Overthinker ਦਾ ਮਤਲਬ ਹੈ ਹਰ ਚੀਜ਼ ਬਾਰੇ ਬਹੁਤ ਜ਼ਿਆਦਾ ਸੋਚਣਾ।

ਬਹੁਤ ਜ਼ਿਆਦਾ ਸੋਚਣਾ ਉਦੋਂ ਹੁੰਦਾ ਹੈ ਜਦੋਂ ਤੁਸੀਂ ਕਿਸੇ ਚੀਜ਼ ਬਾਰੇ ਚਿੰਤਤ ਹੋਣ ਲੱਗਦੇ ਹੋ ਅਤੇ ਬਹੁਤ ਸਾਰੇ ਵਿਚਾਰ ਤੁਹਾਡੇ ਆਲੇ ਦੁਆਲੇ ਘੁੰਮਣ ਲੱਗ ਪੈਂਦੇ ਹਨ, ਜਿਨ੍ਹਾਂ ਦਾ ਕੋਈ ਅੰਤ ਨਹੀਂ ਹੁੰਦਾ।

ਤੁਸੀਂ ਰਿਸ਼ਤਿਆਂ, ਕੰਮ, ਸਿਹਤ ਅਤੇ ਹੋਰ ਬਹੁਤ ਸਾਰੀਆਂ ਚੀਜ਼ਾਂ ਬਾਰੇ ਜ਼ਿਆਦਾ ਸੋਚ ਰਹੇ ਹੋਵੋਗੇ।

ਜਦੋਂ ਵੀ ਤੁਸੀਂ ਮਹਿਸੂਸ ਕਰੋ ਕਿ ਤੁਸੀਂ ਡੂੰਘੇ ਵਿਚਾਰਾਂ 'ਚ ਡੁੱਬ ਰਹੇ ਹੋ, ਤਾਂ ਦੂਜਿਆਂ ਨਾਲ ਗੱਲ ਕਰਨ ਬਾਰੇ ਸੋਚੋ ਅਤੇ ਉਨ੍ਹਾਂ ਨੂੰ ਆਪਣੇ ਸਾਰੇ ਵਿਚਾਰ ਦੱਸੋ।

ਕੁੱਝ ਵੀ ਸਾਂਝਾ ਕਰਨ ਨਾਲ ਤੁਸੀਂ ਹਲਕਾ ਮਹਿਸੂਸ ਕਰੋਗੇ ਅਤੇ ਭਾਵਨਾਤਮਕ ਸਮਰਥਨ ਵੀ ਪ੍ਰਾਪਤ ਕਰੋਗੇ।

ਇਹ ਚੀਜ਼ ਤੁਹਾਡੇ ਦਿਮਾਗ ਨੂੰ ਨਕਾਰਾਤਮਕ ਚੀਜ਼ਾਂ ਤੋਂ ਦੂਰ ਰੱਖੇਗੀ। ਆਪਣੇ ਮਨਪਸੰਦ ਕੰਮਾਂ ਵਿੱਚ ਰੁੱਝੇ ਰਹੋ।

ਦੋਸਤਾਂ ਨਾਲ ਖਰੀਦਦਾਰੀ ਕਰਨ ਜਾਓ ਜਾਂ ਕਸਰਤ ਲਈ ਬਾਹਰ ਜਾਓ ਤਾਂ ਕਿ ਤੁਸੀਂ ਆਪਣੇ ਆਪ ਨੂੰ ਵਿਅਸਤ ਰੱਖੋ ਅਤੇ ਕਿਸੇ ਵੀ ਚੀਜ਼ ਬਾਰੇ ਬੇਲੋੜੀ ਸੋਚ ਨਾ ਰੱਖੋ।

ਧਿਆਨ ਕਰਨਾ ਮਨ ਨੂੰ ਆਰਾਮ ਦੇਣ ਦਾ ਇੱਕ ਸ਼ਕਤੀਸ਼ਾਲੀ ਤਰੀਕਾ ਮੰਨਿਆ ਜਾਂਦਾ ਹੈ। ਇਹ ਤੁਹਾਨੂੰ ਉਨ੍ਹਾਂ ਸਾਰੇ negative ਵਿਚਾਰਾਂ ਤੋਂ ਦੂਰ ਰੱਖਦਾ ਹੈ ਜੋ ਤੁਹਾਨੂੰ ਪਰੇਸ਼ਾਨ ਕਰਦੇ ਹਨ।

ਆਪਣੇ ਮਨ ਨੂੰ ਸਾਫ਼ ਕਰਨ ਅਤੇ ਆਪਣੇ ਸਰੀਰ ਨੂੰ ਆਰਾਮ ਦੇਣ ਲਈ ਹਰ ਰੋਜ਼ ਕੁਝ ਮਿੰਟ ਬੈਠੋ ਅਤੇ ਧਿਆਨ ਲਗਾਓ।

ਆਪਣੇ ਸਰੀਰ, ਮਨ ਅਤੇ ਵਾਤਾਵਰਣ ਨੂੰ ਜੋੜ ਕੇ ਤਣਾਅ ਅਤੇ ਚਿੰਤਾ ਨੂੰ ਘਟਾਉਣ ਲਈ ਯੋਗਾ ਦਾ ਅਭਿਆਸ ਵੀ ਕਰ ਸਕਦੇ ਹੋ।

ਆਪਣੇ ਨਾਲ ਇੱਕ ਛੋਟੀ ਡਾਇਰੀ ਵੀ ਰੱਖ ਸਕਦੇ ਹੋ। ਤੁਹਾਡੇ ਸਾਹਮਣੇ ਆਉਣ ਵਾਲੇ ਸਾਰੇ ਬੇਕਾਰ ਵਿਚਾਰਾਂ ਨੂੰ ਡਾਇਰੀ ਵਿਚ ਨੋਟ ਕਰਨਾ ਸਿੱਖੋ ਅਤੇ ਉਨ੍ਹਾਂ ਚੀਜ਼ਾਂ ਤੋਂ ਦੂਰ ਰਹਿਣ ਦੀ ਕੋਸ਼ਿਸ਼ ਕਰੋ।

ਆਪਣੇ ਲਈ ਖਾਲੀ ਸਮਾਂ ਕੱਢੋ ਅਤੇ ਸੈਰ ਲਈ ਬਾਹਰ ਜਾਓ। ਇਕੱਲੇ ਨਾ ਜਾਓ ਹੋ ਸਕੇ ਤਾਂ ਦੋਸਤਾਂ ਨੂੰ ਨਾਲ ਲੈ ਕੇ ਜਾਓ। ਯਾਤਰਾ 'ਤੇ ਜਾਣ ਨਾਲ ਤੁਹਾਡਾ ਮਨ ਤਾਜ਼ਾ ਰਹੇਗਾ ਅਤੇ ਬੇਲੋੜੇ ਵਿਚਾਰ ਤੁਹਾਡਾ ਪਿੱਛਾ ਨਹੀਂ ਕਰਨਗੇ।