RIL 46th AGM 2023: ਰਿਲਾਇੰਸ ਜੀਓ ਨੇ ਸੋਮਵਾਰ ਨੂੰ ਆਪਣੀ AGM ਵਿੱਚ ਦੇਸ਼ ਭਰ ਵਿੱਚ Jio AirFiber ਨੂੰ ਲਾਂਚ ਕਰਨ ਦੀ ਤਰੀਕ ਦਾ ਐਲਾਨ ਕੀਤਾ ਹੈ। ਗਰੁੱਪ ਚੇਅਰਮੈਨ ਮੁਕੇਸ਼ ਅੰਬਾਨੀ ਨੇ AGM (RIL 46ਵੀਂ AGM 2023) ਵਿੱਚ ਘੋਸ਼ਣਾ ਕੀਤੀ ਕਿ Jio Airfiber ਨੂੰ ਗਣੇਸ਼ ਚਤੁਰਥੀ ਯਾਨੀ 19 ਸਤੰਬਰ 2023 ਨੂੰ ਦੇਸ਼ ਭਰ ਵਿੱਚ ਲਾਂਚ ਕੀਤਾ ਜਾਵੇਗਾ।ਇਹ ਗਾਹਕਾਂ ਨੂੰ ਹਾਈ ਸਪੀਡ ਇੰਟਰਨੈੱਟ ਉਪਲਬਧ ਕਰਾਵੇਗੀ। ਕੰਪਨੀ ਫਿਕਸਡ ਵਾਇਰਲੈੱਸ ਐਕਸੈਸ (FWA) ਡਿਵਾਈਸ - Jio Airfiber ਨੂੰ ਪ੍ਰਚੂਨ ਗਾਹਕਾਂ ਲਈ ਮਾਰਕੀਟ ਰੇਟ ਦੇ ਮੁਕਾਬਲੇ 20 ਪ੍ਰਤੀਸ਼ਤ ਤੱਕ ਦੀ ਛੋਟ ਦੇ ਨਾਲ ਲਾਂਚ ਕਰੇਗੀ।
Jio AirFiber ਦੀ ਜ਼ਬਰਦਸਤ ਸਮਰੱਥਾ
ਮੁਕੇਸ਼ ਅੰਬਾਨੀ ਨੇ ਕਿਹਾ ਕਿ ਅੱਜ ਮੈਨੂੰ ਇਹ ਐਲਾਨ ਕਰਦੇ ਹੋਏ ਖੁਸ਼ੀ ਹੋ ਰਹੀ ਹੈ ਕਿ ਜੀਓ ਏਅਰਫਾਈਬਰ 19 ਸਤੰਬਰ ਨੂੰ ਗਣੇਸ਼ ਚਤੁਰਥੀ ਦੇ ਸ਼ੁਭ ਮੌਕੇ 'ਤੇ ਲਾਂਚ ਕੀਤਾ ਜਾਵੇਗਾ, ਜਿਸ ਨਾਲ ਸਾਨੂੰ ਗਾਹਕ ਮੁੱਲ ਅਤੇ ਮਾਲੀਆ ਵਾਧੇ (revenue growth) ਦਾ ਇੱਕ ਹੋਰ ਮੌਕਾ ਮਿਲੇਗਾ। ਅੰਬਾਨੀ ਨੇ ਕਿਹਾ ਕਿ ਆਪਟੀਕਲ ਫਾਈਬਰ ਦੇ ਜ਼ਰੀਏ ਅਸੀਂ ਵਰਤਮਾਨ ਵਿੱਚ ਪ੍ਰਤੀ ਦਿਨ ਲਗਭਗ 15,000 ਕੈਂਪਸਾਂ ਨੂੰ ਜੋੜ ਸਕਦੇ ਹਾਂ। ਪਰ Jio AirFiber ਦੇ ਨਾਲ ਅਸੀਂ ਇਸ ਵਿਸਥਾਰ ਨੂੰ ਪ੍ਰਤੀ ਦਿਨ 150,000 ਕੁਨੈਕਸ਼ਨਾਂ ਤੱਕ ਸੁਪਰਚਾਰਜ ਕਰ ਸਕਦੇ ਹਾਂ।
ਇਹ ਵੀ ਪੜ੍ਹੋ: WhatsApp 'ਤੇ ਨੌਕਰੀ ਦੇ ਆਫ਼ਰ ਦਾ ਭਰੋਸਾ ਕਰਨਾ ਪੈ ਸਕਦਾ ਹੈ ਮਹਿੰਗਾ, ਝੱਟ ਖਾਲੀ ਹੋ ਜਾਵੇਗਾ ਬੈਂਕ ਖਾਤਾ !
ਮਿਲੇਗੀ 5G ਨੈਟਵਰਕ ਸਰਵਿਸ
ਜੀਓ ਏਅਰ ਫਾਈਬਰ 5ਜੀ ਨੈੱਟਵਰਕ ਅਤੇ ਅਤਿ-ਆਧੁਨਿਕ ਵਾਇਰਲੈੱਸ ਤਕਨਾਲੋਜੀ ਦੀ ਵਰਤੋਂ ਕਰਦੇ ਹੋਏ ਘਰਾਂ ਅਤੇ ਦਫ਼ਤਰਾਂ ਨੂੰ ਵਾਇਰਲੈੱਸ ਬਰਾਡਬੈਂਡ ਸੇਵਾ ਪ੍ਰਦਾਨ ਕਰੇਗਾ। ਜੀਓ ਏਅਰ ਫਾਈਬਰ ਦੇ ਆਉਣ ਨਾਲ ਟੈਲੀਕਾਮ ਸੈਕਟਰ 'ਚ ਭਾਰੀ ਉਥਲ-ਪੁਥਲ ਹੋਣ ਦੀ ਸੰਭਾਵਨਾ ਹੈ। ਕੰਪਨੀ ਜੀਓ ਏਅਰ ਫਾਈਬਰ ਦੇ ਜ਼ਰੀਏ 200 ਮਿਲੀਅਨ ਘਰਾਂ ਅਤੇ ਇਮਾਰਤਾਂ ਤੱਕ ਪਹੁੰਚਣ ਦੀ ਉਮੀਦ ਕਰ ਰਹੀ ਹੈ। ਜੀਓ ਏਅਰ ਫਾਈਬਰ ਦੇ ਆਉਣ ਨਾਲ ਜੀਓ ਹਰ ਰੋਜ਼ 1.5 ਲੱਖ ਨਵੇਂ ਗਾਹਕਾਂ ਨੂੰ ਜੋੜ ਸਕੇਗਾ।
1.5 ਮਿਲੀਅਨ ਕਿਲੋਮੀਟਰ ਤੱਕ ਫੈਲਿਆ ਹੋਇਆ ਜੀਓ ਦਾ ਆਪਟੀਕਲ ਫਾਈਬਰ
ਰਿਲਾਇੰਸ ਜੀਓ ਨੇ ਕਿਹਾ ਕਿ ਜੀਓ ਦਾ ਆਪਟੀਕਲ ਫਾਈਬਰ ਬੁਨਿਆਦੀ ਢਾਂਚਾ ਦੇਸ਼ ਵਿੱਚ 1.5 ਮਿਲੀਅਨ ਕਿਲੋਮੀਟਰ ਤੱਕ ਫੈਲਿਆ ਹੋਇਆ ਹੈ। ਆਪਟੀਕਲ ਫਾਈਬਰ 'ਤੇ ਇੱਕ ਗਾਹਕ ਔਸਤਨ ਪ੍ਰਤੀ ਮਹੀਨਾ 280 GB ਤੋਂ ਵੱਧ ਡਾਟਾ ਵਰਤਦਾ ਹੈ, ਜੋ ਕਿ Jio ਦੀ ਪ੍ਰਤੀ ਵਿਅਕਤੀ ਮੋਬਾਈਲ ਡਾਟਾ ਖਪਤ ਤੋਂ 10 ਗੁਣਾ ਜ਼ਿਆਦਾ ਹੈ। ਇਸ ਤੋਂ ਇਲਾਵਾ 46ਵੀਂ ਸਾਲਾਨਾ ਜਨਰਲ ਮੀਟਿੰਗ 'ਚ ਕੰਪਨੀ ਨੇ Jio True 5G ਡਿਵੈਲਪਰ ਪਲੇਟਫਾਰਮ ਅਤੇ Jio True 5G ਲੈਬ ਨੂੰ ਲਾਂਚ ਕਰਨ ਦਾ ਵੀ ਐਲਾਨ ਕੀਤਾ।
ਇਹ ਵੀ ਪੜ੍ਹੋ: RIL AGM 2023 : ਮੁਕੇਸ਼ ਅਤੇ ਨੀਤਾ ਅੰਬਾਨੀ ਨੇ ਦਿੱਤਾ ਅਸਤੀਫਾ, ਬੋਰਡ 'ਚ ਸ਼ਾਮਲ ਹੋਏ ਈਸ਼ਾ, ਅਨੰਤ ਅਤੇ ਆਕਾਸ਼