ਕਾਲੀ ਗਾਜਰ ਵਿੱਚ ਫਾਈਬਰ, ਪੋਟਾਸ਼ੀਅਮ, ਵਿਟਾਮਿਨ ਏ, ਵਿਟਾਮਿਨ ਸੀ, ਮੈਂਗਨੀਜ਼, ਵਿਟਾਮਿਨ ਬੀ ਵਰਗੇ ਕਈ ਪੌਸ਼ਟਿਕ ਤੱਤ ਹੁੰਦੇ ਹਨ। ਜਿਸ ਨਾਲ ਅਲਜ਼ਾਈਮਰ ਤੋਂ ਲੈ ਕੇ ਮੋਟਾਪਾ, ਪਾਚਨ ਅਤੇ ਸ਼ੂਗਰ ਵਰਗੀਆਂ ਸਮੱਸਿਆਵਾਂ 'ਚ ਰਾਹਤ ਮਿਲ ਸਕਦੀ ਹੈ।

ਆਮ ਤੌਰ 'ਤੇ ਲਾਲ ਅਤੇ ਸੰਤਰੀ ਰੰਗ ਦੀਆਂ ਗਾਜਰਾਂ ਜ਼ਿਆਦਾਤਰ ਬਾਜ਼ਾਰ 'ਚ ਦੇਖਣ ਨੂੰ ਮਿਲਦੀਆਂ ਹਨ। ਸਰਦੀਆਂ ਦੇ ਵਿੱਚ ਗਾਜਰ ਦੇ ਜੂਸ ਨੂੰ ਵੀ ਖੂਬ ਪਸੰਦ ਕੀਤਾ ਜਾਂਦਾ ਹੈ।

ਲਾਲ ਅਤੇ ਸੰਤਰੀ ਗਾਜਰ ਨਾਲੋਂ ਕਾਲੀ ਗਾਜਰ (Black Carrot) ਸਿਹਤ ਲਈ ਜ਼ਿਆਦਾ ਫਾਇਦੇਮੰਦ ਹੁੰਦੀ ਹੈ।

ਕਾਲੀ ਗਾਜਰ ਦਾ ਨਿਯਮਤ ਸੇਵਨ ਭਾਰ ਨੂੰ ਕੰਟਰੋਲ ਕਰਨ ਵਿੱਚ ਮਦਦ ਕਰ ਸਕਦਾ ਹੈ। ਕਾਲੀ ਗਾਜਰ 'ਚ ਐਂਟੀ-ਆਕਸੀਡੈਂਟ ਅਤੇ ਮੋਟਾਪਾ ਰੋਕੂ ਗੁਣ ਮੌਜੂਦ ਹੁੰਦੇ ਹਨ

ਜੋ ਭਾਰ ਵਧਣ ਤੋਂ ਰੋਕਣ ਦੇ ਨਾਲ-ਨਾਲ ਚਰਬੀ ਨੂੰ ਕੰਟਰੋਲ ਕਰਕੇ ਮੈਟਾਬੋਲਿਜ਼ਮ ਨੂੰ ਵੀ ਸੁਧਾਰਦੇ ਹਨ।

ਇਸ ਤੋਂ ਇਲਾਵਾ ਕਾਲੀ ਗਾਜਰ 'ਚ ਮੌਜੂਦ ਫਾਈਬਰ ਦੀ ਮਾਤਰਾ ਵੀ ਸਰੀਰ 'ਚ ਚਰਬੀ ਨੂੰ ਵਧਣ ਤੋਂ ਰੋਕਦੀ ਹੈ। ਜਿਸ ਨਾਲ ਭਾਰ ਘੱਟ ਕਰਨ 'ਚ ਵੀ ਮਦਦ ਮਿਲ ਸਕਦੀ ਹੈ।

ਕਾਲੀ ਗਾਜਰ 'ਚ ਐਂਟੀ-ਡਾਇਬੀਟਿਕ ਫਿਨੋਲਿਕ ਕੰਪਾਊਂਡਸ ਮੌਜੂਦ ਹੁੰਦੇ ਹਨ, ਜੋ ਬਲੱਡ ਸ਼ੂਗਰ ਨੂੰ ਕੰਟਰੋਲ ਕਰਨ ਦੀ ਤਾਕਤ ਰੱਖਦੇ ਹਨ। ਕਾਲੀ ਗਾਜਰ ਦਾ ਨਿਯਮਤ ਸੇਵਨ ਸ਼ੂਗਰ ਨੂੰ ਕੰਟਰੋਲ ਕਰਨ ਵਿੱਚ ਮਦਦ ਕਰ ਸਕਦਾ ਹੈ।

ਕਾਲੀ ਗਾਜਰ ਦਿਲ ਦੀ ਸਿਹਤ ਲਈ ਬਹੁਤ ਫਾਇਦੇਮੰਦ ਹੁੰਦੀ ਹੈ। ਦਿਲ ਦੇ ਰੋਗੀਆਂ ਨੂੰ ਠੰਡੇ ਮੌਸਮ ਵਿਚ ਕਾਲੀ ਗਾਜਰ ਦਾ ਸੇਵਨ ਕਰਨ ਦੀ ਸਲਾਹ ਦਿੱਤੀ ਜਾਂਦੀ ਹੈ।

ਕਾਲੀ ਗਾਜਰ ਦਾ ਸੇਵਨ ਸਰੀਰ ਦੀ ਰੋਗ ਪ੍ਰਤੀਰੋਧਕ ਸਮਰੱਥਾ ਨੂੰ ਵਧਾਉਣ ਵਿੱਚ ਮਦਦ ਕਰ ਸਕਦਾ ਹੈ।

ਇਸ ਵਿਚ ਮੌਜੂਦ ਸ਼ਕਤੀਸ਼ਾਲੀ ਗੁਣ ਵਿਅਕਤੀ ਨੂੰ ਬੈਕਟੀਰੀਆ ਅਤੇ ਵਾਇਰਲ ਇਨਫੈਕਸ਼ਨ ਦੋਵਾਂ 'ਤੇ ਹਮਲਾ ਕਰਕੇ ਜ਼ੁਕਾਮ ਅਤੇ ਫਲੂ ਦੇ ਖਤਰੇ ਤੋਂ ਬਚਾਉਂਦੇ ਹਨ।