ਅੱਖਾਂ ਫੜਕਣਾ ਇੱਕ ਆਮ ਪ੍ਰੇਸ਼ਾਨੀ ਹੈ, ਜੋ ਕਿ ਅੱਖ ਦੇ ਮਾਸਪੇਸ਼ੀਆਂ ਦੇ ਅਚਾਨਕ ਅਤੇ ਅਣਚਾਹੇ ਸੰਕੋਚ ਕਰ ਕੇ ਹੁੰਦੀ ਹੈ।

ਇਹ ਆਮ ਤੌਰ ’ਤੇ ਘੱਟ ਸਮੇਂ ਲਈ ਰਹਿੰਦੀ ਹੈ ਅਤੇ ਆਤਮਿਕ ਤੌਰ ’ਤੇ ਠੀਕ ਹੋ ਜਾਂਦੀ ਹੈ।

ਜ਼ਿਆਦਾਤਰ ਮਾਮਲਿਆਂ ’ਚ, ਅੱਖਾਂ ਫੜਕਣ ਦਾ ਕਾਰਨ ਥਕਾਵਟ, ਤਣਾਅ, ਕੈਫੀਨ ਦੀ ਵਾਧੂ ਵਰਤੋਂ, ਜਾਂ ਅੱਖਾਂ ਦੀ ਥਕਾਵਟ ਹੁੰਦਾ ਹੈ ਪਰ ਕਈ ਵਾਰ, ਇਹ ਵਿਟਾਮਿਨ ਦੀ ਕਮੀ ਜਾਂ ਨਰਵਸ ਸਿਸਟਮ ਦੀ ਕਿਸੇ ਸਮੱਸਿਆ ਦਾ ਸੰਕੇਤ ਵੀ ਹੋ ਸਕਦੀ ਹੈ।

ਆਮ ਤੌਰ ’ਤੇ ਇਹ ਗੰਭੀਰ ਸਮੱਸਿਆ ਨਹੀਂ ਹੁੰਦੀ ਪਰ ਜੇਕਰ ਅੱਖਾਂ ਲੰਬੇ ਸਮੇਂ ਤੱਕ ਫੜਕਦੀਆਂ ਰਹਿਣ ਜਾਂ ਨਾਲ ਹੋਰ ਲੱਛਣ ਜਿਵੇਂ ਦਰਦ, ਲਾਲੀ, ਨਜ਼ਰ 'ਚ ਗੜਬੜ ਵਰਗੇ ਲੱਛਣ ਨਜ਼ਰ ਆਉਣ, ਤਾਂ ਡਾਕਟਰੀ ਸਲਾਹ ਲੈਣੀ ਚਾਹੀਦੀ ਹੈ।

ਬਹੁਤ ਜ਼ਿਆਦਾ ਚਾਹ, ਕੌਫੀ ਜਾਂ ਸ਼ਰਾਬ ਪੀਣ ਨਾਲ ਨਰਵਸ ਸਿਸਟਮ ਤੇ ਪ੍ਰਭਾਵ ਪੈਂਦਾ ਹੈ, ਜੋ ਅੱਖ ਫੜਕਣ ਦਾ ਕਾਰਨ ਬਣ ਸਕਦਾ ਹੈ।

ਜੇਕਰ ਤੁਸੀਂ ਲਗਾਤਾਰ ਘੱਟ ਨੀਂਦ ਲੈਂਦੇ ਹੋ, ਤਾਂ ਅੱਖਾਂ ਦੀਆਂ ਮਾਸਪੇਸ਼ੀਆਂ ਜ਼ਿਆਦਾ ਤਣਾਅ ’ਚ ਆ ਸਕਦੀਆਂ ਹਨ।

ਜ਼ਿਆਦਾ ਮਾਨਸਿਕ ਦਬਾਅ ਨਰਵਸ ਸਿਸਟਮ ’ਤੇ ਅਸਰ ਪਾ ਸਕਦਾ ਹੈ, ਜੋ ਕਿ ਅੱਖਾਂ ਦੀ ਗਤੀ ’ਚ ਵਿਗਾੜ ਪੈਦਾ ਕਰ ਸਕਦਾ ਹੈ।

ਲੰਮੇ ਸਮੇਂ ਤੱਕ ਮੋਬਾਈਲ, ਲੈਪਟੌਪ ਜਾਂ ਟੀਵੀ ਦੇ ਸਕਰੀਨ ਨੂੰ ਦੇਖਣ ਨਾਲ ਵੀ ਇਹ ਸਮੱਸਿਆ ਹੋ ਸਕਦੀ ਹੈ।

ਵਿਟਾਮਿਨ B12, ਡੀ ਅਤੇ ਮੈਗਨੀਸ਼ੀਅਮ ਦੀ ਘਾਟ ਨਰਵਸ ਸਿਸਟਮ ’ਤੇ ਪ੍ਰਭਾਵ ਪਾਉਂਦੀ ਹੈ, ਜਿਸ ਕਰਕੇ ਅੱਖਾਂ ਫੜਕ ਸਕਦੀਆਂ ਹਨ।

ਹਰ ਰੋਜ਼ 7-8 ਘੰਟੇ ਨੀਂਦ ਲੈਣੀ ਚਾਹੀਦੀ ਹੈ।

ਤਣਾਅ ਘਟਾਓ ਤੇ ਯੋਗ ਅਤੇ ਧਿਆਨ ਕਰੋ।

ਕੈਫੀਨ ਦੀ ਵਰਤੋਂ ਘਟਾਓ ਜਿਸ ਕਰਕੇ ਚਾਹ ਅਤੇ ਕੌਫੀ ਘੱਟ ਪੀਓ।

ਸਮੇਂ ਤੱਕ ਸਕਰੀਨ ਦੇਖਣ ਤੋਂ ਬਚੋ।

ਹਾਈਡਰੇਟ ਰਹੋ, ਇਸ ਲਈ ਚੰਗੀ ਮਾਤਰਾ ਦੇ ਵਿੱਚ ਪਾਣੀ ਪੀਓ।

ਵਿਟਾਮਿਨ B12, ਮੈਗਨੀਸ਼ੀਅਮ ਅਤੇ ਪੋਟਾਸੀਅਮ ਵਾਲੇ ਭੋਜਨ ਖਾਓ।