ਮੁੰਬਈ ਵਿੱਚ ਰਹਿਣ ਵਾਲੇ ਇੱਕ ਸ਼ਖਸ ਤੋਂ ਸਾਇਬਰ ਠੱਗਾਂ ਨੇ 16 ਕਰੋੜ ਰੁਪਏ ਦੀ ਠੱਗੀ ਮਾਰੀ ਹੈ। ਇਹ ਵਿਅਕਤੀ IT ਦਾ ਕੰਮ ਕਰਦਾ ਹੈ ਤੇ ਫਿਰ ਵੀ ਠੱਗਾਂ ਦੇ ਝਾਂਸੇ ਵਿੱਚ ਆ ਗਿਆ। ਕੁਝ ਦਿਨ ਪਹਿਲਾਂ ਉਸ ਨੇ ਇੱਕ ਮਸ਼ਹੂਰੀ ਦੇਖੀ ਜਿਸ ਵਿੱਚ ਛੇਤੀ ਫ਼ਾਇਦਾ ਹੋਣ ਦਾ ਜ਼ਿਕਰ ਸੀ। ਇਸ ਦੀ ਮਦਦ ਨਾਲ ਉਹ ਇੱਕ ਵਟਸਐਪ ਗਰੁੱਪ ਵਿੱਚ ਜੁੜ ਗਿਆ। ਇਸ ਗਰੁੱਪ ਵਿੱਚ ਸ਼ੇਅਰ ਮਾਰਕਿਟ ਨਾਲ ਸਬੰਧਤ ਜਾਣਕਾਰੀਆਂ ਦਿੱਤੀਆਂ ਜਾਂਦੀਆਂ ਸਨ। ਸਾਈਬਰ ਠੱਗਾਂ ਨੇ ਇਸ ਨੂੰ ਛੇਤੀ ਪੈਸੇ ਕਮਾਉਣ ਦਾ ਲਾਲਚ ਦਿੱਤਾ। ਇਸ ਤੋਂ ਪੀੜਤ ਨੇ 1.6 ਕਰੋੜ ਇਨਵੈਸਟ ਕਰ ਦਿੱਤੇ ਪਰ ਰਿਟਰਨ ਨਹੀਂ ਮਿਲਿਆ। ਜਦੋਂ ਉਸ ਨੂੰ ਸ਼ੱਕ ਹੋਇਆ ਤਾਂ ਉਸ ਨੇ ਪੈਸੇ ਮੰਗਣੇ ਸ਼ੁਰੂ ਕਰ ਦਿੱਤੇ ਪਰ ਉਦੋਂ ਤੱਕ ਠੱਗੀ ਹੋ ਚੁੱਕੀ ਸੀ। ਇਸ ਲਈ ਕਿਹਾ ਜਾਂਦਾ ਹੈ ਕਿ ਲਾਲਚ ਵਿੱਚ ਆਕੇ ਆਪਣੀ ਕਮਾਈ ਵੀ ਖੂਹ ਖਾਤੇ ਵਿੱਚ ਚਲੀ ਜਾਂਦੀ ਹੈ।