ਬਾਲੀਵੁੱਡ ਦੀ ਮਸ਼ਹੂਰ ਅਭਿਨੇਤਰੀ ਕਾਜੋਲ ਨੇ ਆਪਣੇ ਸੋਸ਼ਲ ਮੀਡੀਆ 'ਤੇ ਇੱਕ ਨਵੀਂ ਪੋਸਟ ਸ਼ੇਅਰ ਕੀਤੀ ਹੈ, ਜਿਸ 'ਚ ਉਸ ਦੀ ਜ਼ਿੰਦਗੀ ਦੇ ਮੁਸ਼ਕਿਲ ਦੌਰ ਦਾ ਖੁਲਾਸਾ ਹੋਇਆ ਹੈ।

ਜਿਸ ਬਾਰੇ ਕਾਜੋਲ ਨੇ ਸ਼ੁੱਕਰਵਾਰ ਸਵੇਰੇ ਇਕ ਪੋਸਟ ਕਰਕੇ ਆਪਣੇ ਪ੍ਰਸ਼ੰਸਕਾਂ ਨੂੰ ਦੱਸਿਆ ਸੀ। ਇਸ ਦੇ ਨਾਲ ਹੀ ਕਾਜੋਲ ਨੇ ਸੋਸ਼ਲ ਮੀਡੀਆ ਤੋਂ ਬ੍ਰੇਕ ਲੈਣ ਦੀ ਗੱਲ ਵੀ ਕਹੀ ਸੀ।

ਦਰਅਸਲ, ਕਾਜੋਲ ਨੇ ਆਪਣੀ ਨਵੀਂ ਪੋਸਟ 'ਚ ਆਪਣੀ ਆਉਣ ਵਾਲੀ ਸੀਰੀਜ਼ ਦੇ ਟ੍ਰੇਲਰ ਲਾਂਚ ਦਾ ਐਲਾਨ ਕੀਤਾ ਹੈ। ਕਾਜੋਲ ਦੀ ਇਸ ਆਉਣ ਵਾਲੀ ਸੀਰੀਜ਼ ਦਾ ਨਾਂ 'ਦ ਟਰਾਇਲ-ਪਿਆਰ, ਕਾਨੂੰਨ, ਧੋਖਾ' ਹੈ।

ਇਸ ਟ੍ਰੇਲਰ ਦੇ ਲਾਂਚ ਲਈ ਇਸ ਨੂੰ ਕਾਜੋਲ ਦਾ ਪਬਲੀਸਿਟੀ ਸਟੰਟ ਕਿਹਾ ਜਾ ਸਕਦਾ ਹੈ। ਕਾਜੋਲ ਨੇ ਆਪਣੀ ਪੋਸਟ ਰਾਹੀਂ ਸਸਪੈਂਸ ਪੈਦਾ ਕਰ ਦਿੱਤਾ ਸੀ ਪਰ ਕਾਜੋਲ ਦੀ ਇਸ ਨਵੀਂ ਪੋਸਟ ਨੇ ਉਸ ਸਸਪੈਂਸ ਨੂੰ ਖੋਲ੍ਹ ਦਿੱਤਾ ਹੈ।

ਇਸਦੇ ਨਾਲ ਹੀ ਕਾਜੋਲ ਨੂੰ ਕੁਝ ਪ੍ਰਸ਼ੰਸਕਾਂ ਵੱਲੋਂ ਟ੍ਰੋਲ ਵੀ ਕੀਤਾ ਜਾ ਰਿਹਾ ਹੈ। ਉਨ੍ਹਾਂ ਕਿਹਾ ਕਿ ਪਬਲੀਸਿਟੀ ਲਈ ਸਭ ਕਰਨਾ 'ਸ਼ਰਮਨਾਕ ਮਾਰਕੀਟਿੰਗ' ਹੈ।

ਦੱਸ ਦੇਈਏ ਕਿ ਅੱਜ ਸਵੇਰੇ ਅਦਾਕਾਰਾ ਕਾਜੋਲ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ਤੋਂ ਸਾਰੀਆਂ ਪੋਸਟਾਂ ਡਿਲੀਟ ਕਰ ਦਿੱਤੀਆਂ ਸਨ।

ਇਸ ਦੇ ਨਾਲ ਹੀ ਇੱਕ ਨਵੀਂ ਪੋਸਟ ਰਾਹੀਂ ਕਾਜੋਲ ਨੇ ਆਪਣੇ ਪ੍ਰਸ਼ੰਸਕਾਂ ਨੂੰ ਦੱਸਿਆ ਕਿ ਉਹ ਆਪਣੀ ਜ਼ਿੰਦਗੀ ਦੇ ਸਭ ਤੋਂ ਔਖੇ ਦੌਰ ਵਿੱਚੋਂ ਗੁਜ਼ਰ ਰਹੀ ਹੈ।

ਹੁਣ ਕਾਜੋਲ ਦੀ ਇਸ ਨਵੀਂ ਪੋਸਟ ਤੋਂ ਉਸ ਦੇ ਔਖੇ ਦੌਰ ਬਾਰੇ ਵੀ ਪਤਾ ਲੱਗ ਗਿਆ ਹੈ ਕਿ ਕਾਜੋਲ ਦਾ ਉਹ ਔਖਾ ਦੌਰ ਉਸ ਦੀ ਆਉਣ ਵਾਲੀ ਸੀਰੀਜ਼ ਦੀ ਕਚਹਿਰੀ ਸੀ। ਇਸ ਨਵੀਂ ਪੋਸਟ ਦੇ ਨਾਲ ਹੀ ਕਾਜੋਲ ਦੀਆਂ ਪੁਰਾਣੀਆਂ ਪੋਸਟਾਂ ਵੀ ਵਾਪਸ ਆ ਗਈਆਂ ਹਨ।

ਕਾਜੋਲ ਦੀ ਨਵੀਂ ਸੀਰੀਜ਼ ਦਾ ਟ੍ਰੇਲਰ 12 ਜੂਨ ਨੂੰ ਰਿਲੀਜ਼ ਹੋਣ ਜਾ ਰਿਹਾ ਹੈ। ਕਾਜੋਲ ਨੇ ਆਪਣੀ ਨਵੀਂ ਸੋਸ਼ਲ ਮੀਡੀਆ ਪੋਸਟ 'ਤੇ ਇਹ ਜਾਣਕਾਰੀ ਦਿੱਤੀ ਹੈ। ਪੋਸਟ ਦੇ ਨਾਲ ਹੀ ਕਾਜੋਲ ਨੇ ਕੈਪਸ਼ਨ ਵੀ ਦਿੱਤਾ ਹੈ।

ਕਾਜੋਲ ਨੇ ਕੈਪਸ਼ਨ 'ਚ ਲਿਖਿਆ ਕਿ 'ਦ ਟਫਰ ਦ ਟ੍ਰਾਈਲ, ਦ ਹਾਰਡਰ ਯੂ ਕਮ ਬੈਕ'। ਕਾਜੋਲ ਦੀ ਆਉਣ ਵਾਲੀ ਸੀਰੀਜ਼ ਦਾ ਟ੍ਰੇਲਰ 12 ਜੂਨ ਨੂੰ ਡਿਜ਼ਨੀ ਪਲੱਸ ਹੌਟਸਟਾਰ 'ਤੇ ਰਿਲੀਜ਼ ਹੋਵੇਗਾ।