ਦੰਦ ਸਾਡੇ ਸਰੀਰ ਦਾ ਬਹੁਤ ਮਹੱਤਵਪੂਰਨ ਅੰਗ ਹਨ। ਚੰਗੀ ਮੁਸਕਰਾਹਟ ਲਈ ਦੰਦਾਂ ਨੂੰ ਸਾਫ਼ ਰੱਖਣਾ ਜ਼ਰੂਰੀ ਹੈ।

ਇਹ ਚਮਕਦਾਰ ਸਫ਼ੈਦ ਦੰਦ ਨਾ ਸਿਰਫ਼ ਤੁਹਾਡੀ ਖ਼ੂਬਸੂਰਤੀ ਵਿੱਚ ਵਾਧਾ ਕਰਦੇ ਹਨ ਸਗੋਂ ਚੰਗੀ ਸਿਹਤ ਦੀ ਨਿਸ਼ਾਨੀ ਵੀ ਹਨ।

ਕਈ ਵਾਰ ਅਸੀਂ ਕੁਝ ਅਜਿਹਾ ਖਾਂਦੇ ਹਾਂ ਜਿਸ ਨਾਲ ਸਾਡੇ ਦੰਦਾਂ 'ਤੇ ਦਾਗ ਲੱਗ ਜਾਂਦੇ ਹਨ ਅਤੇ ਦੰਦ ਖਰਾਬ ਹੋ ਜਾਂਦੇ ਹਨ।

ਆਓ ਜਾਣਦੇ ਹਾਂ ਦੰਦਾਂ ਨੂੰ ਨੁਕਸਾਨ ਪਹੁੰਚਾਉਣ ਵਾਲੀਆਂ ਚੀਜ਼ਾਂ ਬਾਰੇ, ਜਿਨ੍ਹਾਂ ਤੋਂ ਸਾਨੂੰ ਬਚਣਾ ਚਾਹੀਦਾ ਹੈ।

ਸਾਫਟ ਡਰਿੰਕਸ, ਕਾਰਬੋਨੇਟਿਡ ਡਰਿੰਕਸ, ਫਰੂਟ ਜੂਸ ਐਨਰਜੀ ਡਰਿੰਕਸ, ਸਮੂਦੀ ਆਦਿ ਦੰਦਾਂ ਨੂੰ ਐਸੀਡਿਕ ਨੁਕਸਾਨ ਪਹੁੰਚਾਉਂਦੇ ਹਨ।

ਸੁੱਕੇ ਮੇਵਿਆਂ 'ਚ ਮੌਜੂਦ ਚੀਨੀ ਦੰਦਾਂ 'ਤੇ ਚਿਪਕ ਜਾਂਦੀ ਹੈ, ਜਿਸ ਕਾਰਨ ਦੰਦ ਸੜ ਸਕਦੇ ਹਨ।

ਆਲੂ ਦੇ ਚਿਪਸ ਖਾਣ ਤੋਂ ਬਾਅਦ ਜੇ ਦੰਦਾਂ ਦੀ ਚੰਗੀ ਤਰ੍ਹਾਂ ਸਫਾਈ ਨਾ ਕੀਤੀ ਜਾਵੇ ਤਾਂ ਇਹ ਕੈਵਿਟੀ ਦਾ ਕਾਰਨ ਬਣ ਜਾਂਦੀ ਹੈ।

ਕੈਂਡੀ ਵਿਚ ਖੰਡ ਦੀ ਮਾਤਰਾ ਜ਼ਿਆਦਾ ਹੋਣ ਕਾਰਨ ਕੈਂਡੀ ਦਾ ਜ਼ਿਆਦਾ ਸੇਵਨ ਦੰਦਾਂ ਨੂੰ ਨੁਕਸਾਨ ਪਹੁੰਚਾਉਂਦਾ ਹੈ।

ਜ਼ਿਆਦਾ ਚਾਹ ਪੀਣਾ ਦੰਦਾਂ ਲਈ ਚੰਗਾ ਨਹੀਂ ਮੰਨਿਆ ਜਾਂਦਾ। ਚਾਹ ਦੰਦਾਂ ਦੀ ਬਾਹਰੀ ਪਰਤ ਈਨਾਮਲ ਨੂੰ ਨੁਕਸਾਨ ਪਹੁੰਚਾਉਂਦੀ ਹੈ।

ਜੋ ਲੋਕ ਨਿਯਮਤ ਤੌਰ 'ਤੇ ਵਾਈਨ ਦਾ ਸੇਵਨ ਕਰਦੇ ਹਨ, ਉਨ੍ਹਾਂ ਦੇ ਦੰਦਾਂ 'ਤੇ ਵੀ ਬੁਰਾ ਪ੍ਰਭਾਵ ਪੈਂਦਾ ਹੈ।

ਚਮਕਦਾਰ ਦੰਦਾਂ ਦੀ ਤਾਂ ਹਰ ਕਿਸੇ ਦੀ ਇੱਛਾ ਹੁੰਦੀ ਹੈ, ਇਸ ਲਈ ਸਮੇਂ-ਸਿਰ ਦੰਦਾਂ ਦਾ ਚੈੱਕਅਪ ਕਰਵਾਉਂਦੇ ਰਹਿਣਾ ਚਾਹੀਦਾ ਹੈ।