FIFA WC 2022: ਫੀਫਾ ਵਿਸ਼ਵ ਕੱਪ 2022 ਕਤਰ ਵਿੱਚ 20 ਨਵੰਬਰ ਤੋਂ ਸ਼ੁਰੂ ਹੋ ਰਿਹਾ ਹੈ। ਇਸ ਤੋਂ ਪਹਿਲਾਂ ਜਾਣੋ ਵਿਸ਼ਵ ਕੱਪ 'ਚ ਹੁਣ ਤੱਕ ਕਿਹੜੇ-ਕਿਹੜੇ ਸਟਰਾਈਕਰਾਂ ਨੇ ਧਮਾਲ ਮਚਾ ਦਿੱਤੀ ਹੈ...

ਫੀਫਾ ਵਿਸ਼ਵ ਕੱਪ ਵਿੱਚ ਸਭ ਤੋਂ ਵੱਧ ਗੋਲ ਕਰਨ ਦਾ ਰਿਕਾਰਡ ਜਰਮਨੀ ਦੇ ਦਿੱਗਜ ਖਿਡਾਰੀ ਮਿਰੋਸਲਾਵ ਕਲੋਜ਼ ਦੇ ਨਾਮ ਹੈ। ਉਹਨਾਂ 24 ਮੈਚਾਂ ਵਿੱਚ 16 ਗੋਲ ਕੀਤੇ ਹਨ। ਉਹ 2002 ਤੋਂ 2014 ਤੱਕ ਸਾਰੇ ਚਾਰ ਵਿਸ਼ਵ ਕੱਪਾਂ ਵਿੱਚ ਜਰਮਨੀ ਦੀ ਟੀਮ ਦਾ ਹਿੱਸਾ ਰਿਹਾ ਹੈ।

ਬ੍ਰਾਜ਼ੀਲ ਦੇ ਸਟਾਰ ਖਿਡਾਰੀ ਰੋਨਾਲਡੋ ਇਸ ਸੂਚੀ 'ਚ ਦੂਜੇ ਸਥਾਨ 'ਤੇ ਹਨ। ਰੋਨਾਲਡੋ ਨੇ 19 ਮੈਚਾਂ 'ਚ 15 ਗੋਲ ਕੀਤੇ ਹਨ। ਰੋਨਾਲਡੋ ਨੇ 1998 ਦੇ ਵਿਸ਼ਵ ਕੱਪ ਵਿੱਚ ਚਾਰ ਗੋਲ ਕੀਤੇ ਸਨ। ਇਸ ਤੋਂ ਬਾਅਦ 2002 'ਚ ਉਸ ਨੇ 8 ਗੋਲ ਕੀਤੇ। ਉਹਨਾਂ ਨੇ 2002 ਦੇ ਵਿਸ਼ਵ ਕੱਪ ਫਾਈਨਲ ਵਿੱਚ ਦੋ ਗੋਲ ਕਰਕੇ ਬ੍ਰਾਜ਼ੀਲ ਨੂੰ ਖਿਤਾਬ ਦਿਵਾਇਆ।

ਜਰਮਨੀ ਦੇ ਸਟਾਰ ਸਟ੍ਰਾਈਕਰ ਗਰਡ ਮੂਲਰ ਨੇ ਸਿਰਫ਼ ਦੋ ਵਿਸ਼ਵ ਕੱਪਾਂ ਵਿੱਚ 14 ਗੋਲ ਕੀਤੇ ਹਨ। ਮੁਲਰ ਨੇ 1970 ਵਿੱਚ 10 ਗੋਲ ਕੀਤੇ। ਇਨ੍ਹਾਂ ਵਿੱਚ ਦੋ ਹੈਟ੍ਰਿਕ ਸ਼ਾਮਲ ਸਨ। ਹਾਲਾਂਕਿ, 1970 ਵਿੱਚ, ਪੱਛਮੀ ਜਰਮਨੀ ਸੈਮੀਫਾਈਨਲ ਵਿੱਚ ਬਾਹਰ ਹੋ ਗਿਆ ਸੀ। ਹਾਲਾਂਕਿ ਅਗਲੇ ਹੀ ਐਡੀਸ਼ਨ ਵਿੱਚ ਜਰਮਨੀ ਨੇ ਵਿਸ਼ਵ ਕੱਪ ਜਿੱਤ ਲਿਆ ਸੀ।

ਫਰਾਂਸ ਦੇ ਜਸਟ ਫੋਂਟੇਨ ਨੂੰ ਫਰਾਂਸ ਦੇ ਸਰਵੋਤਮ ਸਟ੍ਰਾਈਕਰਾਂ ਵਿੱਚ ਗਿਣਿਆ ਜਾਂਦਾ ਹੈ। ਫੋਂਟੇਨ ਨੇ ਸਿਰਫ ਇੱਕ ਵਿਸ਼ਵ ਕੱਪ ਵਿੱਚ 13 ਗੋਲ ਕੀਤੇ। ਉਸ ਨੇ ਇਹ ਕਾਰਨਾਮਾ 1958 ਦੇ ਵਿਸ਼ਵ ਕੱਪ ਵਿੱਚ ਕੀਤਾ ਸੀ। ਹਾਲਾਂਕਿ ਫੋਂਟੇਨ ਅਗਲਾ ਵਿਸ਼ਵ ਕੱਪ ਨਹੀਂ ਖੇਡ ਸਕਿਆ। ਸੱਟ ਕਾਰਨ ਉਸ ਦਾ ਕਰੀਅਰ ਮਹਿਜ਼ 28 ਸਾਲ ਦੀ ਉਮਰ ਵਿੱਚ ਖ਼ਤਮ ਹੋ ਗਿਆ।

ਫੁੱਟਬਾਲ ਜਗਤ ਦੇ ਮਹਾਨ ਖਿਡਾਰੀਆਂ 'ਚੋਂ ਇਕ ਬ੍ਰਾਜ਼ੀਲ ਦੇ ਪੇਲੇ ਵੀ ਇਸ ਸੂਚੀ 'ਚ ਸ਼ਾਮਲ ਹਨ। ਪੇਲੇ ਨੇ 14 ਮੈਚਾਂ ਵਿੱਚ 12 ਗੋਲ ਕੀਤੇ। ਉਹਨਾਂ ਨੇ 1958 ਵਿੱਚ 6 ਗੋਲ, 1962 ਅਤੇ 1966 ਵਿੱਚ ਇੱਕ-ਇੱਕ ਗੋਲ ਅਤੇ 1970 ਵਿੱਚ 4 ਗੋਲ ਕੀਤੇ। ਇਨ੍ਹਾਂ ਚਾਰਾਂ ਵਿੱਚੋਂ ਬ੍ਰਾਜ਼ੀਲ ਨੇ ਤਿੰਨ ਵਿਸ਼ਵ ਕੱਪ ਜਿੱਤੇ।