ਆਯੁਰਵੇਦ ਵਿੱਚ ਪਾਚਨ ਕਿਰਿਆ ਨੂੰ ਠੀਕ ਰੱਖਣ ਲਈ ਕਈ ਤਰੀਕੇ ਦੱਸੇ ਗਏ ਹਨ। ਸ਼ਤਪਵਲੀ ਇਕ ਅਜਿਹੀ ਪ੍ਰਕਿਰਿਆ ਹੈ ਜਿਸ ਦਾ ਸਬੰਧ ਪਾਚਨ ਨਾਲ ਹੈ ਪਰ ਇਸ ਦੇ ਕਈ ਫਾਇਦੇ ਹਨ।

ਸ਼ਤਪਾਵਲੀ ਇੱਕ ਮਰਾਠੀ ਸ਼ਬਦ ਹੈ। ਜਿਸ ਵਿੱਚ ਸ਼ਤ ਦਾ ਅਰਥ ਹੈ ਸੌ ਅਤੇ ਪਾਵਲੀ ਦਾ ਅਰਥ ਹੈ ਕਦਮ। ਖਾਣਾ ਖਾਣ ਤੋਂ ਬਾਅਦ 100 ਕਦਮ ਚਲਣਾ ਸਿਹਤ ਦੇ ਲਈ ਫਾਇਦੇਮੰਦ ਹੁੰਦਾ ਹੈ।

ਜੇਕਰ ਤੁਹਾਨੂੰ ਖਾਣਾ ਖਾਣ ਤੋਂ ਬਾਅਦ ਫੁੱਲਣਾ, ਭੁੱਖ ਨਾ ਲੱਗਣਾ, ਕਬਜ਼ ਵਰਗੀਆਂ ਪਾਚਨ ਸੰਬੰਧੀ ਸਮੱਸਿਆਵਾਂ ਹਨ, ਤਾਂ ਹਰ ਵਾਰ ਖਾਣਾ ਖਾਣ 'ਤੇ 100 ਕਦਮ ਚੱਲੋ।

ਆਯੁਰਵੇਦ ਦਾ ਮੰਨਣਾ ਹੈ ਕਿ ਖਾਣਾ ਖਾਣ ਤੋਂ ਬਾਅਦ 100 ਕਦਮ ਤੁਰਨ ਨਾਲ ਤੁਹਾਡਾ ਸ਼ੂਗਰ ਲੈਵਲ ਬਰਕਰਾਰ ਰਹਿੰਦਾ ਹੈ। ਸਪੋਰਟਸ ਮੈਡੀਸਨ ਜਰਨਲ ਵਿਚ ਇਹ ਵੀ ਖ਼ਬਰ ਛਪੀ ਹੈ ਕਿ ਹਰ ਖਾਣੇ ਤੋਂ ਬਾਅਦ ਕੁਝ ਦੂਰੀ ਤੱਕ ਪੈਦਲ ਚੱਲਣ ਨਾਲ ਸ਼ੂਗਰ ਦਾ ਪੱਧਰ ਨਹੀਂ ਵਧਦਾ।

ਜੇਕਰ ਤੁਸੀਂ ਟਾਈਪ 2 ਡਾਇਬਟੀਜ਼ ਤੋਂ ਬਚਣਾ ਚਾਹੁੰਦੇ ਹੋ, ਤਾਂ ਜਦੋਂ ਵੀ ਤੁਸੀਂ ਕੁਝ ਖਾਂਦੇ ਹੋ, ਕੁਝ ਦੂਰੀ ਤੱਕ ਚੱਲੋ।

ਖਾਣਾ ਖਾਣ ਤੋਂ ਬਾਅਦ ਸੈਰ ਕਰਨ ਨਾਲ ਤੁਹਾਡੇ ਮੈਟਾਬੋਲਿਜ਼ਮ ਵਿੱਚ ਸੁਧਾਰ ਹੋ ਸਕਦਾ ਹੈ। ਇਸ ਨਾਲ ਸਰੀਰ ਦੇ ਹੋਰ ਅੰਗ ਵੀ ਠੀਕ ਰਹਿੰਦੇ ਹਨ।

ਜੇਕਰ ਤੁਹਾਡਾ ਮੈਟਾਬੋਲਿਜ਼ਮ ਠੀਕ ਰਹਿੰਦਾ ਹੈ ਤਾਂ ਤੁਹਾਡਾ ਭਾਰ ਵੀ ਕੰਟਰੋਲ 'ਚ ਰਹਿੰਦਾ ਹੈ।

ਜੇਕਰ ਤੁਸੀਂ ਖਾਣ ਤੋਂ ਬਾਅਦ ਆਲਸੀ ਮਹਿਸੂਸ ਕਰਦੇ ਹੋ ਤਾਂ ਵੀ ਸ਼ਤਪਾਵਲੀ ਕਰਨਾ ਫਾਇਦੇਮੰਦ ਹੈ। ਖਾਣਾ ਖਾਣ ਤੋਂ ਬਾਅਦ ਸਿੱਧੇ ਬੈਠਣ ਜਾਂ ਲੇਟਣ ਨਾਲ ਭਾਰੇਪਣ ਦੀ ਭਾਵਨਾ ਹੋ ਸਕਦੀ ਹੈ।

ਪਰ ਤੁਰਨ ਵੇਲੇ ਇਹ ਖਾਸ ਗੱਲ ਜ਼ਰੂਰ ਧਿਆਨ ਦੇ ਵਿੱਚ ਰੱਖੋ।

ਧਿਆਨ ਰੱਖੋ ਕਿ ਖਾਣਾ ਖਾਣ ਤੋਂ ਤੁਰੰਤ ਬਾਅਦ ਤੇਜ਼ ਨਾ ਚੱਲੋ ਸਗੋਂ ਆਰਾਮ ਨਾਲ ਸੈਰ ਕਰੋ।