ਨਵੀਂ ਦਿੱਲੀ: ਰਿਲਾਇੰਸ ਜੀਓ ਨੇ ਇੱਕ ਵਾਰ ਫਿਰ ਆਪਣਾ ਸੈਲੀਬ੍ਰੇਸ਼ਨ ਪੈਕ ਪੇਸ਼ ਕੀਤਾ ਹੈ। ਇਸ ਨਾਲ ਗਾਹਕਾਂ ਨੂੰ ਵਾਧੂ 10 GB ਡੇਟਾ ਮਿਲੇਗਾ। ਇਸ ਤਹਿਤ 5 ਦਿਨਾਂ ਲਈ ਰੋਜ਼ਾਨਾ 2 GB ਡੇਟਾ ਦਿੱਤਾ ਜਾਏਗਾ। ਯਾਨੀ ਜੀਓ ਗਾਹਕਾਂ ਨੂੰ ਰੋਜ਼ਾਨਾ 2 GB 4G ਡੇਟਾ ਮਿਲੇਗਾ ਤੇ ਇਹ ਉਸ ਤੋਂ ਉੱਪਰ ਦੇ ਪਲਾਨ ’ਤੇ ਵੀ ਲਾਗੂ ਹੋਏਗਾ। ਜੇ ਤੁਸੀਂ ਚੈੱਕ ਕਰਨਾ ਚਾਹੁੰਦੇ ਹੋ ਕਿ ਤੁਹਾਨੂੰ ਵੀ ਇਹ ਵਾਧੂ ਡੇਟਾ ਦਾ ਆਫਰ ਮਿਲ ਰਿਹਾ ਹੈ ਜਾਂ ਨਹੀਂ ਤਾਂ ਇਹ ਟੈਪਸ ਫੌਲੋ ਕਰੋ।
  • ਸਭ ਤੋਂ ਪਹਿਲਾਂ ਮਾਈ ਜੀਓ ਐਪ ਖੋਲ੍ਹੋ।
  • ਜੀਓ ਨੰਬਰ ਤੋਂ ਲਾਗ ਇਨ ਕਰੋ।
  • ਵੈਰੀਫਿਕੇਸ਼ਨ ਲਈ ਵਨ ਟਾਈਮ ਪਾਸਵਰਡ ਭਰੋ।
  • ਖੱਬੇ ਪਾਸੇ ਸਭ ਤੋਂ ਉੱਪਰ ਤਿੰਨ ਹੌਰੀਜ਼ੌਂਟਲ ਲਾਈਨਾਂ ’ਤੇ ਕਲਿੱਕ ਕਰੋ। ਹੁਣ ਮਾਈ ਪਲਾਨ ’ਤੇ ਟੈਪ ਕਰੋ।
  • ਜੀਓ ਸੈਲੀਬ੍ਰੈਸ਼ਨ ਪੈਕ ਲੱਭੋ। ਇਹ ਤੁਹਾਡੇ ਮੌਜੂਦਾ ਪਲਾਨ ਤੋਂ ਹੇਠਾਂ ਹੋਏਗਾ।
ਇਸ ਤੋਂ ਇਲਾਵਾ ਤੁਸੀਂ 1299 ’ਤੇ ਕਾਲ ਕਰਕੇ ਵੀ SMS ਜ਼ਰੀਏ ਇਸ ਬਾਰੇ ਪਤਾ ਲਾ ਸਕਦੇ ਹੋ। ਦੱਸ ਦੇਈਏ ਕਿ ਇਸ ਪਲਾਨ ਨੂੰ ਪਿਛਲੇ ਸਾਲ ਸਤੰਬਰ ਮਹੀਨੇ ਵਿੱਚ ਲਾਂਚ ਕੀਤਾ ਗਿਆ ਸੀ। ਇਸ ਦੇ ਨਾਲ ਹੀ ਹਾਲ ਹੀ ਦੇ ਵਿੱਚ ਰਿਲਾਇੰਸ ਜੀਓ ਨੂੰ ਫਰਵਰੀ ਦੇ ਮਹੀਨੇ ਵਿੱਚ ਸਭ ਤੋਂ ਤੇਜ਼ ਨੈਟਵਰਕ ਦਾ ਮਿਲ ਚੁੱਕਾ ਹੈ। ਇਸ ਦੀ ਡਾਊਨਲੋਡ ਸਪੀਡ 20.9Mbpsਸੀ।