ਸੋਨਾਕਸ਼ੀ ਸਿਨ੍ਹਾ ਨਾਲ ਐਮਜੋਨ ਨੇ ਕੀਤੀ ਠੱਗੀ, ਸੋਨਾ ਨੇ ਸੋਸ਼ਲ ਮੀਡੀਆ ‘ਤੇ ਦੱਸੀ ਕਹਾਣੀ

ਮੁੰਬਈ: ਆਨਲਾਈਨ ਠੱਗੀ ਦਾ ਸ਼ਿਕਾਰ ਸਿਰਫ ਆਮ ਲੋਕ ਹੀ ਨਹੀਂ ਕਦੇ-ਕਦੇ ਫਿਲਮੀ ਸਿਤਾਰੇ ਵੀ ਹੋ ਜਾਂਦੇ ਹਨ। ਅਜਿਹਾ ਹੀ ਕੁਝ ਹੋਇਆ ਦਬੰਗ ਗਰਲ ਸੋਨਾਕਸ਼ੀ ਸਿਨ੍ਹਾ ਨਾਲ ਵੀ। ਜੀ ਹਾਂ, ਸੋਨਾਕਸ਼ੀ ਨੇ ਹਾਲ ਹੀ ‘ਚ ਆਨਲਾਈਨ ਸ਼ੌਪਿੰਗ ਸਾਈਟ ਐਮਜ਼ੋਨ ਤੋਂ 18,000 ਰੁਪਏ ਦੇ ਹੈੱਡਫੋਨ ਖਰੀਦੇ।

ਸੋਨਾ ਨੂੰ ਜਦੋਂ ਇਹ ਹੈੱਡਫੋਨ ਮਿਲੇ ਤੇ ਉਸ ਨੇ ਬਾਕਸ ਖੋਲ੍ਹ ਕੇ ਦੇਖਿਆ ਤਾਂ ਹੈਰਾਨ ਹੀ ਹੋ ਗਈ। ਉਸ ਨੂੰ ਬਾਕਸ ‘ਚ ਹੈੱਡਫੋਨ ਦੀ ਥਾਂ ਇੱਕ ਲੋਹੇ ਦਾ ਟੁਕੜਾ ਮਿਲਿਆ। ਸੋਨਾ ਨੇ ਉਸੇ ਸਮੇਂ ਇਸ ਘਟਨਾ ਨੂੰ ਸੋਸ਼ਲ ਮੀਡੀਆ ਟਵਿਟਰ ‘ਤੇ ਪੋਸਟ ਕੀਤਾ। ਆਪਣੀ ਸ਼ਿਕਾਇਤ ਲਿਖਦੇ ਹੋਏ ਕੰਪਨੀ ਨੂੰ ਟੈਗ ਵੀ ਕੀਤਾ। ਇਸ ਤੋਂ ਬਾਅਦ ਕੰਪਨੀ ਨੇ ਸੋਨਾਕਸ਼ੀ ਤੋਂ ਮੁਆਫੀ ਵੀ ਮੰਗੀ।