NCR 'ਚ ਲਗਾਤਾਰ ਵਧਦੇ ਪ੍ਰਦੂਸ਼ਣ ਕਾਰਨ ਡੀ.ਐਮ. ਮਨੀਸ਼ ਕੁਮਾਰ ਵਰਮਾ ਨੇ ਗੌਤਮ ਬੁੱਧ ਨਗਰ ਵਿੱਚ ਸਕੂਲ 25 ਨਵੰਬਰ ਤੱਕ ਬੰਦ ਰੱਖਣ ਦੇ ਹੁਕਮ ਦਿੱਤੇ ਹਨ।

ਦੱਸ ਦੇਈਏ ਕਿ ਗੌਤਮ ਬੁੱਧ ਨਗਰ ਵਿੱਚ ਪ੍ਰਦੂਸ਼ਣ ਦਾ ਪੱਧਰ ਲਗਾਤਾਰ ਵੱਧਦਾ ਜਾ ਰਿਹਾ ਹੈ।

ਅਜਿਹੇ 'ਚ ਪ੍ਰਸ਼ਾਸਨ ਨੇ ਬੱਚਿਆਂ ਦੀ ਸਿਹਤ ਨੂੰ ਧਿਆਨ 'ਚ ਰੱਖਦੇ ਹੋਏ ਬੋਰਡ ਦੇ ਕਿਸੇ ਵੀ ਸਕੂਲ 'ਚ 12ਵੀਂ ਤੱਕ ਫਿਜ਼ੀਕਲ ਕਲਾਸਾਂ 'ਤੇ ਪਾਬੰਦੀ ਲਗਾ ਦਿੱਤੀ ਹੈ।

ਬੱਚਿਆਂ ਦੀਆਂ ਕਲਾਸਾਂ ਫਿਜ਼ੀਕਲ ਤੌਰ 'ਤੇ ਨਹੀਂ ਲੱਗਣਗੀਆਂ, ਸਕੂਲ 25 ਨਵੰਬਰ ਤੱਕ online ਹੀ ਲੈਣਗੇ।

ਦੱਸ ਦੇਈਏ ਕਿ ਪਹਿਲਾਂ ਇਹ ਪਾਬੰਦੀ ਸਿਰਫ 23 ਨਵੰਬਰ ਤੱਕ ਲਗਾਈ ਗਈ ਸੀ ਪਰ ਗੰਭੀਰ ਸਥਿਤੀ ਨੂੰ ਦੇਖਦੇ ਹੋਏ ਇਸ ਨੂੰ ਵਧਾ ਦਿੱਤਾ ਗਿਆ ਹੈ।

ਦਿੱਲੀ-ਐਨਸੀਆਰ ਦੇ ਆਲੇ-ਦੁਆਲੇ ਦੇ ਖੇਤਰਾਂ ਦੀ ਹਵਾ ਦੀ ਗੁਣਵੱਤਾ ਲਗਾਤਾਰ ਘਟ ਰਹੀ ਹੈ।

ਡੀਐਮ ਵਰਮਾ ਨੇ ਆਪਣੇ ਆਦੇਸ਼ ਪੱਤਰ ਵਿੱਚ ਜ਼ੋਰ ਦੇ ਕੇ ਕਿਹਾ ਹੈ ਕਿ ਨੋਇਡਾ ਦੀ ਹਵਾ ਦੀ ਗੁਣਵੱਤਾ ਮੌਜੂਦਾ ਸਮੇਂ ਵਿੱਚ ਬਹੁਤ ਖਰਾਬ ਹੈ। ਸ਼ਹਿਰ ਦਾ AQI 450 ਨੂੰ ਪਾਰ ਕਰ ਗਿਆ ਹੈ।

ਅਜਿਹੇ 'ਚ ਬੱਚਿਆਂ ਨੂੰ ਘਰ ਤੋਂ ਬਾਹਰ ਕੱਢਣ ਨਾਲ ਉਨ੍ਹਾਂ ਦੀ ਸਿਹਤ 'ਤੇ ਮਾੜਾ ਅਸਰ ਪੈਂਦਾ ਹੈ।

ਅਜਿਹੀ ਸਥਿਤੀ ਵਿੱਚ physical ਕਲਾਸਾਂ ਲਗਾਉਣਾ ਠੀਕ ਨਹੀਂ ਹੈ।