ਸੋਸ਼ਲ ਮੀਡੀਆ 'ਤੇ ਰੋਜ਼ਾਨਾ ਕੋਈ ਨਾ ਕੋਈ ਪੋਸਟ ਜਾਂ ਫ਼ਿਰ ਤਸਵੀਰਾਂ ਅਤੇ ਵੀਡੀਓਜ਼ ਵਾਇਰਲ ਹੁੰਦੀਆਂ ਰਹਿੰਦੀਆਂ ਹਨ। ਟਵਿੱਟਰ 'ਤੇ ਟ੍ਰੇਂਡ ਦੇ ਹਿਸਾਬ ਨਾਲ ਲੋਕ ਟਵੀਟ ਅਤੇ ਪੋਸਟ ਵੀ ਕਰਦੇ ਹਨ। ਇਸੇ ਤਰ੍ਹਾਂ ਇਸ ਸਮੇਂ ਇਕ ਟਵੀਟ ਵਾਇਰਲ ਹੋ ਰਿਹਾ ਹੈ, ਜਿਸ ਵਿਚ ਇਕ ਲੜਕੀ ਆਪਣੀ ਫੋਟੋ ਨੂੰ ਐਡਿਟ ਕਰਕੇ ਕੁਝ ਲੜਕਿਆਂ ਨੂੰ ਹਟਾਉਣ ਦੀ ਮੰਗ ਕਰਦੀ ਹੈ। ਟਵਿਟਰ ਯੂਜ਼ਰਸ ਨੇ ਉਸ ਕੁੜੀ ਨੂੰ ਇਸ ਤਰ੍ਹਾਂ ਜਵਾਬ ਦਿੱਤਾ ਕਿ ਲੋਕਾਂ ਦਾ ਹੱਸਣਾ ਨਿਕਲ ਗਿਆ।
ਇਹ ਵੀ ਪੜ੍ਹੋ : ਜੇਲ੍ਹ 'ਚ ਔਰਤ ਸਮੇਤ 44 ਕੈਦੀ ਮਿਲੇ 'HIV' ਪਾਜ਼ੀਟਿਵ, ਜੇਲ੍ਹ ਪ੍ਰਸ਼ਾਸਨ ਦੇ ਉੱਡੇ ਹੋਸ਼
ਕੁੜੀ ਨੇ ਫੋਟੋ ਤੋਂ ਮੁੰਡਿਆਂ ਨੂੰ ਹਟਾਉਣ ਲਈ ਕਿਹਾ, ਯੂਜ਼ਰਸ ਨੇ ਕੁੜੀ ਨੂੰ ਹੀ ਹਟਾ ਦਿੱਤਾ
Shweta Kukreja Post : ਸ਼ਵੇਤਾ ਦੀ ਇਸ ਪੋਸਟ 'ਤੇ ਕੁਮੈਂਟ ਕਰਨ ਵਾਲਿਆਂ ਦੀ ਝੜੀ ਲੱਗ ਗਈ। ਕੁਝ ਯੂਜ਼ਰਸ ਨੇ ਤੁਰੰਤ ਹੀ ਅੱਗੇ ਚੱਲ ਰਹੇ ਲੜਕਿਆਂ ਦੀ ਤਸਵੀਰ ਨੂੰ ਹਟਾ ਦਿੱਤਾ ਪਰ ਕੁਝ ਨੇ ਸ਼ਵੇਤਾ ਦੀ ਫੋਟੋ ਨੂੰ ਐਡਿਟ ਕਰਕੇ ਉਥੋਂ ਹਟਾ ਦਿੱਤਾ।
ਦਰਅਸਲ ਮਾਈਕ੍ਰੋਬਲਾਗਿੰਗ ਸਾਈਟ ਟਵਿੱਟਰ 'ਤੇ ਸ਼ਵੇਤਾ ਕੁਕਰੇਜਾ ਨਾਂ ਦੀ ਲੜਕੀ ਨੇ ਬੀਤੇ ਦਿਨੀਂ ਆਪਣੀ ਇਕ ਤਸਵੀਰ ਟਵੀਟ ਕੀਤੀ ਸੀ। ਇਸ 'ਚ ਉਹ ਦਿੱਲੀ ਦੇ ਖਾਨ ਬਾਜ਼ਾਰ 'ਚ ਘੁੰਮਦੀ ਨਜ਼ਰ ਆ ਰਹੀ ਹੈ। ਹਾਲਾਂਕਿ ਫੋਟੋ ਦੇ ਸਾਹਮਣੇ ਕੁਝ ਮੁੰਡੇ ਵੀ ਨਜ਼ਰ ਆ ਰਹੇ ਹਨ। ਸ਼ਵੇਤਾ ਨੇ ਮੰਗ ਕੀਤੀ ਕਿ ਇਨ੍ਹਾਂ ਲੜਕਿਆਂ ਦੀ ਫੋਟੋ ਨੂੰ ਐਡਿਟ ਕਰਕੇ ਹਟਾਇਆ ਜਾਵੇ। ਉਸ ਨੇ ਲਿਖਿਆ, "ਕੀ ਕੋਈ ਇਨ੍ਹਾਂ ਮੁੰਡਿਆਂ ਨੂੰ ਪਿਛੋਕੜ ਤੋਂ ਹਟਾ ਸਕਦਾ ਹੈ?"
ਸ਼ਵੇਤਾ ਕੁਕਰੇਜਾ ਦੀ ਇਹ ਪੋਸਟ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਗਈ ਹੈ। ਹੁਣ ਤੱਕ ਇਸ ਨੂੰ ਸਾਢੇ ਅੱਠ ਲੱਖ ਦੇ ਕਰੀਬ ਵਿਊਜ਼ ਮਿਲ ਚੁੱਕੇ ਹਨ। ਇਸ ਪੋਸਟ ਨੂੰ 5500 ਤੋਂ ਵੱਧ ਲੋਕਾਂ ਨੇ ਲਾਈਕ ਕੀਤਾ ਹੈ, ਜਦਕਿ 125 ਲੋਕਾਂ ਨੇ ਟਵੀਟ ਦਾ ਹਵਾਲਾ ਦਿੱਤਾ ਹੈ। ਇਸ ਦੇ ਨਾਲ ਹੀ 191 ਲੋਕਾਂ ਨੇ ਪੋਸਟ ਨੂੰ ਰੀਟਵੀਟ ਵੀ ਕੀਤਾ ਹੈ।