Amar Singh Chamkila: ਪੰਜਾਬੀ ਸੰਗੀਤ ਜਗਤ ਵਿੱਚ ਅਮਰ ਸਿੰਘ ਚਮਕੀਲਾ ਉਹ ਨਾਮ ਹੈ, ਜੋ ਕਿਸੇ ਜਾਣ ਪਛਾਣ ਦਾ ਮੋਹਤਾਜ ਨਹੀਂ ਹੈ।

ਉਨ੍ਹਾਂ ਆਪਣੇ ਗੀਤਾਂ ਰਾਹੀਂ ਪ੍ਰਸ਼ੰਸਕਾਂ ਦੇ ਦਿਲਾਂ ਵਿੱਚ ਵੱਖਰੀ ਥਾਂ ਬਣਾਈ। ਹਾਲਾਂਕਿ ਜਿੱਥੇ ਕਲਾਕਾਰ ਦੇ ਗੀਤਾਂ ਨੂੰ ਦੁਨੀਆ ਭਰ ਵਿੱਚ ਬੈਠੇ ਪ੍ਰਸ਼ੰਸਕਾਂ ਨੇ ਬੇਹੱਦ ਪਸੰਦ ਕੀਤਾ, ਉੱਥੇ ਹੀ ਕਲਾਕਾਰ ਦੇ ਕਈ ਦੁਸ਼ਮਣ ਵੀ ਪੈਦਾ ਕੀਤੇ।

ਕਿਹਾ ਜਾ ਸਕਦਾ ਹੈ ਕਿ ਕਲਾਕਾਰ ਦੀ ਰਾਤੋਂ-ਰਾਤ ਵੱਧ ਰਹੀ ਪ੍ਰਸਿੱਧੀ ਨੇ ਹੀ ਉਨ੍ਹਾਂ ਦੀ ਜਾਨ ਲੈ ਲਈ। ਅੱਜ ਅਸੀ ਤੁਹਾਨੂੰ ਕਲਾਕਾਰ ਦੇ ਸੁਪਰਹਿੱਟ ਹੋਣ ਦੇ ਨਾਲ-ਨਾਲ ਮੌਤ ਦਾ ਕਾਰਨ ਬਣੇ ਗੀਤਾਂ ਬਾਰੇ ਦੱਸਣ ਜਾ ਰਹੇ ਹਾਂ।

ਖਬਰਾਂ ਮੁਤਾਬਕ ਜਦੋਂ ਅਮਰ ਸਿੰਘ ਚਮਕੀਲਾ ਕੱਟੜਪੰਥੀਆਂ ਤੋਂ ਮੁਆਫੀ ਮੰਗਣ ਲਈ ਅੰਮ੍ਰਿਤਸਰ ਪੁੱਜੇ ਸਨ ਤਾਂ ਭਾਈਚਾਰੇ ਨੇ ਉਨ੍ਹਾਂ ਦੇ ਗੀਤ ਦਾ ਜ਼ਿਕਰ ਕਰਦਿਆਂ ਉਨ੍ਹਾਂ ਨੂੰ ਅਜਿਹੇ ਗੀਤ ਲਿਖਣ ਅਤੇ ਗਾਉਣ ਤੋਂ ਮਨ੍ਹਾ ਕੀਤਾ ਸੀ।

ਅਮਰ ਸਿੰਘ ਚਮਕੀਲਾ ਨੇ ਇਹ ਗੀਤ ਉਸ ਸਮੇਂ ਲਿਖਿਆ ਸੀ ਜਦੋਂ ਪੰਜਾਬ ਵਿੱਚ ਕਈ ਕੱਟੜਪੰਥੀ ਫਿਰਕੇ ਧਰਮ ਦੇ ਨਾਂ ‘ਤੇ ਨਸ਼ਿਆਂ, ਵਿਆਹ ਤੋਂ ਬਾਹਰਲੇ ਸਬੰਧਾਂ ਅਤੇ ਇੱਕ ਸਾਫ਼-ਸੁਥਰੇ ਸਮਾਜ ਦੀ ਸਿਰਜਣਾ ਦਾ ਪ੍ਰਚਾਰ ਕਰ ਰਹੇ ਸਨ।

ਅਮਰ ਸਿੰਘ ਚਮਕੀਲਾ ਦਾ ਇਹ ਬਹੁਤ ਮਸ਼ਹੂਰ ਗੀਤ ਹੈ, ਜਿਸ ਵਿੱਚ ਪ੍ਰੇਮੀ ਆਪਣੀ ਪ੍ਰੇਮਿਕਾ ਨੂੰ ਸ਼ਰਾਬ ਅਤੇ ਨਸ਼ੇ ਕਰਨ ਦਾ ਦੋਸ਼ ਦਿੰਦਾ ਹੈ। ਦਿਲਚਸਪ ਗੱਲ ਇਹ ਹੈ ਕਿ ਉਹ ਸਮਾਜ ਦੀਆਂ ਅਸੰਗਤੀਆਂ ਨੂੰ ਪਿਆਰ ਰਾਹੀਂ ਬਿਆਨ ਕਰਦਾ ਸੀ।

‘ਬਾਪੂ ਸਾਡਾ ਗੁੰਮ ਹੋ ਗਿਆ’, ‘ਮਾਰ ਲੋ ਹੋਰ ਤਿੰਨ ਵੇ ਇਕ ਵਾਰੀ ਜੀਜਾ’ ਅਤੇ ‘ਆਟੇ ਵਾਂਗੂ ਗੁੰਟੀ’ ਵੀ ਚਮਕੀਲਾ ਦੇ ਪ੍ਰਸਿੱਧ ਗੀਤ ਹਨ, ਜੋ ਆਪਣੇ ਦੋਹਰੇ ਅਤੇ ਅਸ਼ਲੀਲ ਅਰਥਾਂ ਕਾਰਨ ਵਿਵਾਦਾਂ ਵਿਚ ਰਹੇ।

ਜਾਣਕਾਰੀ ਮੁਤਾਬਕ ਚਮਕੀਲਾ ਦੇ ਕਤਲ ਤੋਂ ਬਾਅਦ ਤਕਰੀਬਨ ਇੱਕ ਦਹਾਕੇ ਤੱਕ ਕਿਸੇ ਪੰਜਾਬੀ ਗਾਇਕ ਨੇ ਅਸ਼ਲੀਲ ਜਾਂ ਦੋਹਰੇ ਅਰਥਾਂ ਵਾਲੇ ਗੀਤ ਨਹੀਂ ਗਾਏ।