ਹਿੰਦੀ ਸਿਨੇਮਾ ਦੇ ਕਈ ਅਜਿਹੇ ਕਲਾਕਾਰ ਹਨ, ਜਿਨ੍ਹਾਂ ਦੀ ਜੋੜੀ ਨੂੰ ਪ੍ਰਸ਼ੰਸਕ ਹਮੇਸ਼ਾ ਵੱਡੇ ਪਰਦੇ 'ਤੇ ਦੇਖਣਾ ਪਸੰਦ ਕਰਦੇ ਹਨ।

ਦੋ ਅਜਿਹੇ ਫਿਲਮੀ ਕਲਾਕਾਰ ਹਨ ਸੰਜੇ ਦੱਤ ਅਤੇ ਅਰਸ਼ਦ ਵਾਰਸੀ, ਜਿਨ੍ਹਾਂ ਦੇ ਪ੍ਰਸ਼ੰਸਕ ਇਨ੍ਹਾਂ ਦੀ ਜੋੜੀ ਨੂੰ ਕਿਸੇ ਫਿਲਮ 'ਚ ਇਕੱਠੇ ਦੇਖਣ ਲਈ ਬੇਤਾਬ ਹਨ।

ਸੰਜੂ ਅਤੇ ਅਰਸ਼ਦ ਦੀ ਜੋੜੀ ਨੇ 'ਮੁੰਨਾ ਭਾਈ ਐਮਬੀਬੀਐਸ' ਅਤੇ 'ਲਗੇ ਰਹੇ ਮੁੰਨਾ ਭਾਈ' ਵਰਗੀਆਂ ਫਿਲਮਾਂ ਵਿੱਚ ਸਭ ਦਾ ਦਿਲ ਜਿੱਤ ਲਿਆ ਸੀ।

ਅਜਿਹੇ 'ਚ ਸੰਜੇ ਦੱਤ ਅਤੇ ਅਰਸ਼ਦ ਵਾਰਸੀ ਦੀ ਜੋੜੀ ਫਿਰ ਤੋਂ ਵਾਪਸ ਆ ਰਹੀ ਹੈ, ਜਿਸ ਦਾ ਐਲਾਨ ਸੰਜੇ ਦੱਤ ਨੇ ਗਣਤੰਤਰ ਦਿਵਸ 'ਤੇ ਕੀਤਾ ਹੈ।

ਵੀਰਵਾਰ, 26 ਜਨਵਰੀ ਨੂੰ ਬਾਲੀਵੁੱਡ ਦੇ ਮਸ਼ਹੂਰ ਅਭਿਨੇਤਾ ਸੰਜੇ ਦੱਤ ਨੇ ਆਪਣੇ ਅਧਿਕਾਰਤ ਇੰਸਟਾਗ੍ਰਾਮ ਹੈਂਡਲ 'ਤੇ ਆਪਣੀ ਆਉਣ ਵਾਲੀ ਫਿਲਮ ਦਾ ਐਲਾਨ ਕੀਤਾ ਹੈ।

ਇਸ ਫਿਲਮ 'ਚ ਸੰਜੇ ਦੱਤ ਦੇ ਨਾਲ ਅਭਿਨੇਤਾ ਅਰਸ਼ਦ ਵਾਰਸੀ ਵੀ ਨਜ਼ਰ ਆਉਣਗੇ।

ਜਿਸਦਾ ਅੰਦਾਜ਼ਾ ਤੁਸੀਂ ਸੰਜੂ ਬਾਬਾ ਦੁਆਰਾ ਸ਼ੇਅਰ ਕੀਤੀ ਇਸ ਆਉਣ ਵਾਲੀ ਫਿਲਮ ਦੇ ਫਰਸਟ ਲੁੱਕ ਪੋਸਟਰ ਤੋਂ ਲਗਾ ਸਕਦੇ ਹੋ।

ਜਿਸ 'ਚ ਸੰਜੇ ਦੱਤ ਅਤੇ ਅਰਸ਼ਦ ਵਾਰਸੀ ਜੇਲ 'ਚ ਕੈਦੀ ਦੇ ਪਹਿਰਾਵੇ 'ਚ ਜੇਲ੍ਹ ਦੀਆਂ ਸਲਾਖਾਂ ਪਿੱਛੇ ਨਜ਼ਰ ਆ ਰਹੇ ਹਨ।

ਹਾਲਾਂਕਿ ਸੰਜੇ ਦੱਤ ਨੇ ਇਸ ਪੋਸਟ ਦੇ ਨਾਲ ਫਿਲਮ ਦੇ ਟਾਈਟਲ ਦਾ ਐਲਾਨ ਨਹੀਂ ਕੀਤਾ ਹੈ।

ਅਜਿਹੇ 'ਚ ਇਕ ਵਾਰ ਫਿਰ ਪ੍ਰਸ਼ੰਸਕਾਂ ਨੂੰ ਮੁੰਨਾ ਭਾਈ ਅਤੇ ਸਰਕਟ ਦੀ ਜੋੜੀ ਦਾ ਜਲਵਾ ਦੇਖਣ ਨੂੰ ਮਿਲੇਗਾ, ਪਰ ਸ਼ਾਇਦ ਕਿਸੇ ਹੋਰ ਫਿਲਮ 'ਚ।