Haryana Sikh| ਪੰਥਕ ਸੰਕਟ ਹੋਰ ਗਹਿਰਾਇਆ! ਹਰਿਆਣਾ ਦੇ ਸਿੱਖਾਂ ਨੇ ਕੀਤਾ ਵੱਡਾ ਐਲਾਨ |HSGMC | Sukhbir Badal|
Haryana Sikh| ਪੰਥਕ ਸੰਕਟ ਹੋਰ ਗਹਿਰਾਇਆ! ਹਰਿਆਣਾ ਦੇ ਸਿੱਖਾਂ ਨੇ ਕੀਤਾ ਵੱਡਾ ਐਲਾਨ |HSGMC | Sukhbir Badal|
ਹਰਿਆਣਾ ਦੇ ਸਿੱਖ ਵੀ ਤਿੰਨ ਤਖ਼ਤ ਸਾਹਿਬਾਨ ਦੇ ਹਟਾਏ ਗਏ ਜਥੇਦਾਰਾਂ ਨਾਲ ਡਟ ਗਏ ਹਨ। ਹਰਿਆਣਾ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਨੇ ਇਸ ਸਬੰਧੀ ਵੱਡਾ ਸਮਾਗਮ ਕਰਾਉਣ ਦਾ ਐਲਾਨ ਕੀਤਾ ਹੈ। ਇਸ ਦੌਰਾਨ ਹਟਾਏ ਗਏ ਤਿੰਨੇ ਜਥੇਦਾਰਾਂ ਦਾ ਸਨਮਾਨ ਕਰਕੇ ਹਰਿਆਣਾ ਦੇ ਸਿੱਖਾਂ ਵੱਲੋਂ ਉਨ੍ਹਾਂ ਨਾਲ ਇੱਕਜੁੱਟਤਾ ਪ੍ਰਗਟਾਈ ਜਾਏਗੀ। ਇਸ ਤੋਂ ਪਹਿਲਾਂ ਦਿੱਲੀ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਵੀ ਹਟਾਏ ਗਏ ਜਥੇਦਾਰਾਂ ਨਾਲ ਡਟੀ ਹੋਈ ਹੈ। ਅਜਿਹੇ ਵਿੱਚ ਪੰਥਕ ਸੰਕਟ ਹੋਰ ਗਹਿਰਾ ਗਿਆ ਹੈ।
ਦਰਅਸਲ ਹਰਿਆਣਾ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ (HSGMC) ਨੇ ਪੰਜਾਬ ਦੇ 3 ਤਖ਼ਤ ਸਾਹਿਬਾਨ ਦੇ ਜਥੇਦਾਰਾਂ ਦੀ ਸੇਵਾਮੁਕਤੀ 'ਤੇ ਸਖ਼ਤ ਰੋਸ ਪ੍ਰਗਟ ਕੀਤਾ ਹੈ। ਕਮੇਟੀ ਦੇ ਕਾਰਜਕਾਰੀ ਮੁਖੀ ਜਥੇਦਾਰ ਭੁਪਿੰਦਰ ਸਿੰਘ ਅਸੰਧ ਦਾ ਕਹਿਣਾ ਹੈ ਕਿ ਇਹ ਫੈਸਲਾ ਗੁਰਮਤ ਦੀ ਮਰਿਆਦਾ ਤੇ ਸਿੱਖ ਪਰੰਪਰਾ ਦੇ ਵਿਰੁੱਧ ਹੈ। ਕਮੇਟੀ ਜਲਦੀ ਹੀ ਸੇਵਾਮੁਕਤ ਜਥੇਦਾਰਾਂ ਨੂੰ ਸਨਮਾਨਿਤ ਕਰਨ ਲਈ ਇੱਕ ਪ੍ਰੋਗਰਾਮ ਕਰੇਗੀ। ਇਹ ਪ੍ਰੋਗਰਾਮ ਕੁਰੂਕਸ਼ੇਤਰ ਜਾਂ ਜੀਂਦ ਦੇ ਇਤਿਹਾਸਕ ਗੁਰਦੁਆਰਾ ਸਾਹਿਬ ਵਿਖੇ ਹੋਵੇਗਾ।