ਸਿਰ ਦਰਦ ਇੱਕ ਅਜਿਹੀ ਸਮੱਸਿਆ ਹੈ ਜੋ ਅਕਸਰ ਰੋਜ਼ਮਰ੍ਹਾ ਦੀ ਜ਼ਿੰਦਗੀ ਵਿੱਚ ਸਾਹਮਣੇ ਆਉਂਦੀ ਹੈ, ਪਰ ਘਰੇਲੂ ਨੁਸਖਿਆਂ ਨਾਲ ਇਸ ਨੂੰ ਕਾਫੀ ਹੱਦ ਤੱਕ ਠੀਕ ਕੀਤਾ ਜਾ ਸਕਦਾ ਹੈ।

ਕੁਝ ਸਧਾਰਨ ਅਤੇ ਕੁਦਰਤੀ ਤਰੀਕਿਆਂ ਨਾਲ ਤੁਸੀਂ ਸਿਰ ਦਰਦ ਤੋਂ ਰਾਹਤ ਪ੍ਰਾਪਤ ਕਰ ਸਕਦੇ ਹੋ। ਇਹ ਨੁਸਖੇ ਨਾ ਸਿਰਫ਼ ਸੁਰੱਖਿਅਤ ਹਨ, ਸਗੋਂ ਆਸਾਨੀ ਨਾਲ ਘਰ ਵਿੱਚ ਮੌਜੂਦ ਸਮੱਗਰੀ ਨਾਲ ਤਿਆਰ ਕੀਤੇ ਜਾ ਸਕਦੇ ਹਨ।

ਪਾਣੀ ਪੀਣਾ: ਡੀਹਾਈਡਰੇਸ਼ਨ ਕਾਰਨ ਸਿਰ ਦਰਦ ਹੋ ਸਕਦਾ ਹੈ, ਇਸ ਲਈ ਰੋਜ਼ਾਨਾ 8-10 ਗਲਾਸ ਪਾਣੀ ਪੀਓ।

ਅਦਰਕ ਦੀ ਚਾਹ: ਅਦਰਕ ਵਿੱਚ ਐਂਟੀ-ਇੰਫਲੇਮੇਟਰੀ ਗੁਣ ਹੁੰਦੇ ਹਨ, ਜੋ ਸਿਰ ਦਰਦ ਨੂੰ ਘਟਾਉਂਦੇ ਹਨ। ਇੱਕ ਕੱਪ ਅਦਰਕ ਵਾਲੀ ਚਾਹ ਪੀਓ।

ਠੰਡੀ ਸਿਕਾਈ: ਸਿਰ ਦਰਦ ਵਾਲੀ ਥਾਂ ’ਤੇ ਠੰਡੇ ਪਾਣੀ ਵਿੱਚ ਭਿੱਜਿਆ ਕੱਪੜਾ ਜਾਂ ਆਈਸ ਪੈਕ 10-15 ਮਿੰਟ ਲਈ ਰੱਖੋ।

ਤੁਲਸੀ ਦੀ ਚਾਹ: ਤੁਲਸੀ ਦੀਆਂ ਪੱਤੀਆਂ ਨੂੰ ਪਾਣੀ ਵਿੱਚ ਉਬਾਲ ਕੇ ਪੀਣ ਨਾਲ ਟੈਨਸ਼ਨ ਸਿਰ ਦਰਦ ਵਿੱਚ ਰਾਹਤ ਮਿਲਦੀ ਹੈ।

ਲੌਂਗ ਦਾ ਤੇਲ: ਲੌਂਗ ਦੇ ਤੇਲ ਨੂੰ ਨਾਰੀਅਲ ਦੇ ਤੇਲ ਨਾਲ ਮਿਲਾ ਕੇ ਸਿਰ ’ਤੇ ਹਲਕੀ ਮਾਲਿਸ਼ ਕਰੋ।

ਨੀਂਦ: ਥਕਾਵਟ ਕਾਰਨ ਸਿਰ ਦਰਦ ਹੋਵੇ ਤਾਂ 20-30 ਮਿੰਟ ਦੀ ਝਪਕੀ ਲੈਣ ਨਾਲ ਰਾਹਤ ਮਿਲ ਸਕਦੀ ਹੈ।

ਸੇਬ ਦਾ ਸਿਰਕਾ: ਇੱਕ ਗਲਾਸ ਗਰਮ ਪਾਣੀ ਵਿੱਚ 2 ਚਮਚ ਸੇਬ ਦਾ ਸਿਰਕਾ ਮਿਲਾ ਕੇ ਪੀਓ।

ਪੁਦੀਨੇ ਦਾ ਤੇਲ: ਪੁਦੀਨੇ ਦੇ ਤੇਲ ਨਾਲ ਮੱਥੇ ’ਤੇ ਮਾਲਸ਼ ਕਰਨ ਨਾਲ ਮਾਈਗ੍ਰੇਨ ਵਿੱਚ ਆਰਾਮ ਮਿਲਦਾ ਹੈ।

ਬਾਦਾਮ: 4-5 ਬਾਦਾਮ ਖਾਣ ਨਾਲ ਸਿਰ ਦਰਦ ਵਿੱਚ ਕੁਦਰਤੀ ਰਾਹਤ ਮਿਲ ਸਕਦੀ ਹੈ।

ਧਿਆਨ ਅਤੇ ਸਾਹ: ਡੂੰਘੇ ਸਾਹ ਅਤੇ ਮੈਡੀਟੇਸ਼ਨ ਨਾਲ ਤਣਾਅ ਵਾਲੇ ਸਿਰ ਦਰਦ ਨੂੰ ਘਟਾਇਆ ਜਾ ਸਕਦਾ ਹੈ।