ਅੱਜਕੱਲ੍ਹ ਹਰ ਉਮਰ ਦੇ ਲੋਕਾਂ 'ਚ ਹਾਈ ਬਲੱਡ ਪ੍ਰੈਸ਼ਰ ਆਮ ਹੋ ਗਿਆ ਹੈ।

ਡਾਕਟਰਾਂ ਮੁਤਾਬਿਕ ਖਰਾਬ ਰੁਟੀਨ ਅਤੇ ਖੁਰਾਕ ਇਸਦਾ ਮੁੱਖ ਕਾਰਨ ਹਨ। 30 ਸਾਲ ਤੋਂ ਵੱਧ ਉਮਰ ਦੇ ਲੋਕਾਂ ਲਈ ਨਿਯਮਿਤ ਬਲੱਡ ਪ੍ਰੈਸ਼ਰ ਚੈੱਕ ਕਰਵਾਉਣਾ ਜ਼ਰੂਰੀ ਹੈ।

ਅਮੈਰੀਕਨ ਹਾਰਟ ਐਸੋਸੀਏਸ਼ਨ ਦੇ 2025 ਦੇ ਨਵੇਂ ਦਿਸ਼ਾ-ਨਿਰਦੇਸ਼ਾਂ ਅਨੁਸਾਰ ਸਿਹਤਮੰਦ ਬਲੱਡ ਪ੍ਰੈਸ਼ਰ 130/80 mm Hg ਤੋਂ ਘੱਟ ਹੋਣਾ ਚਾਹੀਦਾ ਹੈ ਅਤੇ ਭਾਰ ਘਟਾ ਕੇ ਜੀਵਨ ਸ਼ੈਲੀ ਬਦਲਣ ਨਾਲ ਇਸਨੂੰ ਕੰਟਰੋਲ ਕੀਤਾ ਜਾ ਸਕਦਾ ਹੈ।

ਸਿਹਤ ਮਾਹਿਰਾਂ ਮੁਤਾਬਿਕ, ਬਲੱਡ ਪ੍ਰੈਸ਼ਰ ਨੂੰ 130/80 mm Hg ਦੇ ਅੰਦਰ ਰੱਖਣਾ ਦਿਲ ਦਾ ਦੌਰਾ, ਸਟ੍ਰੋਕ, ਗੁਰਦੇ ਫੇਲ੍ਹ ਅਤੇ ਡਿਮੈਂਸ਼ੀਆ ਵਰਗੀਆਂ ਗੰਭੀਰ ਬਿਮਾਰੀਆਂ ਤੋਂ ਬਚਾਉਂਦਾ ਹੈ।

ਜੇ ਬਲੱਡ ਪ੍ਰੈਸ਼ਰ ਵਧੇ ਰਹਿੰਦਾ ਹੈ, ਤਾਂ ਡਾਕਟਰੀ ਸਹਾਇਤਾ ਲੈਣਾ ਜ਼ਰੂਰੀ ਹੈ, ਕਿਉਂਕਿ ਵਧਿਆ ਬਲੱਡ ਪ੍ਰੈਸ਼ਰ ਸਾਰੀ ਸਿਹਤ ਲਈ ਨੁਕਸਾਨਦਾਇਕ ਹੋ ਸਕਦਾ ਹੈ।

ਬਲੱਡ ਪ੍ਰੈਸ਼ਰ ਲਈ ਨਵੀਂ ਗਾਈਡਲਾਈਨ ਅਮੈਰੀਕਨ ਹਾਰਟ ਐਸੋਸੀਏਸ਼ਨ (AHA) ਅਤੇ ਅਮੈਰੀਕਨ ਕਾਲਜ ਆਫ਼ ਕਾਰਡੀਓਲੋਜੀ ਵੱਲੋਂ ਜਾਰੀ ਕੀਤੀ ਗਈ ਹੈ।

ਇਹ ਗਾਈਡਲਾਈਨ ਗਰਭ ਅਵਸਥਾ ਦੌਰਾਨ ਇਲਾਜ, ਸ਼ਰਾਬ ਤੋਂ ਪਰਹੇਜ਼ ਅਤੇ ਹੋਰ ਜੀਵਨਸ਼ੈਲੀ ਬਦਲਾਵਾਂ 'ਤੇ ਧਿਆਨ ਦਿੰਦੀ ਹੈ।

ਨਵੀਨਤਮ ਦਿਸ਼ਾ-ਨਿਰਦੇਸ਼ ਪਿਛਲੇ ਦਿਸ਼ਾ-ਨਿਰਦੇਸ਼ਾਂ (2017 ਅਪਡੇਟ) ਦੇ ਸਮਾਨ ਹਨ ਅਤੇ ਬਲੱਡ ਪ੍ਰੈਸ਼ਰ ਰੀਡਿੰਗ ਵਿੱਚ ਕੋਈ ਬਦਲਾਅ ਨਹੀਂ ਕੀਤਾ ਗਿਆ, ਪਰ ਇਸ ਵਾਰ ਉਨ੍ਹਾਂ ਕਾਰਕਾਂ 'ਤੇ ਵਿਸ਼ੇਸ਼ ਧਿਆਨ ਦਿੱਤਾ ਗਿਆ ਹੈ ਜੋ ਬਲੱਡ ਪ੍ਰੈਸ਼ਰ ਵਧਾਉਂਦੇ ਹਨ।

ਬਲੱਡ ਪ੍ਰੈਸ਼ਰ ਸਰੀਰ ਦੀਆਂ ਧਮਨੀਆਂ ਵਿੱਚ ਖੂਨ ਦਾ ਦਬਾਅ ਹੁੰਦਾ ਹੈ। ਜੇ ਇਹ ਵਧ ਜਾਵੇ ਤਾਂ ਹੌਲੀ-ਹੌਲੀ ਸਰੀਰ ਨੂੰ ਨੁਕਸਾਨ ਪਹੁੰਚਦਾ ਹੈ।

ਸ਼ੁਰੂਆਤ ਵਿੱਚ ਲੱਛਣ ਨਹੀਂ ਦਿਖਦੇ ਇਸ ਲਈ ਇਸਨੂੰ ਸਾਈਲੈਂਟ ਕਿਲਰ ਕਿਹਾ ਜਾਂਦਾ ਹੈ। ਦੁਨੀਆ ਅਤੇ ਭਾਰਤ ਵਿੱਚ ਇਸ ਤੋਂ ਬਹੁਤ ਲੋਕ ਪ੍ਰਭਾਵਿਤ ਹਨ। ਸਮੇਂ ਸਿਰ ਪਛਾਣ ਅਤੇ ਕੰਟਰੋਲ ਨਾਲ ਵੱਡੀਆਂ ਬਿਮਾਰੀਆਂ ਤੋਂ ਬਚਿਆ ਜਾ ਸਕਦਾ ਹੈ।

ਇਸ ਸਾਲ ਬਲੱਡ ਪ੍ਰੈਸ਼ਰ ਦੀਆਂ ਸ਼੍ਰੇਣੀਆਂ ਵਿੱਚ ਕੋਈ ਵੱਡਾ ਬਦਲਾਅ ਨਹੀਂ ਆਇਆ, ਪਰ ਇਲਾਜ ਦੀ ਸਿਫਾਰਿਸ਼ ਵਿੱਚ ਬਦਲਾਅ ਆਇਆ ਹੈ। ਹਾਈ ਬਲੱਡ ਪ੍ਰੈਸ਼ਰ ਨੂੰ ਚਾਰ ਪੜਾਵਾਂ ਵਿੱਚ ਵੰਡਿਆ ਗਿਆ ਹੈ: ਆਮ: 120/80 mmHg ਤੋਂ ਘੱਟ, ਉੱਚ: 120–129 / 80 ਤੋਂ ਘੱਟ

ਪੜਾਅ 1 ਹਾਈਪਰਟੈਂਸ਼ਨ: 130–139 / 80–89, ਪੜਾਅ 2 ਹਾਈਪਰਟੈਂਸ਼ਨ: 140/90 ਜਾਂ ਵੱਧ

ਗੰਭੀਰ ਹਾਈਪਰਟੈਂਸ਼ਨ: 180/120 ਤੋਂ ਵੱਧ, ਹਾਈਪਰਟੈਂਸਿਵ ਐਮਰਜੈਂਸੀ: 180/120 ਤੋਂ ਵੱਧ