਸਟਿੰਗ ਦੀ ਮੰਨੀਏ ਤਾਂ ਰੇਡਮੀ 5 ਨੋਟ 'ਚ 12 ਮੈਗਾਪਿਕਸਲ ਦਾ ਬੈਕ ਕੈਮਰਾ ਤੇ 5 ਮੈਗਾਪਿਕਸਲ ਦਾ ਫਰੰਟ ਕੈਮਰਾ ਦਿੱਤਾ ਗਿਆ ਹੈ। ਇਹ ਐਂਡ੍ਰਾਇਡ ਨੌਗਟ 7.1 ਨਾਲ ਹੋਵੇਗਾ ਜੋ MIUI 9 'ਤੇ ਬੇਸਡ ਹੋਵੇਗਾ। ਦੱਸਿਆ ਜਾ ਰਿਹਾ ਹੈ ਕਿ ਇਸ 'ਚ 4000 ਐਮਏਐਚ ਦੀ ਬੈਟਰੀ ਹੋਵੇਗੀ।