ਦਿਨ ਦੇ ਸਮੇਂ ਭਿਆਨਕ ਧੁੱਪ ਪੈ ਰਹੀ ਹੈ। ਅਜਿਹੇ 'ਚ ਵਿਦਿਆਰਥੀਆਂ ਨੂੰ ਕਾਫ਼ੀ ਪਰੇਸ਼ਾਨੀ ਝੱਲਣੀ ਪੈ ਰਹੀ ਹੈ, ਕਿਉਂਕਿ ਜਿਸ ਸਮੇਂ ਸਕੂਲਾਂ ਦੀ ਛੁੱਟੀ ਹੁੰਦੀ ਹੈ, ਉਸ ਸਮੇਂ ਧੁੱਪ ਜ਼ਿਆਦਾ ਹੁੰਦੀ ਹੈ।

ਇਸ ਨਾਲ ਲੂ ਲੱਗਣ ਦਾ ਵੀ ਖ਼ਤਰਾ ਰਹਿੰਦਾ ਹੈ। ਇਸ ਲਈ ਤੁਸੀਂ ਵੀ ਆਪਣੇ ਬੱਚਿਆਂ ਦਾ ਖਾਸ ਖਿਆਲ ਰੱਖੋ।

ਬੱਚਿਆਂ ਨੂੰ ਬਾਰ-ਬਾਰ ਪਾਣੀ ਪਿਆਓ।

ਨਿੰਬੂ ਪਾਣੀ, ਲੱਸੀ, ਜਾਂ ਨਾਰੀਅਲ ਪਾਣੀ ਵਰਗੇ ਪੀਣ ਵਾਲੇ ਪਦਾਰਥ ਦਿਓ। ਬਹੁਤ ਜ਼ਿਆਦਾ ਮਿੱਠੇ ਪੀਣ ਵਾਲੇ ਡਰਿੰਕਸ ਜਾਂ ਸੋਡੇ ਵਰਗੇ ਡ੍ਰਿੰਕਸ ਪੀਣ ਤੋਂ ਗੁਰੇਜ਼ ਕਰੋ।

ਬੱਚਿਆਂ ਨੂੰ ਸੂਤੀ ਅਤੇ ਹਲਕੇ ਰੰਗ ਦੇ ਕੱਪੜੇ ਪਹਿਨਾਓ, ਜੋ ਪਸੀਨਾ ਸੋਖਣ ਅਤੇ ਸਰੀਰ ਨੂੰ ਠੰਡਾ ਰੱਖਣ।

ਸਿਰ ਨੂੰ ਢੱਕਣ ਲਈ ਟੋਪੀ ਜਾਂ ਸਕਾਰਫ਼ ਦੀ ਵਰਤੋਂ ਕਰੋ।

ਦੁਪਹਿਰ (ਸਵੇਰੇ 10 ਤੋਂ ਸ਼ਾਮ 4 ਵਜੇ) ਦੀ ਤੇਜ਼ ਧੁੱਪ ਵਿੱਚ ਬਾਹਰ ਜਾਣ ਤੋਂ ਬਚੋ।

ਸਨਸਕ੍ਰੀਨ (SPF 30 ਜਾਂ ਇਸ ਤੋਂ ਵੱਧ) ਦੀ ਵਰਤੋਂ ਕਰੋ ਅਤੇ ਸਨਗਲਾਸ ਪਹਿਨਾਓ।

ਸਵੇਰੇ ਜਾਂ ਸ਼ਾਮ ਨੂੰ ਖੇਡਣ ਦਾ ਸਮਾਂ ਚੁਣੋ ਜਦੋਂ ਗਰਮੀ ਘੱਟ ਹੋਵੇ। ਬੱਚਿਆਂ ਨੂੰ ਜ਼ਿਆਦਾ ਦੇਰ ਤੱਕ ਧੁੱਪ ਵਿੱਚ ਨਾ ਖੇਡਣ ਦਿਓ।

ਹਲਕਾ ਅਤੇ ਸਿਹਤਮੰਦ ਭੋਜਨ ਤੇ ਫਲ ਦਿਓ, ਜਿਵੇਂ ਤਰ, ਖੀਰਾ, ਅੰਬ, ਸਲਾਦ, ਅਤੇ ਦਹੀਂ ਦਾ ਸੇਵਨ ਕਰੋ।

ਭਾਰੀ ਅਤੇ ਤੇਲ ਵਾਲੇ ਭੋਜਨ ਤੋਂ ਬਚੋ, ਕਿਉਂਕਿ ਇਹ ਪਾਚਨ ਨੂੰ ਮੁਸ਼ਕਲ ਕਰ ਸਕਦੇ ਹਨ।