ਅੱਜਕੱਲ੍ਹ ਦੇ ਸਮੇਂ ਵਿੱਚ ਲੋਕਾਂ ਨੂੰ ਘੱਟ ਉਮਰ ਵਿੱਚ ਵੀ ਹਾਰਟ ਫੇਲ ਹੋਣ ਵਰਗੀਆਂ ਗੰਭੀਰ ਸਮੱਸਿਆਵਾਂ ਹੋ ਰਹੀਆਂ ਹਨ।

ਇਹ ਇਕ ਐਸਾ ਹਾਲਾਤ ਹੁੰਦਾ ਹੈ ਜਿਸ ਵਿੱਚ ਦਿਲ ਕਮਜ਼ੋਰ ਹੋ ਜਾਂਦਾ ਹੈ ਅਤੇ ਸਰੀਰ ਦੀ ਲੋੜ ਮੁਤਾਬਕ ਖੂਨ ਲੋੜੀਂਦਾ ਮਾਤਰਾ ਪੰਪ ਨਹੀਂ ਕਰ ਪਾਉਂਦਾ।

ਸਮੇਂ ਦੇ ਨਾਲ ਇਹ ਸਮੱਸਿਆ ਵਧਦੀ ਜਾਂਦੀ ਹੈ ਅਤੇ ਸਰੀਰ ਵਕਤ ਰਹਿੰਦਿਆਂ ਕੁਝ ਇਸ਼ਾਰੇ ਦਿੰਦਾ ਹੈ, ਜਿਨ੍ਹਾਂ ਨੂੰ ਅਣਡਿੱਠਾ ਕਰਨਾ ਤੁਹਾਡੇ ਲਈ ਖਤਰਨਾਕ ਹੋ ਸਕਦਾ

ਹਾਰਟ ਫੇਲ ਹੋਣ ਦਾ ਸਭ ਤੋਂ ਆਮ ਅਤੇ ਗੰਭੀਰ ਲੱਛਣ ਸੀਨੇ 'ਚ ਦਰਦ ਜਾਂ ਦਬਾਅ ਵਰਗਾ ਅਹਿਸਾਸ ਹੋਣਾ ਹੁੰਦਾ ਹੈ।

ਇਸ ਹਾਲਤ ਵਿੱਚ ਕੁਝ ਲੋਕਾਂ ਨੂੰ ਛਾਤੀ 'ਚ ਭਾਰੀਪਨ, ਸੜਨ, ਜਕੜਣ ਜਾਂ ਦਬਾਅ ਮਹਿਸੂਸ ਹੁੰਦਾ ਹੈ, ਜੋ ਕਈ ਵਾਰੀ ਖੱਬੇ ਬਾਂਹ, ਜਬੜੇ, ਪਿੱਠ ਜਾਂ ਗਰਦਨ ਤੱਕ ਵੀ ਫੈਲ ਸਕਦਾ ਹੈ।

ਇਹ ਇਸ਼ਾਰਾ ਦਿਲ ਦੀਆਂ ਮਾਸਪੇਸ਼ੀਆਂ ਵਿੱਚ ਆਕਸੀਜਨ ਦੀ ਘਾਟ ਵੱਲ ਹੋ ਸਕਦਾ ਹੈ। ਇਸ ਕਰਕੇ ਜੇ ਤੁਹਾਨੂੰ ਵਾਰ ਵਾਰ ਸੀਨੇ 'ਚ ਦਰਦ ਜਾਂ ਦਬਾਅ ਮਹਿਸੂਸ ਹੁੰਦਾ ਹੈ ਤਾਂ ਫੌਰਨ ਆਪਣੇ ਡਾਕਟਰ ਨਾਲ ਸਲਾਹ ਕਰੋ ਅਤੇ ਜਲਦੀ ਜਾਂਚ ਕਰਵਾਓ।

ਸਾਂਹ ਲੈਣ ਵਿੱਚ ਦਿੱਕਤ ਹੋਣਾ ਹਾਰਟ ਫੇਲ ਹੋਣ ਦਾ ਇਕ ਗੰਭੀਰ ਇਸ਼ਾਰਾ ਹੋ ਸਕਦਾ ਹੈ।

ਜੇਕਰ ਤੁਸੀਂ ਬਿਨਾਂ ਕਿਸੇ ਭਾਰੀ ਕੰਮ ਦੇ ਵੀ ਲਗਾਤਾਰ ਥਕਾਵਟ ਮਹਿਸੂਸ ਕਰ ਰਹੇ ਹੋ, ਤਾਂ ਇਹ ਹਾਰਟ ਫੇਲ ਹੋਣ ਵੱਲ ਇਸ਼ਾਰਾ ਹੋ ਸਕਦਾ ਹੈ।

ਜਦੋਂ ਦਿਲ ਸਰੀਰ ਦੇ ਵੱਖ-ਵੱਖ ਹਿੱਸਿਆਂ ਤੱਕ ਪੂਰੀ ਮਾਤਰਾ ਵਿੱਚ ਖੂਨ ਨਹੀਂ ਪਹੁੰਚਾ ਪਾਉਂਦਾ, ਤਾਂ ਮਾਸਪੇਸ਼ੀਆਂ ਨੂੰ ਲੋੜੀਂਦੀ ਊਰਜਾ ਨਹੀਂ ਮਿਲਦੀ।

ਇਸ ਕਾਰਨ ਸਰੀਰ ਵਿੱਚ ਥਕਾਵਟ ਅਤੇ ਕਮਜ਼ੋਰੀ ਬਣੀ ਰਹਿੰਦੀ ਹੈ। ਇਨ੍ਹਾਂ ਕਾਰਨਾਂ ਕਰਕੇ ਰੋਜ਼ਾਨਾ ਦੇ ਸਧਾਰਣ ਕੰਮ ਕਰਣੇ ਵੀ ਮੁਸ਼ਕਲ ਹੋ ਜਾਂਦੇ ਹਨ।

ਜਦੋਂ ਦਿਲ ਫੇਲ ਹੋਣ ਦੀ ਸਥਿਤੀ ਬਣਦੀ ਹੈ, ਤਾਂ ਸਰੀਰ ਵਿੱਚ ਪਾਣੀ ਇਕੱਠਾ ਹੋਣਾ ਸ਼ੁਰੂ ਹੋ ਜਾਂਦਾ ਹੈ।

ਖ਼ਾਸ ਕਰਕੇ ਸਰੀਰ ਦੇ ਹੇਠਲੇ ਹਿੱਸੇ ਵਿੱਚ ਪਾਣੀ ਜੰਮਣ ਕਰਕੇ ਪੈਰਾਂ, ਅੱਡੀਆਂ ਅਤੇ ਪੇਟ ਵਿੱਚ ਸੋਜ ਆਉਣ ਲੱਗਦੀ ਹੈ। ਕਈ ਵਾਰ ਇਹ ਸੋਜ ਚਿਹਰੇ ਅਤੇ ਅੱਖਾਂ ਹੇਠਾਂ ਵੀ ਦਿਖਾਈ ਦੇ ਸਕਦੀ ਹੈ।