ਬਲੈਕ ਕਾਫੀ ਉਹ ਪੀਣ ਵਾਲੀ ਚੀਜ਼ ਹੈ ਜੋ ਤਾਕਤ ਦੇਣ, ਮਨ ਚੁਸਤ ਕਰਨ ਅਤੇ ਮੈਟਾਬੋਲਿਜ਼ਮ ਨੂੰ ਵਧੀਆ ਬਣਾਉਣ ਵਿੱਚ ਮਦਦ ਕਰਦੀ ਹੈ।

ਪਰ ਹਰ ਰੁੱਤ ਦੇ ਅਨੁਸਾਰ ਇਸਦਾ ਅਸਰ ਵੀ ਵੱਖ-ਵੱਖ ਹੋ ਸਕਦਾ ਹੈ। ਗਰਮੀਆਂ ਵਿੱਚ ਬਲੈਕ ਕਾਫੀ ਪੀਣ ਦਾ ਸਹੀ ਸਮਾਂ ਅਤੇ ਮਾਤਰਾ ਜਾਣਨੀ ਜਰੂਰੀ ਹੈ।

ਅਸੀਂ ਇੱਥੇ ਗਰਮੀਆਂ ਵਿੱਚ ਬਲੈਕ ਕਾਫੀ ਪੀਣ ਨਾਲ ਹੋ ਸਕਦੇ ਨੁਕਸਾਨ ਅਤੇ ਉਨ੍ਹਾਂ ਤੋਂ ਬਚਣ ਦੇ ਤਰੀਕੇ ਦੱਸਾਂਗੇ, ਤਾਂ ਜੋ ਤੁਸੀਂ ਸਿਹਤਮੰਦ ਰਹਿ ਸਕੋ।

ਬਲੈਕ ਕਾਫੀ ਵਿੱਚ ਕੈਫੀਨ ਵਧੀਕ ਹੁੰਦੀ ਹੈ ਜੋ diuretic ਹੋਣ ਕਰਕੇ ਪੇਸ਼ਾਬ ਵਧਾਉਂਦੀ ਹੈ। ਗਰਮੀਆਂ 'ਚ ਸਰੀਰ ਪਹਿਲਾਂ ਹੀ ਪਾਣੀ ਦੀ ਕਮੀ ’ਚ ਹੁੰਦਾ ਹੈ, ਇਸ ਕਰਕੇ ਕਾਫੀ ਪੀਣ ਨਾਲ ਡਿਹਾਈਡ੍ਰੇਸ਼ਨ ਹੋਣ ਦਾ ਖਤਰਾ ਵੱਧ ਜਾਂਦਾ ਹੈ।

ਇਸ ਨਾਲ ਸਰੀਰ ਤੋਂ ਪਾਣੀ ਜ਼ਿਆਦਾ ਨਿਕਲ ਜਾਂਦਾ ਹੈ ਅਤੇ ਵਾਰ-ਵਾਰ ਪੀਣ ਦੀ ਲੋੜ ਮਹਿਸੂਸ ਹੁੰਦੀ ਹੈ।

ਗਰਮੀਆਂ 'ਚ ਖਾਲੀ ਪੇਟ ਬਲੈਕ ਕਾਫੀ ਪੀਣ ਨਾਲ ਐਸਿਡਿਟੀ ਹੋ ਸਕਦੀ ਹੈ, ਜੋ ਪੇਟ ਵਿੱਚ ਜਲਣ ਅਤੇ ਤਕਲੀਫ਼ ਪੈਦਾ ਕਰਦੀ ਹੈ।

ਕਾਫੀ ਵਿੱਚ ਮੌਜੂਦ ਐਸਿਡ ਅਤੇ ਕੈਫੀਨ ਪੇਟ ਦੀ ਅੰਦਰੂਨੀ ਪਰਤ ਨੂੰ ਨੁਕਸਾਨ ਪਹੁੰਚਾ ਸਕਦੇ ਹਨ, ਜਿਸ ਨਾਲ ਗੈਸ ਜਾਂ ਜਲਨ ਮਹਿਸੂਸ ਹੋ ਸਕਦੀ ਹੈ।

ਗਰਮੀਆਂ ਵਿੱਚ ਬਲੈਕ ਕਾਫੀ ਪੀਣ ਨਾਲ ਸਰੀਰ ਦਾ ਤਾਪਮਾਨ ਵੱਧ ਸਕਦਾ ਹੈ।

ਇਸ ਨਾਲ ਛਾਤੀ 'ਚ ਜਲਣ ਜਾਂ ਹੋਰ ਗਰਮੀ ਮਹਿਸੂਸ ਹੋ ਸਕਦੀ ਹੈ।

ਗਰਮੀਆਂ ਵਿੱਚ ਰਾਤ ਨੂੰ ਬਲੈਕ ਕਾਫੀ ਪੀਣ ਨਾਲ ਨੀਂਦ ਵਿੱਚ ਰੁਕਾਵਟ ਆ ਸਕਦੀ ਹੈ।