ਕਿਸ ਵਜ੍ਹਾਂ ਕਰਕੇ ਹੁੰਦਾ ਹੈ ਕਮਰ ਦਰਦ ?

ਕਮਰ ਦਾ ਦਰਦ ਅਚਾਨਕ ਨਹੀਂ ਹੁੰਦਾ। ਇਹ ਅਕਸਰ ਸਾਡੀਆਂ ਰੋਜ਼ਾਨਾ ਦੀਆਂ ਛੋਟੀਆਂ-ਛੋਟੀਆਂ ਆਦਤਾਂ ਦਾ ਨਤੀਜਾ ਹੁੰਦਾ ਹੈ।

ਕਈ ਵਾਰ ਕੁਰਸੀ ਤੋਂ ਉੱਠਦੇ ਸਮੇਂ ਤੇ ਕਈ ਵਾਰ ਸਵੇਰੇ ਬਿਸਤਰੇ ਤੋਂ ਉੱਠਦੇ ਹੀ ਕਮਰ ਵਿੱਚ ਹੋਣ ਵਾਲਾ ਦਰਦ ਬਹੁਤ ਸਾਰੇ ਲੋਕਾਂ ਲਈ ਰੋਜ਼ਾਨਾ ਦੀ ਸਮੱਸਿਆ ਬਣ ਚੁੱਕਾ ਹੈ।

ਪਹਿਲਾਂ ਇਸ ਨੂੰ ਸਿਰਫ਼ ਵੱਧਦੀ ਉਮਰ ਨਾਲ ਜੁੜੀ ਸਮੱਸਿਆ ਮੰਨਿਆ ਜਾਂਦਾ ਸੀ, ਪਰ ਹੁਣ ਘੱਟ ਉਮਰ ਦੇ ਲੋਕ ਵੀ ਤੇਜ਼ੀ ਨਾਲ ਇਸ ਦੀ ਚਪੇਟ ਵਿੱਚ ਆ ਰਹੇ ਹਨ।

ਅਜਿਹੇ ਵਿੱਚ ਸਵਾਲ ਉੱਠਦਾ ਹੈ ਕਿ ਆਖ਼ਿਰ ਕਮਰ ਦਰਦ ਕਿਉਂ ਹੁੰਦਾ ਹੈ ਅਤੇ ਇਸ ਨੂੰ ਨਜ਼ਰਅੰਦਾਜ਼ ਕਰਨਾ ਕਿੰਨਾ ਠੀਕ ਹੈ?

ਮਾਸਪੇਸ਼ੀਆਂ ਜਾਂ ਲਿਗਾਮੈਂਟ ਵਿੱਚ ਖਿਚਾਅ ਕਮਰ ਦਰਦ ਦਾ ਸਭ ਤੋਂ ਆਮ ਕਾਰਨ ਮੰਨਿਆ ਜਾਂਦਾ ਹੈ।

ਲੰਬੇ ਸਮੇਂ ਤੱਕ ਬੈਠੇ ਰਹਿਣਾ, ਗਲਤ ਢੰਗ ਨਾਲ ਬੈਠਣਾ (ਗਲਤ ਪੋਸਚਰ), ਭਾਰੀ ਸਮਾਨ ਚੁੱਕਣਾ ਅਤੇ ਘੱਟ ਸਰੀਰਕ ਗਤੀਵਿਧੀ ਕਮਰ 'ਤੇ ਵਾਧੂ ਦਬਾਅ ਪਾਂਦੀ ਹੈ।

ਡੈਸਕ ਜੌਬ ਕਰਨ ਵਾਲੇ, ਵੱਧਦੇ ਵਜ਼ਨ ਵਾਲੇ, ਬਜ਼ੁਰਗ ਅਤੇ ਵਾਰ-ਵਾਰ ਭਾਰੀ ਵਜ਼ਨ ਚੁੱਕਣ ਵਾਲੇ ਲੋਕਾਂ ਵਿੱਚ ਕਮਰ ਦਰਦ ਦਾ ਖਤਰਾ ਜ਼ਿਆਦਾ ਹੁੰਦਾ ਹੈ।

ਜੇਕਰ ਦਰਦ ਕਈ ਹਫ਼ਤਿਆਂ ਤੱਕ ਬਣਿਆ ਰਹੇ, ਪੈਰਾਂ ਵਿੱਚ ਸੁੰਨਪਨ ਜਾਂ ਕਮਜ਼ੋਰੀ ਮਹਿਸੂਸ ਹੋਵੇ ਜਾਂ ਪਿਸ਼ਾਬ 'ਤੇ ਕੰਟਰੋਲ ਕਰਨ ਵਿੱਚ ਦਿੱਕਤ ਆਵੇ, ਤਾਂ ਤੁਰੰਤ ਡਾਕਟਰ ਦੀ ਸਲਾਹ ਲਓ।

ਰੋਜ਼ਾਨਾ ਹਲਕੀ ਕਸਰਤ ਕਰੋ, ਸਹੀ ਢੰਗ ਨਾਲ ਬੈਠੋ ਅਤੇ ਆਪਣਾ ਵਜ਼ਨ ਕੰਟਰੋਲ ਵਿੱਚ ਰੱਖੋ। ਇਸ ਨਾਲ ਕਮਰ ਦਰਦ ਤੋਂ ਬਚਾਅ ਕੀਤਾ ਜਾ ਸਕਦਾ ਹੈ।