ਜੇਕਰ ਤੁਸੀਂ ਦਫਤਰ 'ਚ ਘੰਟਿਆਂਬੱਧੀ ਬੈਠੇ ਰਹਿੰਦੇ ਹੋ ਅਤੇ ਕੰਮ ਦੇ ਬੋਝ ਕਾਰਨ ਨਿੱਜੀ ਜ਼ਿੰਦਗੀ ਲਈ ਸਮਾਂ ਨਹੀਂ ਕੱਢ ਪਾਉਂਦੇ ਤਾਂ ਕੁਝ ਸਮੇਂ ਬਾਅਦ ਜ਼ਿੰਦਗੀ ਬੋਰਿੰਗ ਅਤੇ ਤਣਾਅ ਨਾਲ ਭਰੀ ਹੋ ਜਾਂਦੀ ਹੈ। ਅਜਿਹੇ 'ਚ ਰੋਜ਼ ਦਫਤਰ ਜਾਣਾ ਵੀ ਬੋਝ ਮਹਿਸੂਸ ਹੋਣ ਲੱਗਦਾ ਹੈ। ਪਰ ਅਜਿਹੀ ਕੰਪਨੀ ਹੈ ਜੋ ਕਿ ਆਪਣੇ ਕਰਮਚਾਰੀਆਂ ਦਾ ਪੂਰਾ ਖਿਆਲ ਰੱਖਦੀ ਹੈ, ਜਿਸ ਕਰਕੇ ਉਨ੍ਹਾਂ ਨੂੰ ਡੇਟਿੰਗ ਦੇ ਲਈ ਛੁੱਟੀ ਵੀ ਦਿੰਦੀ ਹੈ। ਸ਼ਾਇਦ ਤੁਹਾਨੂੰ ਇਸ ਗੱਲ 'ਤੇ ਵਿਸ਼ਵਾਸ ਹੀ ਨਹੀਂ ਹੋਏਗਾ... ਇਹ ਇਹ ਸੱਚ ਹੈ, ਆਓ ਜਾਣਦੇ ਹਾਂ ਇਸ ਕੰਪਨੀ ਬਾਰੇ। ਥਾਈਲੈਂਡ ਦੀ ਮਾਰਕੀਟਿੰਗ ਏਜੰਸੀ ਵਾਈਟਲਾਈਨ ਗਰੁੱਪ ਆਪਣੇ ਕਰਮਚਾਰੀਆਂ ਨੂੰ ਡੇਟਿੰਗ ਲੀਵ ਦੇ ਰਹੀ ਹੈ। ਡੇਟਿੰਗ ਕਲਚਰ ਨੂੰ ਉਤਸ਼ਾਹਿਤ ਕਰਨ ਦੇ ਨਾਲ, ਕੰਪਨੀ ਨੇ ਟਿੰਡਰ ਲੀਵ ਵੀ ਸ਼ੁਰੂ ਕੀਤੀ ਹੈ। ਥਾਈਲੈਂਡ ਦੀ ਇੱਕ ਕੰਪਨੀ ਵੱਲੋਂ ਇੱਕ ਅਨੋਖੀ ਪਹਿਲ ਕੀਤੀ ਗਈ ਹੈ, ਟਿੰਡਰ ਲੀਵ ਦੇ ਤਹਿਤ ਕਰਮਚਾਰੀਆਂ ਨੂੰ ਡੇਟਿੰਗ ਲੀਵ ਦਿੱਤੀ ਜਾਂਦੀ ਹੈ, ਜਿਸਦਾ ਇੱਕੋ ਇੱਕ ਮਕਸਦ ਕਰਮਚਾਰੀਆਂ ਦੀ ਤੰਦਰੁਸਤੀ ਅਤੇ ਖੁਸ਼ਹਾਲੀ ਨੂੰ ਵਧਾਉਣਾ ਹੈ। ਕੰਪਨੀ ਦੁਆਰਾ ਨਾ ਸਿਰਫ ਟਿੰਡਰ ਛੁੱਟੀ ਬਲਕਿ ਟਿੰਡਰ ਸਬਸਕ੍ਰਿਪਸ਼ਨ ਵੀ ਬਿਲਕੁਲ ਮੁਫਤ ਦਿੱਤੀ ਜਾ ਰਹੀ ਹੈ। ਕੰਪਨੀ ਪ੍ਰਬੰਧਕਾਂ ਦਾ ਮੰਨਣਾ ਹੈ ਕਿ ਪਿਆਰ ਵਿੱਚ ਇੱਕ ਕਰਮਚਾਰੀ ਖੁਸ਼ੀ ਨਾਲ ਕੰਮ ਕਰ ਸਕਦਾ ਹੈ। ਜਦੋਂ ਉਹ ਡੇਟਿੰਗ ਤੋਂ ਬਾਅਦ ਕੰਮ ਵਾਲੀ ਥਾਂ 'ਤੇ ਆਉਂਦੇ ਹਨ ਤਾਂ ਉਨ੍ਹਾਂ ਦੀ ਕੰਮ ਕਰਨ ਦੀ ਊਰਜਾ ਵਧਦੀ ਹੈ ਅਤੇ ਮਾਹੌਲ ਵੀ ਖੁਸ਼ਗਵਾਰ ਰਹਿੰਦਾ ਹੈ।