ਸਾਡੇ ਦੇਸ਼ 'ਚ ਖੁਦਕੁਸ਼ੀ ਕਰਨਾ ਅਪਰਾਧ ਹੈ ਪਰ ਦੁਨੀਆ 'ਚ ਕਈ ਅਜਿਹੇ ਦੇਸ਼ ਹਨ ਜਿੱਥੇ ਖੁਦਕੁਸ਼ੀ ਨੂੰ ਕਾਨੂੰਨੀ ਅਪਰਾਧ ਦੀ ਸ਼੍ਰੇਣੀ ਤੋਂ ਬਾਹਰ ਰੱਖਿਆ ਗਿਆ ਹੈ।

ਇੱਕ ਅਜਿਹਾ ਦੇਸ਼ ਵੀ ਹੈ ਜਿੱਥੇ ਕੋਈ ਵੀ ਵਿਅਕਤੀ ਸਿਰਫ਼ 20 ਡਾਲਰ ਦੇ ਕੇ suicide ਕਰ ਸਕਦਾ ਹੈ।

ਦਰਅਸਲ ਅਸੀਂ ਗੱਲ ਕਰ ਰਹੇ ਹਾਂ ਸਵਿਟਜ਼ਰਲੈਂਡ ਦੀ। ਤਾਂ ਆਓ ਜਾਣਦੇ ਹਾਂ ਸਵਿਟਜ਼ਰਲੈਂਡ ਵਿੱਚ ਸ਼ੁਰੂ ਕੀਤੀ ਜਾ ਰਹੀ ਇਸ ਸਹੂਲਤ ਅਤੇ ਦੂਜੇ ਦੇਸ਼ਾਂ ਵਿੱਚ ਖੁਦਕੁਸ਼ੀ ਸਬੰਧੀ ਬਣੇ ਕਾਨੂੰਨਾਂ ਬਾਰੇ।

ਦਰਅਸਲ, ਸਵਿਟਜ਼ਰਲੈਂਡ ਸੁਸਾਈਡ ਪੋਡ ਨਾਮ ਦੀ ਸਹੂਲਤ ਸ਼ੁਰੂ ਕਰਨ ਵਾਲਾ ਪਹਿਲਾ ਦੇਸ਼ ਬਣਨ ਜਾ ਰਿਹਾ ਹੈ।

ਜਾਣਕਾਰੀ ਮੁਤਾਬਕ ਸਾਰਕੋ 3ਡੀ-ਪ੍ਰਿੰਟਿਡ ਪੋਰਟੇਬਲ ਸੁਸਾਈਡ ਪੋਡ ਹੈ, ਜਿਸ ਦੀ ਵਰਤੋਂ ਆਉਣ ਵਾਲੇ ਕੁਝ ਮਹੀਨਿਆਂ 'ਚ ਸਵਿਟਜ਼ਰਲੈਂਡ 'ਚ ਸ਼ੁਰੂ ਹੋਣ ਜਾ ਰਹੀ ਹੈ।

ਇੰਡੀਪੈਂਡੈਂਟ ਦੀ ਰਿਪੋਰਟ ਮੁਤਾਬਕ ਇਹ ਭਵਿੱਖ ਦਾ ਕੈਪਸੂਲ ਹੈ, ਜਿਸ ਨੂੰ 2019 'ਚ ਵਿਵਾਦਾਂ ਵਿਚਾਲੇ ਪੇਸ਼ ਕੀਤਾ ਗਿਆ ਸੀ।

ਇਹ ਖੁਦਕੁਸ਼ੀ ਪੋਡ ਕਿਸੇ ਵਿਅਕਤੀ ਨੂੰ ਬਿਨਾਂ ਕਿਸੇ ਡਾਕਟਰੀ ਜਾਂਚ ਜਾਂ ਨਿਗਰਾਨੀ ਦੇ ਆਤਮ ਹੱਤਿਆ ਕਰਨ ਦੇ ਯੋਗ ਬਣਾਉਂਦਾ ਹੈ।

ਅਸਲ ਵਿੱਚ ਇਸ ਵਿੱਚ ਇੱਕ ਪੌਡ ਚੈਂਬਰ ਦੀ ਵਰਤੋਂ ਕੀਤੀ ਜਾਵੇਗੀ। ਇਸ ਪੌਡ ਦਾ ਚੈਂਬਰ ਨਾਈਟ੍ਰੋਜਨ ਨਾਲ ਭਰਿਆ ਹੁੰਦਾ ਹੈ।

ਇਸ ਦੇ ਅੰਦਰ ਇਕ ਬਟਨ ਹੁੰਦਾ ਹੈ, ਜਿਸ ਨੂੰ ਦਬਾਉਣ 'ਤੇ ਆਕਸੀਜਨ ਦਾ ਪੱਧਰ ਤੇਜ਼ੀ ਨਾਲ ਘੱਟ ਜਾਂਦਾ ਹੈ, ਜਿਸ ਤੋਂ ਬਾਅਦ ਵਿਅਕਤੀ ਬੇਹੋਸ਼ ਹੋ ਜਾਂਦਾ ਹੈ ਅਤੇ ਕਰੀਬ 10 ਮਿੰਟਾਂ 'ਚ ਉਸ ਦੀ ਮੌਤ ਹੋ ਜਾਂਦੀ ਹੈ।

ਸਵਿਟਜ਼ਰਲੈਂਡ ਨੇ 1940 ਦੇ ਦਹਾਕੇ ਤੋਂ ਸਹਾਇਤਾ ਪ੍ਰਾਪਤ ਖੁਦਕੁਸ਼ੀ ਦੀ ਇਜਾਜ਼ਤ ਦਿੱਤੀ ਹੈ, ਸਿਰਫ ਸ਼ਰਤ ਇਹ ਹੈ ਕਿ ਸਹਾਇਤਾ ਕਰਨ ਵਾਲੇ ਵਿਅਕਤੀ ਨੂੰ ਮੌਤ ਦਾ ਕੋਈ ਲਾਭ ਨਹੀਂ ਹੈ।