ਅੱਜ ਤੋਂ ਬਾਅਦ ਤੁਸੀਂ ਕਦੇ ਵੀ ਕੂੜੇ 'ਚ ਨਹੀਂ ਸੁੱਟੋਗੇ ਬਦਾਮ ਦੇ ਛਿਲਕੇ, ਜਾਣ ਲਓ ਫਾਇਦੇ ਬਦਾਮ ਦੇ ਛਿਲਕਿਆਂ ਨੂੰ ਹਮੇਸ਼ਾ ਸੁੱਟ ਦਿੱਤਾ ਜਾਂਦਾ ਹੈ, ਜਦੋਂ ਕਿ ਇਹ ਪੋਸ਼ਕ ਤੱਤਾਂ ਨਾਲ ਭਰਪੂਰ ਹੋਣ ਦੇ ਨਾਲ ਫਾਇਦੇਮੰਦ ਵੀ ਹੁੰਦੇ ਹਨ। ਬਦਾਮ ਦੇ ਛਿਲਕਿਆਂ ਨੂੰ ਸੁੱਟਣ ਦੀ ਬਜਾਏ ਉਨ੍ਹਾਂ ਨੂੰ ਸੁਕਾ ਕੇ ਪਾਊਡਰ ਬਣਾ ਲਓ। ਇਸ ਪਾਊਡਰ ਨੂੰ ਫੇਸ ਪੈਕ 'ਚ ਮਿਲਾ ਕੇ ਚਿਹਰੇ 'ਤੇ ਲਗਾਓ। ਇਸ ਨਾਲ ਚਿਹਰੇ ਨੂੰ ਵਿਟਾਮਿਨ ਈ ਅਤੇ ਜ਼ਰੂਰੀ ਪੋਸ਼ਕ ਤੱਤ ਮਿਲਣਗੇ ਅਤੇ ਚਮੜੀ ਹਮੇਸ਼ਾ ਸਿਹਤਮੰਦ ਦਿਖਾਈ ਦੇਵੇਗੀ। ਪਾਊਡਰ ਨੂੰ ਦਹੀਂ ਅਤੇ ਐਲੋਵੇਰਾ ਜੈੱਲ ਦੇ ਨਾਲ ਮਿਲਾ ਕੇ ਵਾਲਾਂ 'ਤੇ ਲਗਾਓ। ਇਹ ਪੇਸਟ ਵਾਲਾਂ ਦੇ ਵਿਕਾਸ ਨੂੰ ਵਧਾਉਣ ਦੇ ਨਾਲ-ਨਾਲ ਵਾਲਾਂ ਦੇ ਝੜਨ ਨੂੰ ਰੋਕਣ ਵਿੱਚ ਮਦਦ ਕਰੇਗਾ। ਭਿੱਜੇ ਹੋਏ ਬਦਾਮ ਦੇ ਛਿਲਕਿਆਂ ਨੂੰ ਮਿੱਟੀ ਵਿੱਚ ਪਾਉਣ ਨਾਲ ਉਪਜਾਊ ਸ਼ਕਤੀ ਵਧਦੀ ਹੈ। ਇਸ ਲਈ ਜੇਕਰ ਤੁਹਾਡੇ ਪੌਦੇ ਨਹੀਂ ਵਧ ਰਹੇ ਹਨ ਤਾਂ ਇਨ੍ਹਾਂ ਬਦਾਮ ਦੇ ਛਿਲਕਿਆਂ ਨੂੰ ਮਿੱਟੀ 'ਚ ਪਾ ਦਿਓ। ਇਸ ਦੇ ਪਾਊਡਰ ਨੂੰ ਸਲਾਦ, ਦਹੀਂ, ਰੋਟੀ ਆਦਿ ਚੀਜ਼ਾਂ 'ਤੇ ਥੋੜ੍ਹੀ ਮਾਤਰਾ 'ਚ ਛਿੜਕਿਆ ਜਾ ਸਕਦਾ ਹੈ। ਇਸ ਨਾਲ ਖਾਣ-ਪੀਣ ਦੀਆਂ ਵਸਤੂਆਂ ਦਾ ਸਵਾਦ ਵੀ ਬਦਲੇਗਾ ਅਤੇ ਪੋਸ਼ਣ ਵੀ ਮਿਲੇਗਾ।