ਅੱਜਕਲ੍ਹ ਇਨਫਰਟਿਲਿਟੀ ਦੀ ਸਮੱਸਿਆ ਤੇਜ਼ੀ ਨਾਲ ਵਧ ਰਹੀ ਹੈ।

ਇਸ ਦੇ ਪਿੱਛੇ ਕਈ ਕਾਰਨ ਹੋ ਸਕਦੇ ਹਨ, ਪਰ ਇਨ੍ਹਾਂ ਵਿੱਚੋਂ ਮਹੱਤਵਪੂਰਨ ਕਾਰਨ ਹੈ- ਵਿਟਾਮਿਨ-ਡੀ ਦੀ ਘਾਟ।

ਇਹ ਵਿਟਾਮਿਨ ਨਾ ਸਿਰਫ ਹੱਡੀਆਂ ਤੇ ਇਮਿਊਨ ਸਿਸਟਮ ਲਈ ਜ਼ਰੂਰੀ ਹੈ, ਸਗੋਂ ਇਹ ਫਰਟਿਲਿਟੀ ਨੂੰ ਵੀ ਪ੍ਰਭਾਵਿਤ ਕਰਦਾ ਹੈ।

ਵਿਟਾਮਿਨ-ਡੀ ਦੀ ਘਾਟ ਨਾਲ ਪੁਰਸ਼ਾਂ ਤੇ ਔਰਤਾਂ ਦੋਹਾਂ ਵਿਚ ਫਰਟਿਲਿਟੀ ਪ੍ਰਭਾਵਿਤ ਹੋ ਸਕਦੀ ਹੈ।

ਵਿਟਾਮਿਨ-ਡੀ ਇਕ ਸਟੀਰਾਇਡ ਹਾਰਮੋਨ ਵਾਂਗ ਕੰਮ ਕਰਦਾ ਹੈ ਤੇ ਸਰੀਰ 'ਚ ਕਈ ਹਾਰਮੋਨਲ ਪ੍ਰਕਿਰਿਆਵਾਂ ਨੂੰ ਕੰਟਰੋਲ ਕਰਦਾ ਹੈ।

ਇਹ ਪ੍ਰਜਣਨ ਅੰਗਾਂ, ਜਿਵੇਂ ਕਿ ਓਵਰੀਜ਼, ਯੂਟਰਸ ਤੇ ਟੈਸਟਿਸ 'ਚ ਵਿਟਾਮਿਨ-ਡੀ ਰਿਸੈਪਟਰਸ ਦੀ ਮੌਜੂਦਗੀ ਕਾਰਨ ਫਰਟੀਲਿਟੀ ਨੂੰ ਸਿੱਧੇ ਤੌਰ 'ਤੇ ਪ੍ਰਭਾਵਿਤ ਕਰਦਾ ਹੈ।

ਵਿਟਾਮਿਨ-ਡੀ ਦੀ ਘਾਟ ਨਾਲ ਹਾਰਮੋਨਲ ਅਸੰਤੁਲਨ ਹੋ ਸਕਦਾ ਹੈ, ਜਿਸ ਨਾਲ ਪੀਰੀਅਡਸ ਅਨਿਯਮਿਤ ਹੋ ਜਾਂਦੇ ਹਨ ਤੇ ਓਵੂਲੇਸ਼ਨ ਪ੍ਰਭਾਵਿਤ ਹੁੰਦਾ ਹੈ।

PCOS ਨਾਲ ਪੀੜਤ ਔਰਤਾਂ 'ਚ ਵਿਟਾਮਿਨ-ਡੀ ਦਾ ਲੈਵਲ ਘੱਟ ਹੁੰਦਾ ਹੈ। ਇਹ ਸਥਿਤੀ ਇਨਫਰਟਿਲਿਟੀ ਦਾ ਮਹੱਤਵਪੂਰਨ ਕਾਰਨ ਹੈ।

ਵਿਟਾਮਿਨ-ਡੀ ਦੀ ਘਾਟ ਨਾਲ ਯੂਟਰਸ ਦੀ ਅੰਦਰਲੀ ਪਰਤ ਕਮਜ਼ੋਰ ਹੋ ਸਕਦੀ ਹੈ, ਜਿਸ ਨਾਲ ਐਂਬ੍ਰਿਓ ਦਾ ਇੰਪਲਾਂਟੇਸ਼ਨ ਮੁਸ਼ਕਲ ਹੋ ਜਾਂਦਾ ਹੈ।

ਵਿਟਾਮਿਨ-ਡੀ ਟੈਸਟੋਸਟੇਰੋਨ ਹਾਰਮੋਨ ਦੇ ਸੀਕਰੇਸ਼ਨ 'ਚ ਮਦਦ ਕਰਦਾ ਹੈ। ਇਸ ਦੀ ਘਾਟ ਨਾਲ ਸਪਰਮ ਕਾਉਂਟ ਘੱਟ ਸਕਦਾ ਹੈ ਤੇ ਸਪਰਮ ਦੀ ਮੋਟਿਲਿਟੀ ਪ੍ਰਭਾਵਿਤ ਹੁੰਦੀ ਹੈ।

ਜੇਕਰ ਸਰੀਰ 'ਚ ਵਿਟਾਮਿਨ-ਡੀ ਦੀ ਕਮੀ ਜ਼ਿਆਦਾ ਹੈ ਤਾਂ ਡਾਕਟਰ ਦੀ ਸਲਾਹ ਨਾਲ ਸਪਲੀਮੈਂਟਸ ਲਏ ਜਾ ਸਕਦੇ ਹਨ।