ਔਰਤਾਂ ’ਚ ਸਭ ਤੋਂ ਆਮ ਕੈਂਸਰ Cervical Cancer ਦਾ ਪਤਾ ਹੁਣ ਸਿਰਫ਼ ਖ਼ੂਨ ਰਾਹੀਂ ਹੀ ਲਗਾਇਆ ਜਾ ਸਕਦਾ ਹੈ।

ਖ਼ੂਨ ਦੇ ਨਮੂਨਿਆਂ ਰਾਹੀਂ ਵੀ ਬਿਮਾਰੀ ਦੇ ਦੁਬਾਰਾ ਉਭਰਨ ਦਾ ਪਤਾ ਲਗਾਇਆ ਜਾ ਸਕਦਾ ਹੈ।

ਇਹ ਗੱਲ ਏਮਜ਼ ਕੈਂਸਰ ਸੈਂਟਰ ਆਈਆਰਸੀਐੱਚ (ਇੰਸਟੀਚਿਊਟ ਰੋਟਰੀ ਕੈਂਸਰ ਹਸਪਤਾਲ) ਦੇ ਡਾਕਟਰਾਂ ਦੁਆਰਾ ਕੀਤੇ ਗਏ ਇੱਕ ਅਧਿਐਨ ’ਚ ਸਾਹਮਣੇ ਆਈ ਹੈ।

ਇਹ ਅਧਿਐਨ ਅੰਤਰਰਾਸ਼ਟਰੀ ਮੈਡੀਕਲ ਜਰਨਲ ਨੇਚਰ ਦੇ ਵਿਗਿਆਨਕ ਖੋਜ ’ਚ ਪ੍ਰਕਾਸ਼ਿਤ ਹੋਇਆ ਹੈ।

ਖੋਜ ਵਿੱਚ ਸ਼ਾਮਲ ਡਾਕਟਰਾਂ ਦਾ ਕਹਿਣਾ ਹੈ ਕਿ ਖ਼ੂਨ ਦਾ ਨਮੂਨਾ ਲੈਣਾ ਮੌਜੂਦਾ ਸਮੇਂ ’ਚ ਸਕ੍ਰੀਨਿੰਗ ਲਈ ਵਰਤੇ ਜਾਂਦੇ ਪੈਪ ਸਮੀਅਰ ਟੈਸਟ ਨਾਲੋਂ ਸੌਖਾ ਹੈ।

ਖੂਨ ਵਿੱਚ ਅਜਿਹੇ HPV (ਹਿਊਮਨ ਪੈਪੀਲੋਮਾ ਵਾਇਰਸ) ਸੈੱਲ ਮੁਕਤ (ਸੀਐੱਫ) ਡੀਐੱਨਏ ਮੌਜੂਦ ਹੁੰਦੇ ਹਨ, ਜਿਨ੍ਹਾਂ ਦਾ ਵਾਧਾ ਇਸ ਬਿਮਾਰੀ ਦਾ ਸੂਚਕ ਹੈ।

ਉਹਨਾਂ ਸੈੱਲ-ਮੁਕਤ ਡੀਐਨਏ ਦੀ ਜਾਂਚ ਖੂਨ ਦੇ ਨਮੂਨੇ ਤੋਂ ਡ੍ਰੌਪਲਟ ਡਿਜੀਟਲ ਪੀਸੀਆਰ (ਡੀਡੀਪੀਸੀਆਰ) ਟੈਸਟ ਦੀ ਵਰਤੋਂ ਕਰਕੇ ਕੀਤੀ ਜਾ ਸਕਦੀ ਹੈ।

ਸਰਵਾਈਕਲ ਕੈਂਸਰ ਉਦੋਂ ਹੁੰਦਾ ਹੈ ਜਦੋਂ ਬੱਚੇਦਾਨੀ ਦੇ ਮੂੰਹ 'ਤੇ ਅਸਧਾਰਨ ਸੈੱਲ ਕੰਟਰੋਲ ਤੋਂ ਬਾਹਰ ਹੋ ਜਾਂਦੇ ਹਨ।

ਬੱਚੇਦਾਨੀ ਦੇ ਹੇਠਲੇ ਹਿੱਸੇ ਨੂੰ ਸਰਵਿਕਸ ਕਿਹਾ ਜਾਂਦਾ ਹੈ ਅਤੇ ਇਹ ਯੋਨੀ ਵਿੱਚ ਖੁੱਲ੍ਹਦਾ ਹੈ।

ਸਰਵਾਈਕਲ ਕੈਂਸਰ ਦੇ ਲੱਛਣਾਂ ਵਿੱਚ ਸ਼ਾਮਲ ਹਨ- ਅਸਾਧਾਰਣ ਯੋਨੀ ਖੂਨ, ਸੈਕਸ ਦੇ ਦੌਰਾਨ ਦਰਦ, ਅਸਧਾਰਨ ਯੋਨੀ ਡਿਸਚਾਰਜ, ਪੇਡੂ ਜਾਂ ਹੇਠਲੇ ਪੇਟ ਵਿੱਚ ਦਰਦ।

26 ਸਾਲ ਜਾਂ ਇਸ ਤੋਂ ਘੱਟ ਉਮਰ ਦੀਆਂ ਔਰਤਾਂ ਇੱਕ HPV ਵੈਕਸੀਨ ਲੈ ਸਕਦੀਆਂ ਹਨ ਜੋ ਸਰਵਾਈਕਲ ਕੈਂਸਰ ਦਾ ਕਾਰਨ ਬਣਨ ਵਾਲੇ ਜ਼ਿਆਦਾਤਰ HPV ਤੋਂ ਬਚਾਅ ਕਰਦੀ ਹੈ।