ਮਾਂ ਬਣਨਾ ਆਸਾਨ ਨਹੀਂ ਹੈ ਅਤੇ ਬੱਚੇ ਨੂੰ ਜਨਮ ਦੇਣ ਦੀ ਪ੍ਰਕਿਰਿਆ ਵੀ ਆਸਾਨ ਨਹੀਂ ਹੈ।
ਬੱਚੇ ਦੇ ਗਰਭ ਵਿੱਚ ਆਉਣ ਤੋਂ ਲੈ ਕੇ ਉਸ ਦੇ ਜਨਮ ਤਕ ਔਰਤ ਦੇ ਸਰੀਰ ਵਿੱਚ ਲਗਾਤਾਰ ਕਈ ਬਦਲਾਅ ਹੁੰਦੇ ਰਹਿੰਦੇ ਹਨ।
ਸ਼ਾਇਦ ਇਸੇ ਲਈ ਰਿਸ਼ਤਿਆਂ ਵਿੱਚ ਸਭ ਤੋਂ ਉੱਚਾ ਦਰਜਾ ਮਾਂ ਨੂੰ ਦਿੱਤਾ ਗਿਆ ਹੈ।
ਅਜਿਹੀਆਂ ਕਈ ਸਮੱਸਿਆਵਾਂ ਹਨ ਜੋ ਸਰੀਰ ਅਤੇ ਦਿਮਾਗ ਨੂੰ ਪਰੇਸ਼ਾਨ ਕਰ ਰਹੀਆਂ ਹਨ।
ਅਜਿਹੀ ਹੀ ਇੱਕ ਸਮੱਸਿਆ ਉਲਟੀ ਹੈ। ਜੋ ਗਰਭ ਅਵਸਥਾ ਦੇ ਪਹਿਲੇ 3 ਤੋਂ 4 ਮਹੀਨਿਆਂ 'ਚ ਹੁੰਦੀ ਹੈ।
ਔਰਤਾਂ ਨੂੰ ਉਲਟੀ ਆਉਣਾ, ਜੀਅ ਕੱਚਾ ਹੋਣਾ, ਚਿੜਚਿੜਾਪਨ ਵਰਗੀਆਂ ਸਮੱਸਿਆਵਾਂ ਹੁੰਦੀਆਂ ਹਨ। ਇਸ ਨੂੰ ਮੌਰਨਿੰਗ ਸਿਕਨੈਸ ਕਹਿੰਦੇ ਹਨ।
ਪੁਦੀਨੇ ਦੇ ਪੱਤੇ ਅਤੇ ਇਸ ਦਾ ਤੇਲ ਦੋਵੇਂ ਹੀ ਤੁਹਾਡੀ ਮੌਰਨਿੰਗ ਸਿਕਨੈਸ ਦੀ ਸਮੱਸਿਆ ਨੂੰ ਹੱਲ ਕਰ ਸਕਦੇ ਹਨ।
ਤੁਸੀਂ ਸਵੇਰੇ ਕੋਸੇ ਪਾਣੀ ਵਿਚ ਅੱਧਾ ਨਿੰਬੂ, ਦੋ ਚੁਟਕੀ ਕਾਲਾ ਨਮਕ ਅਤੇ ਥੋੜ੍ਹੀ ਜਿਹੀ ਚੀਨੀ ਮਿਲਾ ਕੇ ਪੀ ਸਕਦੇ ਹੋ।
ਸੌਂਫ, ਹਰੀ ਇਲਾਇਚੀ, ਦਾਲਚੀਨੀ, ਜੀਰਾ ਪਾਊਡਰ ਦੇ ਸੇਵਨ ਨਾਲ ਮਨ ਨੂੰ ਕਾਫੀ ਸ਼ਾਂਤੀ ਮਿਲਦੀ ਹੈ।
ਜੀਰੇ ਦੇ ਪਾਊਡਰ ਨੂੰ ਸੌਂਫ ਦੇ ਪਾਊਡਰ ਅਤੇ ਬੂਰੇ ਦੇ ਨਾਲ ਮਿਲਾ ਕੇ ਖਾਣ ਨਾਲ ਵੀ ਮੌਰਨਿੰਗ ਸਿਕਨੈਸ ਤੋਂ ਰਾਹਤ ਮਿਲਦੀ ਹੈ।
ਇਸਤੋਂ ਇਲਾਵਾ ਤੁਸੀਂ ਘਰ 'ਚ ਲੈਮਨ ਗ੍ਰਾਸ ਦਾ ਤੇਲ ਰੱਖ ਸਕਦੇ ਹੋ। ਇਸ ਦੀ ਮਹਿਕ ਮਨ ਨੂੰ ਸਕੂਨ ਦਿੰਦੀ ਹੈ।