ਹਮੇਸ਼ਾ ਦੀ ਤਰ੍ਹਾਂ ਕਪਿਲ ਅਤੇ ਉਨ੍ਹਾਂ ਦੀ ਟੀਮ ਨੇ ਦਰਸ਼ਕਾਂ ਦਾ ਖੂਬ ਮਨੋਰੰਜਨ ਕੀਤਾ। ਇਸ ਕਾਮੇਡੀ ਸ਼ੋਅ ਨੂੰ ਦੁਨੀਆ ਭਰ ਦੇ ਲੋਕਾਂ ਵੱਲੋਂ ਬਹੁਤ ਵਧੀਆ ਹੁੰਗਾਰਾ ਮਿਲਿਆ।

ਪਰ ਹੁਣ ਇਸ ਸ਼ੋਅ ਨਾਲ ਜੁੜੀ ਹੈਰਾਨ ਕਰਨ ਵਾਲੀ ਖਬਰ ਆ ਰਹੀ ਹੈ। ਜੀ ਹਾਂ, ਕਪਿਲ ਸ਼ਰਮਾ ਦੇ ਸਾਰੇ ਪ੍ਰਸ਼ੰਸਕਾਂ ਲਈ ਇੱਕ ਹੈਰਾਨ ਕਰਨ ਵਾਲੀ ਖ਼ਬਰ ਹੈ।

ਦਰਅਸਲ, ਕਾਮੇਡੀਅਨ ਦਾ ਮਸ਼ਹੂਰ ਸ਼ੋਅ 'ਦਿ ਗ੍ਰੇਟ ਇੰਡੀਅਨ ਕਪਿਲ ਸ਼ੋਅ' ਆਪਣੇ ਪ੍ਰੀਮੀਅਰ ਦੇ ਦੋ ਮਹੀਨਿਆਂ ਦੇ ਅੰਦਰ ਬੰਦ ਹੋਣ ਜਾ ਰਿਹਾ ਹੈ।

ਸ਼ੋਅ ਦਾ ਆਖਰੀ ਐਪੀਸੋਡ ਇਸ ਸ਼ਨੀਵਾਰ ਨੂੰ ਟੈਲੀਕਾਸਟ ਕੀਤਾ ਜਾਵੇਗਾ।

ਵੀਰਵਾਰ ਨੂੰ ਅਰਚਨਾ ਪੂਰਨ ਸਿੰਘ ਨੇ ਆਪਣੇ ਇੰਸਟਾਗ੍ਰਾਮ ਸਟੋਰੀਜ਼ 'ਤੇ 'ਦਿ ਗ੍ਰੇਟ ਇੰਡੀਅਨ ਕਪਿਲ ਸ਼ੋਅ' ਦੇ ਸੈੱਟ ਤੋਂ ਇੱਕ ਸਮੇਟਣ ਵਾਲੀ ਤਸਵੀਰ ਸਾਂਝੀ ਕੀਤੀ।

ਤਸਵੀਰ ਨੂੰ ਕੇਕ ਦੇ ਨਾਲ ਕੈਪਸ਼ਨ ਦਿੱਤਾ ਗਿਆ ਹੈ। ਸੀਜ਼ਨ ਖਤਮ। ਦਰਅਸਲ, ਅਸਲੀਅਤ ਇਹ ਹੈ ਕਿ ਸ਼ੋਅ ਨੂੰ ਇੰਨੀਂ ਜ਼ਿਆਦਾ ਟੀਆਰਪੀ ਨਹੀਂ ਮਿਲ ਰਹੀ ਹੈ,

ਜਿੰਨੀਂ ਪਹਿਲਾਂ ਮਿਲਦੀ ਸੀ। ਲੋਕ ਇਸ ਸ਼ੋਅ ਵਿੱਚ ਬਹੁਤ ਸਾਰੀਆਂ ਕਮੀਆਂ ਕੱਢ ਰਹੇ ਹਨ। ਕਪਿਲ ਦੀ ਸਭ ਵੱਡੀ ਗਲਤੀ ਮੰਨੀ ਜਾ ਰਹੀ ਹੈ

ਉਸ ਦੀ ਸਹਿ ਅਦਾਕਾਰਾ ਤੇ ਕਮੇਡੀਅਨ ਸ਼ੁਮੋਨਾ ਚੱਕਰਵਰਤੀ ਨੂੰ ਇਗਨੋਰ ਕਰਨਾ। ਇਸ ਸ਼ੋਅ 'ਚ ਸ਼ੁਮੋਨਾ ਨੂੰ ਨਹੀਂ ਲਿਆ ਗਿਆ।

ਇਹੀ ਨਹੀਂ ਸ਼ੋਅ 'ਚ ਕੋਈ ਵੀ ਮਹਿਲਾ ਕਮੇਡੀਅਨ ਨਹੀਂ ਹੈ। ਔਰਤ ਦੇ ਨਾਮ 'ਤੇ ਸਿਰਫ ਅਰਚਨਾ ਪੂਰਾਨ ਸਿੰਘ ਹੀ ਹੈ, ਪਰ ਉਹ ਵੀ ਸਿਰਫ ਕੁਰਸੀ 'ਤੇ ਬੈਠ ਕੇ ਹੱਸਦੀ ਹੀ ਹੈ।