Ram Rahim ਦੀ ਮੁੱਖ ਚੇਲੀ Honeypreet ਹੋਵੇਗੀ Dera sacha Sauda ਦੀ ਅਗਲੀ ਮੁਖੀ? ਜਾਣੋ ਡੇਰੇ ਦਾ ਇਤਿਹਾਸ ਕੀ ਕਹਿੰਦਾ | History Of Dera Sacha Sauda
Ram Rahim ਦੀ ਮੁੱਖ ਚੇਲੀ Honeypreet ਹੋਵੇਗੀ Dera sacha Sauda ਦੀ ਅਗਲੀ ਮੁਖੀ? ਜਾਣੋ ਡੇਰੇ ਦਾ ਇਤਿਹਾਸ ਕੀ ਕਹਿੰਦਾ | History Of Dera Sacha Sauda
ਕੀ ਡੇਰਾ ਸੱਚਾ ਸੌਦਾ ਦੀ ਅਗਲੀ ਗੱਦੀਨਸ਼ੀਨ ਗੁਰਮੀਤ ਰਾਮ ਰਹੀਮ ਦੀ ਮੂੰਹ ਬੋਲੀ ਧੀ ਹਨੀਪ੍ਰੀਤ ਹੋਵੇਗੀ ?
ਜਬਰ ਜਨਾਹ ਮਾਮਲਿਆਂ ਤੇ ਆਪਣੇ ਹੋਰਨਾਂ ਗੁਨਾਹਾਂ ਕਾਰਨ ਰੋਹਤਕ ਦੀ ਸੁਨਾਰੀਆ ਜੇਲ੍ਹ 'ਚ ਸਜ਼ਾ ਕੱਟ ਰਿਹਾ ਗੁਰਮੀਤ ਰਾਮ ਰਹੀਮ ਤੇ ਉਸਦਾ ਡੇਰਾ ਸੱਚਾ ਸੌਦਾ ਇਕ ਵਾਰ ਫਿਰ ਸੁਰਖੀਆਂ 'ਚ ਹੈ |
ਬੀਤੇ ਦਿਨੀਂ ਰਾਮ ਰਹੀਮ ਪੈਰੋਲ 'ਤੇ ਜੇਲ੍ਹ 'ਚੋ ਬਾਹਰ ਆਇਆ ਹੈ ਤੇ ਅਜਿਹੇ 'ਚ ਚਰਚੇ ਹੋ ਰਹੇ ਨੇ ਕਿ ਆਉਣ ਵਾਲੇ ਦਿਨਾਂ 'ਚ ਡੇਰਾ ਮੁਖੀ ਰਾਮ ਰਹੀਮ ਆਪਣੀ ਮੂੰਹ ਬੋਲੀ ਧੀ ਹਨੀਪ੍ਰੀਤ ਨੂੰ ਡੇਰਾ ਸੱਚਾ ਸੌਦਾ ਦੀ ਅਗਲੀ ਗੱਦੀਨਸ਼ੀਨ ਐਲਾਨ ਸਕਦਾ ਹੈ |
ਅਜਿਹੀਆਂ ਕਿਆਸ ਅਰਾਈਆਂ ਡੇਰੇ ਦੇ ਇਤਿਹਾਸ ਨੂੰ ਵੇਖ ਕੇ ਲਗਾਈਆਂ ਜਾ ਰਹੀਆਂ ਹਨ | ਕਿਓਂਕਿ ਜੇਕਰ ਹੁਣ ਤੱਕ ਦੇ ਡੇਰੇ ਦੇ ਇਤਿਹਾਸ 'ਤੇ ਨਜ਼ਰ ਮਾਰੀਏ ਤਾਂ ਡੇਰਾ ਮੁਖੀਆਂ ਦੇ ਮੁੱਖ ਚੇਲਿਆਂ ਨੂੰ ਹੀ ਗੱਦੀ ਦਿੱਤੀ ਜਾਂਦੀ ਰਹੀ ਹੈ |
ਤੇ ਹੁਣ ਵੀ ਇਸ ਗੱਲ ਦੀ ਪੂਰੀ ਸੰਭਾਵਨਾ ਹੈ ਕਿ ਗੁਰਮੀਤ ਰਾਮ ਰਹੀਮ ਆਪਣੀ ਮੂੰਹ ਬੋਲੀ ਧੀ ਤੇ ਮੁੱਖ ਚੇਲੀ ਹਨੀਪ੍ਰੀਤ ਨੂੰ ਗੱਦੀ ਦੇ ਸਕਦਾ ਹੈ |
ਆਖ਼ਰ ਕੀ ਹੈ ਡੇਰਾ ਸੱਚਾ ਸੌਦਾ ਦੀ ਗੱਦੀ ਦਾ ਇਤਿਹਾਸ ਆਓ ਦਸਦੇ ਹਾਂ | ਇਸ ਰਿਪੋਰਟ ਰਾਹੀਂ
ਡੇਰਾ ਸੱਚਾ ਸੌਦਾ ਦੀ ਸ਼ੁਰੂਆਤ ਸ਼ਾਹ ਮਸਤਾਨਾ ਜੀ ਮਹਾਰਾਜ ਨੇ 29 ਅਪ੍ਰੈਲ 1948 ਨੂੰ ਆਪਣੇ ਗੁਰੂ ਸੰਤ ਸਾਵਨ ਸਿੰਘ ਮਹਾਰਾਜ ਦੇ ਆਦੇਸ਼ 'ਤੇ ਕੀਤੀ ਸੀ।
ਮਸਤਾਨਾ ਦੀ ਮੌਤ ਤੋਂ ਬਾਅਦ ਡੇਰੇ ਦੀ ਗੱਦੀ ਉਸ ਦੇ ਮੁੱਖ ਚੇਲੇ ਸ਼ਾਹ ਸਤਨਾਮ ਸਿੰਘ ਕੋਲ ਚਲੀ ਗਈ।
ਸ਼ਾਹ ਸਤਨਾਮ ਨੇ 27 ਸਾਲ ਡੇਰੇ ਦੀ ਗੱਦੀ ਸੰਭਾਲੀ ਅਤੇ ਇਸ ਦੌਰਾਨ ਗੁਰਮੀਤ ਸਿੰਘ ਉਨ੍ਹਾਂ ਦਾ ਮੁੱਖ ਚੇਲਾ ਬਣ ਗਿਆ।
23 ਸਤੰਬਰ 1990 ਨੂੰ ਸ਼ਾਹ ਸਤਨਾਮ ਜੀ ਨੇ ਇੱਕ ਰਸਮੀ ਸਮਾਰੋਹ ਵਿੱਚ ਗੁਰਮੀਤ ਰਾਮ ਰਾਹੀ ਨੂੰ ਆਪਣਾ ਉੱਤਰਾਧਿਕਾਰੀ ਘੋਸ਼ਿਤ ਕੀਤਾ ਅਤੇ ਗੱਦੀ ਉਨ੍ਹਾਂ ਨੂੰ ਸੌਂਪ ਦਿੱਤੀ। ਉਦੋਂ ਤੋਂ ਲੈ ਕੇ ਅੱਜ ਤਕ ਉਹ ਉਸੇ ਗੱਦੀ 'ਤੇ ਬਿਰਾਜਮਾਨ ਹੈ।
ਕਿਉਂਕਿ ਰਾਮ ਰਹੀਮ ਇਸ ਸਮੇਂ ਗੱਦੀ 'ਤੇ ਬਿਰਾਜਮਾਨ ਹੈ, ਇਸ ਲਈ ਹੋ ਸਕਦਾ ਹੈ ਕਿ ਉਸ ਦੀ ਮੁੱਖ ਚੇਲੀ ਹਨੀਪ੍ਰੀਤ ਨੂੰ ਡੇਰੇ ਦੀ ਗੱਦੀ ਦਾ ਅਗਲਾ ਵਾਰਸ ਬਣਾਇਆ ਜਾਵੇ। ਹਾਲ ਹੀ 'ਚ ਰੋਹਤਕ ਦੀ ਸੁਨਾਤਰੀਆ ਜੇਲ੍ਹ ਤੋਂ 40 ਦਿਨਾਂ ਦੀ ਪੈਰੋਲ 'ਤੇ ਬਾਹਰ ਆਇਆ ਰਾਮ ਰਹੀਮ ਜਲਦ ਹੀ ਨਵੀਂ ਗੱਦੀ ਦਾ ਐਲਾਨ ਕਰ ਸਕਦਾ ਹੈ। ਹੁਣ ਸਵਾਲ ਇਹ ਵੀ ਹੈ ਕਿ ਆਖ਼ਰ ਹਨੀਪ੍ਰੀਤ ਕੌਣ ਹ?
ਤਾਂ ਤੁਹਾਨੂੰ ਦੱਸ ਦਈਏ ਕਿ ਰਾਮ ਰਹੀਮ ਨੇ ਡੇਰੇ ਦੇ ਸਾਰੇ ਕਾਗਜ਼ਾਂ ਵਿੱਚ ਹਨੀਪ੍ਰੀਤ ਨੂੰ ਮੁੱਖ ਚੇਲੀ ਬਣਾਇਆ ਹੈ। ਹਨੀਪ੍ਰੀਤ ਰਾਮ ਰਹੀਮ ਦੀ ਧਰਮ ਦੀ ਬੇਟੀ ਹੈ।
ਹਨੀਪ੍ਰੀਤ ਦਾ ਅਸਲੀ ਨਾਂ ਪ੍ਰਿਅੰਕਾ ਤਨੇਜਾ ਹੈ। ਹਨੀਪ੍ਰੀਤ ਦੇ ਪਿਤਾ ਰਾਮਾਨੰਦ ਤਨੇਜਾ ਅਤੇ ਮਾਂ ਆਸ਼ਾ ਤਨੇਜਾ ਫਤਿਹਾਬਾਦ ਦੇ ਰਹਿਣ ਵਾਲੇ ਹਨ,ਹਨੀਪ੍ਰੀਤ ਦੇ ਪਿਤਾ ਰਾਮ ਰਹੀਮ ਦੇ ਚੇਲੇ ਸਨ। ਜਿਨ੍ਹਾਂ ਨੇ ਆਪਣੀ ਸਾਰੀ ਜਾਇਦਾਦ ਵੇਚਣ ਤੋਂ ਬਾਅਦ ਉਹ ਡੇਰਾ ਸੱਚਾ ਸੌਦਾ ਵਿੱਚ ਆਪਣੀ ਦੁਕਾਨ ਚਲਾਉਣ ਲੱਗਾ।ਹਨੀਪ੍ਰੀਤ ਦੇ ਪਰਿਵਾਰਕ ਸ਼ਨਾਖਤੀ ਕਾਰਡ ਵਿੱਚ ਵੀ ਬਦਲਾਅ ਕੀਤੇ ਗਏ ਹਨ, ਜਿਸ ਵਿੱਚ ਹੁਣ ਉਸਦੇ ਪਰਿਵਾਰ ਦੇ ਕਿਸੇ ਮੈਂਬਰ ਦਾ ਨਾਮ ਨਹੀਂ ਹੈ। ਫਰਵਰੀ 2022 'ਚ ਜਦੋਂ ਰਾਮ ਰਹੀਮ ਪਹਿਲੀ ਵਾਰ ਪੈਰੋਲ 'ਤੇ ਆਇਆ ਸੀ ਤਾਂ ਉਸ ਨੇ ਹਨੀਪ੍ਰੀਤ ਦੇ ਆਧਾਰ ਕਾਰਡ 'ਚ ਪਰਿਵਾਰ ਦੇ ਨਾਂ ਕੱਟ ਕੇ ਪਿਤਾ ਦੇ ਨਾਂ ਦੇ ਅੱਗੇ ਆਪਣਾ ਨਾਂ ਲਿਖਵਾਇਆ ਸੀ।