ਭਾਰਤੀ ਆਫ ਸਪਿਨਰ ਹਰਭਜਨ ਸਿੰਘ ਅਤੇ ਪਾਕਿਸਤਾਨ ਦੇ ਸਾਬਕਾ ਤੇਜ਼ ਗੇਂਦਬਾਜ਼ ਸ਼ੋਏਬ ਅਖਤਰ ਨੂੰ ਕ੍ਰਿਕਟ ਦੇ ਮੈਦਾਨ 'ਤੇ ਕਈ ਵਾਰ ਲੜਦੇ ਦੇਖਿਆ ਗਿਆ ਹੈ

ਪਰ ਇੱਕ ਵਾਰ ਦੋਵਾਂ ਦਾ ਜ਼ਬਰਦਸਤ ਝਗੜਾ ਹੋ ਗਿਆ ਸੀ। ਜਿਸ ਕਾਰਨ ਸ਼ੋਏਬ ਅਖਤਰ ਲੜਨ ਲਈ ਭੱਜੀ ਦੇ ਹੋਟਲ ਦੇ ਕਮਰੇ 'ਚ ਪਹੁੰਚ ਗਏ ਸੀ।

ਭਾਰਤ ਦੇ ਦਿੱਗਜ ਆਫ ਸਪਿਨਰ ਹਰਭਜਨ ਸਿੰਘ ਦਾ ਅੱਜ ਯਾਨੀ 3 ਜੁਲਾਈ ਨੂੰ ਜਨਮਦਿਨ ਹੈ ਅਤੇ ਉਹ 43 ਸਾਲ ਦੇ ਹੋ ਗਏ ਹਨ।

ਸ਼ੋਏਬ ਅਖਤਰ ਨੇ 'ਹੈਲੋ ਐਪ' ਨਾਲ ਗੱਲਬਾਤ ਦੌਰਾਨ ਇਕ ਵਾਰ ਖੁਲਾਸਾ ਕੀਤਾ ਸੀ ਕਿ ਹਰਭਜਨ ਸਿੰਘ ਦੀ ਕੁੱਟਮਾਰ ਕਰਨ ਹੋਟਲ 'ਚ ਉਨ੍ਹਾਂ ਦੇ ਕਮਰੇ 'ਚ ਪਹੁੰਚ ਗਿਆ ਸੀ।

ਸ਼ੋਏਬ ਅਖਤਰ ਨੇ ਕਿਹਾ, 'ਮੈਂ ਹਰਭਜਨ ਸਿੰਘ ਨਾਲ ਲੜਨ ਲਈ ਉਨ੍ਹਾਂ ਦੇ ਹੋਟਲ ਦੇ ਕਮਰੇ 'ਚ ਪਹੁੰਚਿਆ ਸੀ।

ਉਹ ਸਾਡੇ ਨਾਲ ਖਾਂਦਾ ਹੈ, ਲਾਹੌਰ ਵਿੱਚ ਸਾਡੇ ਨਾਲ ਘੁੰਮਦਾ ਹੈ, ਉਹ ਸਾਡਾ ਪੰਜਾਬੀ ਭਰਾ ਹੈ ਅਤੇ ਫਿਰ ਵੀ ਸਾਡੇ ਨਾਲ ਦੁਰਵਿਵਹਾਰ ਕਰੇਗਾ?

ਮੈਂ ਸੋਚਿਆ ਕਿ ਹੋਟਲ ਦੇ ਕਮਰੇ ਵਿਚ ਜਾ ਕੇ ਉਸ ਨਾਲ ਲੜਾਂਗਾ। ਸ਼ੋਏਬ ਅਖਤਰ ਨੇ ਕਿਹਾ, 'ਹਰਭਜਨ ਸਿੰਘ ਨੂੰ ਪਤਾ ਸੀ ਕਿ ਸ਼ੋਏਬ ਆ ਰਿਹਾ ਹੈ,

ਇਸ ਲਈ ਉਹ ਪਹਿਲਾਂ ਹੀ ਉਥੋਂ ਗਾਇਬ ਹੋ ਗਿਆ। ਜਦੋਂ ਮੈਂ ਉੱਥੇ ਗਿਆ ਤਾਂ ਉਹ ਮੈਨੂੰ ਕਿਤੇ ਨਹੀਂ ਲੱਭਿਆ।

ਮੈਂ ਅਗਲੇ ਦਿਨ ਸ਼ਾਂਤ ਹੋ ਗਿਆ ਅਤੇ ਉਸਨੇ ਮੁਆਫੀ ਵੀ ਮੰਗੀ। ਇਹ ਮਾਮਲਾ ਏਸ਼ੀਆ ਕੱਪ 2010 ਵਿੱਚ ਭਾਰਤ-ਪਾਕਿਸਤਾਨ ਮੈਚ ਦੌਰਾਨ ਦਾ ਹੈ,

ਜਦੋਂ ਹਰਭਜਨ ਅਤੇ ਸ਼ੋਏਬ ਅਖਤਰ ਇੱਕ ਦੂਜੇ ਨਾਲ ਭਿੜ ਗਏ ਸਨ।