ਕਿਹੜੀ ਸਬਜ਼ੀ ਵਿੱਚ ਸਭ ਤੋਂ ਵੱਧ ਪ੍ਰੋਟੀਨ ਹੁੰਦਾ ਹੈ?

ਜਦੋਂ ਵੀ ਸਰੀਰ ਵਿੱਚ ਪ੍ਰੋਟੀਨ ਦੀ ਘਾਟ ਦੀ ਗੱਲ ਹੁੰਦੀ ਹੈ ਤਾਂ ਜ਼ਿਆਦਾਤਰ ਲੋਕਾਂ ਦੇ ਮਨ ਵਿੱਚ ਅੰਡਾ, ਚਿਕਨ ਅਤੇ ਪਨੀਰ ਦਾ ਹੀ ਖ਼ਿਆਲ ਆਉਂਦਾ ਹੈ।

ਪਰ ਜੇ ਤੁਸੀਂ ਪੂਰੀ ਤਰ੍ਹਾਂ ਸ਼ਾਕਾਹਾਰੀ ਹੋ, ਤਾਂ ਘਬਰਾਉਣ ਦੀ ਕੋਈ ਲੋੜ ਨਹੀਂ।

ਕਈ ਅਜਿਹੀਆਂ ਸਬਜ਼ੀਆਂ ਹਨ, ਜਿਨ੍ਹਾਂ ਵਿੱਚ ਵੀ ਪ੍ਰੋਟੀਨ ਚੰਗੀ ਮਾਤਰਾ ਵਿੱਚ ਮਿਲਦਾ ਹੈ।

ਆਓ ਜਾਣਦੇ ਹਾਂ ਪ੍ਰੋਟੀਨ ਨਾਲ ਭਰਪੂਰ ਕੁਝ ਸਬਜ਼ੀਆਂ ਬਾਰੇ।

ਹਰੇ ਮਟਰ ਪ੍ਰੋਟੀਨ ਨਾਲ ਭਰਪੂਰ ਸਬਜ਼ੀਆਂ ਵਿੱਚ ਸਭ ਤੋਂ ਅੱਗੇ ਮੰਨੇ ਜਾਂਦੇ ਹਨ।

ਇੱਕ ਕੱਪ ਹਰੇ ਮਟਰ ਵਿੱਚ ਲਗਭਗ 8 ਗ੍ਰਾਮ ਪ੍ਰੋਟੀਨ ਹੁੰਦਾ ਹੈ।

ਹੈਲਥ ਫ੍ਰੀਕਸ ਦੀ ਪਸੰਦੀਦਾ 100 ਗ੍ਰਾਮ ਬਰੋਕਲੀ ਵਿੱਚ ਲਗਭਗ 2.8 ਗ੍ਰਾਮ ਪ੍ਰੋਟੀਨ ਹੁੰਦਾ ਹੈ।

ਇਸੇ ਤਰ੍ਹਾਂ ਇੱਕ ਕੱਪ ਪੱਕੇ ਹੋਏ ਪਾਲਕ ਵਿੱਚ ਕਰੀਬ 5.3 ਗ੍ਰਾਮ ਪ੍ਰੋਟੀਨ ਮਿਲਦਾ ਹੈ।

ਸ਼ਾਕਾਹਾਰੀ ਚਿਕਨ ਵਜੋਂ ਜਾਣੇ ਜਾਂਦੇ 100 ਗ੍ਰਾਮ ਕਠਲ (ਜੈਕਫਰੂਟ) ਵਿੱਚ ਲਗਭਗ 1.8 ਤੋਂ 2.5 ਗ੍ਰਾਮ ਪ੍ਰੋਟੀਨ ਹੁੰਦਾ ਹੈ।