ਘਰ 'ਚ ਰੋਟੀਆਂ ਬਣਾਉਣ ਲਈ ਅਕਸਰ ਔਰਤਾਂ ਜ਼ਿਆਦਾ ਆਟਾ ਗੁੰਨ ਕੇ ਫਰਿੱਜ ਵਿੱਚ ਰੱਖ ਲੈਂਦੀਆਂ ਹਨ, ਤਾਂ ਜੋ ਸਮੇਂ ਦੀ ਬਚਤ ਹੋਵੇ ਅਤੇ ਹਰ ਵਾਰ ਗੁੰਨਣ ਦਾ ਝੰਝਟ ਨਾ ਹੋਵੇ।

ਪਰ ਫਰਿੱਜ ਦੀ ਠੰਢਕ ਕਾਰਨ ਆਟਾ ਉੱਤੇ ਕਾਲਾ ਪੈ ਗਿਆ, ਸਖ਼ਤ ਹੋ ਗਿਆ ਜਾਂ ਖਟਟਾ ਹੋ ਗਿਆ, ਇਹ ਆਮ ਸਮੱਸਿਆ ਹੈ। ਇਹ ਨਾ ਸਿਰਫ਼ ਰੋਟੀਆਂ ਨੂੰ ਸਖ਼ਤ ਬਣਾਉਂਦੀ ਹੈ ਬਲਕਿ ਸਿਹਤ ਲਈ ਵੀ ਨੁਕਸਾਨਦੇਹ ਹੋ ਸਕਦੀ ਹੈ।

ਪਰ ਚਿੰਤਾ ਨਾ ਕਰੋ, ਇਹਨਾਂ ਸਾਧਾਰਨ ਟਿਪਸ ਨੂੰ ਅਪਣਾ ਕੇ ਤੁਸੀਂ ਆਪਣੇ ਆਟੇ ਨੂੰ ਤਾਜ਼ਾ ਰੱਖ ਸਕਦੇ ਹੋ, ਜਿਸ ਨਾਲ ਰੋਟੀਆਂ ਨਰਮ, ਫੁਲੀਆਂ ਅਤੇ ਸੁਆਦੀ ਬਣਨਗੀਆਂ।

ਹਲਕੇ ਗਰਮ ਪਾਣੀ ਨਾਲ ਗੁੰਨੋ: ਆਟਾ ਹਮੇਸ਼ਾ ਹਲਕੇ ਗਰਮ ਪਾਣੀ ਨਾਲ ਗੁੰਨੋ, ਇਸ ਨਾਲ ਰੋਟੀਆਂ ਨਰਮ ਬਣਦੀਆਂ ਹਨ ਅਤੇ ਫਰਿੱਜ ਵਿੱਚ 1-2 ਦਿਨ ਤੱਕ ਕਾਲਾ ਨਹੀਂ ਪੈਂਦਾ।

ਚੁਟਕੀ ਨਮਕ ਮਿਲਾਓ: ਗੁੰਨਦੇ ਸਮੇਂ ਚੁਟਕੀ ਭਰ ਨਮਕ ਪਾ ਦਿਓ, ਇਹ ਕੁਦਰਤੀ ਪ੍ਰਿਜ਼ਰਵੇਟਿਵ ਵਾਂਗ ਕੰਮ ਕਰਦਾ ਹੈ ਅਤੇ ਆਟਾ ਲੰਮੇ ਸਮੇਂ ਤੱਕ ਖਰਾਬ ਨਹੀਂ ਹੁੰਦਾ।

ਏਅਰਟਾਈਟ ਕੰਟੇਨਰ ਵਰਤੋ: ਖੁੱਲ੍ਹੇ ਬਰਤਨ ਵਿੱਚ ਨਾ ਰੱਖੋ, ਏਅਰਟਾਈਟ ਪਲਾਸਟਿਕ ਡੱਬੇ ਵਿੱਚ ਰੱਖੋ ਤਾਂ ਆਟਾ ਸਖ਼ਤ ਨਹੀਂ ਹੋਵੇਗਾ ਅਤੇ ਨਮੀ ਤੋਂ ਬਚੇਗਾ।

ਬਰਫ਼ ਵਾਲੇ ਪਾਣੀ ਨਾਲ ਗੁੰਨੋ: ਬਰਫ਼ ਵਾਲੇ ਠੰਡੇ ਪਾਣੀ ਨਾਲ ਗੁੰਨੋਗੇ ਤਾਂ ਆਕਸੀਡੇਸ਼ਨ ਘੱਟ ਹੋਵੇਗੀ ਅਤੇ ਆਟਾ 2-3 ਦਿਨ ਤੱਕ ਤਾਜ਼ਾ ਰਹੇਗਾ।

ਉੱਤੇ ਤੇਲ ਜਾਂ ਘਿਓ ਲਗਾਓ: ਗੁੰਨਣ ਤੋਂ ਬਾਅਦ ਆਟੇ ਦੇ ਉਪਰ ਵਾਲੇ ਪਾਸੇ ਤੇਲ ਜਾਂ ਘਿਓ ਲਗਾ ਦਿਓ, ਇਹ ਡਰਾਈਨੈੱਸ ਅਤੇ ਕਾਲੇਪਣ ਤੋਂ ਬਚਾਉਂਦਾ ਹੈ।

ਉੱਤੇ ਪਾਣੀ ਛਿੜਕੋ: ਆਟੇ ਨੂੰ ਰੱਖਣ ਤੋਂ ਪਹਿਲਾਂ ਉੱਤੇ ਹਲਕਾ ਪਾਣੀ ਛਿੜਕ ਦਿਓ, ਇਸ ਨਾਲ ਉੱਤਲਾ ਹਿੱਸਾ ਸਖ਼ਤ ਜਾਂ ਕਾਲਾ ਨਹੀਂ ਹੋਵੇਗਾ।

ਕਲਿੰਗ ਫਿਲਮ ਨਾਲ ਢੱਕੋ: ਆਟੇ ਨੂੰ ਪਲਾਸਟਿਕ ਫਿਲਮ ਨਾਲ ਢੱਕ ਕੇ ਰੱਖੋ, ਇਹ ਹਵਾ ਅਤੇ ਨਮੀ ਤੋਂ ਬਚਾਉਂਦੀ ਹੈ ਅਤੇ ਰੋਟੀਆਂ ਨੂੰ ਨਰਮ ਰੱਖਦੀ ਹੈ।

1-2 ਦਿਨਾਂ ਵਿੱਚ ਵਰਤੋਂ: ਫਰਿੱਜ ਵਿੱਚ 1-2 ਦਿਨ ਤੋਂ ਵੱਧ ਨਾ ਰੱਖੋ, ਨਹੀਂ ਤਾਂ ਬਾਸੀ ਹੋ ਜਾਵੇਗਾ ਅਤੇ ਕਾਲਾ ਪੈਣ ਲੱਗੇਗਾ।