Cricket World Cup 2023: ਕ੍ਰਿਕਟ ਵਿਸ਼ਵ ਕੱਪ 2023 ਦੀ ਟਰਾਫੀ ਦਾ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਿਹਾ ਹੈ। ਗੋਲਡ ਅਤੇ ਸਿਲਵਰ ਕਲਰ 'ਚ ਦਿਖਾਈ ਦੇਣ ਵਾਲੀ ਇਸ ਟਰਾਫੀ ਨੂੰ ਲੋਕ ਕਾਫੀ ਪਸੰਦ ਕਰ ਰਹੇ ਹਨ। ਕ੍ਰਿਕਟ ਵਿਸ਼ਵ ਕੱਪ ਟਰਾਫੀ ਦਾ ਡਿਜ਼ਾਈਨ ਸਧਾਰਨ ਹੈ ਪਰ ਸ਼ਾਨਦਾਰ ਬਣਾਇਆ ਗਿਆ ਸੀ। ਟਰਾਫੀ ਵਿੱਚ ਨਜ਼ਰ ਆਉਣ ਵਾਲਾ ਗਲੋਬ ਇੱਕ ਕ੍ਰਿਕਟ ਗੇਂਦ ਨੂੰ ਦਰਸਾਉਂਦਾ ਹੈ ਅਤੇ ਕਾਲਮ ਕ੍ਰਿਕਟ ਦੇ ਤਿੰਨ ਬੁਨਿਆਦੀ ਪਹਿਲੂਆਂ ਨੂੰ ਦਰਸਾਉਂਦੇ ਹਨ।
ਪੂਰੀ ਟਰਾਫੀ ਸੋਨੇ ਦੀ ਨਹੀਂ ਹੁੰਦੀ
ਕ੍ਰਿਕਟ ਵਿਸ਼ਵ ਕੱਪ ਦੀ ਟਰਾਫੀ ਚਾਂਦੀ ਅਤੇ ਸੋਨੇ ਦੀ ਬਣੀ ਹੋਈ ਹੈ। ਟਰਾਫੀ ਵਿੱਚ ਨਜ਼ਰ ਆਉਣ ਵਾਲੀ ਸੋਨੇ ਦੇ ਰੰਗ ਦੀ ਗੇਂਦ ਸੋਨੇ ਦੀ ਬਣੀ ਹੋਈ ਹੈ ਅਤੇ ਤਿੰਨ ਥੰਮ੍ਹ ਚਾਂਦੀ ਦੇ ਬਣੇ ਹੋਏ ਹਨ। ਆਈਸੀਸੀ ਕ੍ਰਿਕੇਟ ਵਿਸ਼ਵ ਕੱਪ ਟਰਾਫੀ ਨਾ ਸਿਰਫ਼ ਕ੍ਰਿਕਟ ਦੇ ਐਕਸੀਲੈਂਸ ਦਾ ਪ੍ਰਤੀਕ ਹੈ, ਸਗੋਂ ਹੁਣ ਤੱਕ ਪ੍ਰਦਾਨ ਕੀਤੀਆਂ ਗਈਆਂ ਮਹਿੰਗੀਆਂ ਖੇਡ ਟਰਾਫੀਆਂ ਦੀ ਸੂਚੀ ਵਿੱਚ ਵੀ ਪ੍ਰਮੁੱਖਤਾ ਨਾਲ ਸ਼ਾਮਲ ਹੈ।
ਇਹ ਵੀ ਪੜ੍ਹੋ: Viral News: ਆਸਮਾਨ 'ਚ ਛਾਏ ਪਲਾਸਟਿਕ ਦੇ ਬੱਦਲ! ਵਿਗਿਆਨੀਆਂ ਦੀ ਚੇਤਾਵਨੀ, ਬਾਰਸ਼ ਸ਼ੁਰੂ ਹੋਈ ਤਾਂ....
ਵਿਸ਼ਵ ਕੱਪ ਟਰਾਫੀ ਦੀ ਅੰਦਾਜ਼ਨ ਕੀਮਤ $30,000 ਹੈ। ਮੌਜੂਦਾ ਆਈ.ਸੀ.ਸੀ. ਟਰਾਫੀ ਦੁਨੀਆ ਦੀਆਂ ਚੋਟੀ ਦੀਆਂ-10 ਸਭ ਤੋਂ ਮਹਿੰਗੀਆਂ ਖੇਡ ਟਰਾਫੀਆਂ ਵਿੱਚੋਂ ਇੱਕ ਹੈ, ਇਸ ਦੀ ਕੀਮਤ ਲਗਭਗ 24,76,650 ਰੁਪਏ ਹੈ। ਇਹ ਕਿਸੇ ਵੀ ਕ੍ਰਿਕਟ ਪ੍ਰੇਮੀ ਲਈ ਇਹ ਇੱਕ ਮਹੱਤਵਪੁਰਣ ਨਿਵੇਸ਼ ਬਣਾਉਂਦਾ ਹੈ। ਖਾਸ ਤੌਰ 'ਤੇ ਉਨ੍ਹਾਂ ਲਈ ਜਿਹੜੇ 1999 ਵਿਸ਼ਵ ਕੱਪ ਅਤੇ ਵਨਡੇ ਵਿਸ਼ਵ ਕੱਪ ਟਰਾਫੀਆਂ ਵਿੱਚ ਦਿਲਚਸਪੀ ਰੱਖਦੇ ਹਨ।
ਇੰਨਾ ਹੈ ਭਾਰ
ਇਹ 1999 ਤੋਂ ਹੈ ਕਿ ਆਈਸੀਸੀ ਕੋਲ ਵਿਸ਼ਵ ਕੱਪ ਟਰਾਫੀ ਦਾ ਮੌਜੂਦਾ ਸੰਸਕਰਣ ਹੈ। ਇਸ ਦੇ ਮਾਪ ਦੀ ਗੱਲ ਕਰੀਏ ਤਾਂ ਟਰਾਫੀ ਦੀ ਉਚਾਈ ਕਥਿਤ ਤੌਰ 'ਤੇ 60 ਸੈਂਟੀਮੀਟਰ ਹੈ। ਉੱਥੇ ਹੀ ਜਦੋਂ ਇਸ ਦੇ ਭਾਰ ਦੀ ਗੱਲ ਆਉਂਦੀ ਹੈ ਤਾਂ ਵਿਕੀਪੀਡੀਆ ਦੇ ਅਨੁਸਾਰ ਇਸ ਦਾ ਅੰਦਾਜ਼ਨ ਭਾਰ 11.0567 ਕਿਲੋਗ੍ਰਾਮ ਹੈ। ਤੁਹਾਨੂੰ ਦੱਸ ਦਈਏ ਕਿ ਇਸ ਵਾਰ ਵਿਸ਼ਵ ਕੱਪ 2023 ਦਾ ਆਯੋਜਨ ਭਾਰਤ ਵਿੱਚ ਹੋ ਰਿਹਾ ਹੈ। ਪਹਿਲਾ ਮੈਚ 5 ਅਕਤੂਬਰ ਨੂੰ ਖੇਡਿਆ ਜਾਣਾ ਹੈ।
ਕਈ ਸਾਲਾਂ ਬਾਅਦ ਭਾਰਤ ਨੂੰ ਕ੍ਰਿਕਟ ਵਿਸ਼ਵ ਕੱਪ ਦੀ ਮੇਜ਼ਬਾਨੀ ਕਰਨ ਦਾ ਮੌਕਾ ਮਿਲਿਆ ਹੈ, ਜਿਸ ਦਾ ਫਾਈਨਲ ਮੈਚ 19 ਨਵੰਬਰ ਨੂੰ ਖੇਡਿਆ ਜਾਵੇਗਾ। ਵਿਸ਼ਵ ਕੱਪ ਦਾ ਪਹਿਲਾ ਅਤੇ ਆਖਰੀ ਮੈਚ ਅਹਿਮਦਾਬਾਦ ਦੇ ਨਰਿੰਦਰ ਮੋਦੀ ਸਟੇਡੀਅਮ 'ਚ ਖੇਡਿਆ ਜਾਵੇਗਾ। ਤੁਹਾਨੂੰ ਦੱਸ ਦੇਈਏ ਕਿ ਵਿਸ਼ਵ ਕੱਪ ਦਾ ਪਹਿਲਾ ਮੈਚ ਪਿਛਲੇ ਵਨਡੇ ਵਿਸ਼ਵ ਕੱਪ ਦੀ ਜੇਤੂ ਇੰਗਲੈਂਡ ਅਤੇ ਉਪ ਜੇਤੂ ਨਿਊਜ਼ੀਲੈਂਡ ਵਿਚਾਲੇ ਖੇਡਿਆ ਜਾਵੇਗਾ।
ਇਹ ਵੀ ਪੜ੍ਹੋ: Voting system: ਭਾਵੇਂ ਵੋਟਿੰਗ ਲਿਸਟ ‘ਚ ਹੋਵੇ ਨਾਮ...ਪਰ ਫਿਰ ਵੀ ਭਾਰਤ ‘ਚ ਇਹ ਲੋਕ ਨਹੀਂ ਪਾ ਸਕਦੇ ਵੋਟ