ਅਜੋਕੇ ਸਮੇਂ ਵਿੱਚ ਨਾ ਸਿਰਫ਼ ਬੱਚਿਆਂ ਵਿੱਚ ਸਗੋਂ ਨਵੀਂ ਪੀੜ੍ਹੀ ਵਿੱਚ ਵੀ ਜ਼ਿਆਦਾ ਸੌਣਾ ਇੱਕ ਵੱਡੀ ਸਮੱਸਿਆ ਬਣ ਗਈ ਹੈ।

ਨੀਂਦ ਦੀਆਂ ਲੋੜਾਂ ਹਰ ਵਿਅਕਤੀ ਲਈ ਵੱਖਰੀਆਂ ਹੋ ਸਕਦੀਆਂ ਹਨ, ਪਰ ਆਮ ਤੌਰ 'ਤੇ ਸਿਹਤ ਮਾਹਿਰਾਂ ਦੀ ਸਲਾਹ ਹੈ ਕਿ ਸਿਹਤਮੰਦ ਬਾਲਗ ਪ੍ਰਤੀ ਰਾਤ ਔਸਤਨ 7 ਤੋਂ 9 ਘੰਟੇ ਨੀਂਦ ਲੈਣ।

ਜੇਕਰ ਤੁਹਾਨੂੰ ਆਰਾਮ ਮਹਿਸੂਸ ਕਰਨ ਲਈ ਹਰ ਰਾਤ 8 ਜਾਂ 9 ਘੰਟੇ ਤੋਂ ਵੱਧ ਦੀ ਨੀਂਦ ਦੀ ਲੋੜ ਹੁੰਦੀ ਹੈ, ਤਾਂ ਇਹ ਇੱਕ ਅੰਤਰੀਵ ਸਮੱਸਿਆ ਦਾ ਸੰਕੇਤ ਹੋ ਸਕਦਾ ਹੈ ਪਰ 9 ਘੰਟੇ ਤੋਂ ਵੱਧ ਨੀਂਦ ਬਹੁਤ ਖਤਰਨਾਕ ਹੈ ਤੇ ਮੌਤ ਵੀ ਹੋ ਸਕਦੀ ਹੈ।

ਰਿਪੋਰਟਾਂ ਅਨੁਸਾਰ, ਰਾਤ​ਨੂੰ 9 ਘੰਟੇ ਤੋਂ ਵੱਧ ਸੌਣ ਵਾਲੇ ਲੋਕਾਂ ਦੀ ਮੌਤ ਦਰ ਰਾਤ ਨੂੰ ਸੱਤ ਤੋਂ ਅੱਠ ਘੰਟੇ ਸੌਣ ਵਾਲੇ ਲੋਕਾਂ ਨਾਲੋਂ ਕਾਫ਼ੀ ਜ਼ਿਆਦਾ ਹੈ।

ਜ਼ਿਆਦਾ ਨੀਂਦ ਲੈਣ ਨਾਲ ਕਈ ਤਰ੍ਹਾਂ ਦੀਆਂ ਸਿਹਤ ਸਮੱਸਿਆਵਾਂ ਪੈਦਾ ਹੁੰਦੀਆਂ ਹਨ ਜੋ ਸਿੱਧੇ ਤੌਰ 'ਤੇ ਤੁਹਾਡੇ ਸਰੀਰ ਨੂੰ ਪ੍ਰਭਾਵਿਤ ਕਰਦੀਆਂ ਹਨ ਤੇ ਮੌਤ ਦੀਆਂ ਸੰਭਾਵਨਾਵਾਂ ਨੂੰ ਵਧਾਉਂਦੀਆਂ ਹਨ।

ਜ਼ਿਆਦਾ ਨੀਂਦ ਲੈਣ ਦੇ ਸਭ ਤੋਂ ਆਮ ਪ੍ਰਭਾਵਾਂ ਵਿੱਚੋਂ ਇੱਕ ਭਾਰ ਵਧਣਾ ਹੈ।

ਇੱਕ ਤਾਜ਼ਾ ਅਧਿਐਨ ਨੇ ਦਿਖਾਇਆ ਹੈ ਕਿ ਜੋ ਲੋਕ ਹਰ ਰਾਤ ਨੌਂ ਜਾਂ 10 ਘੰਟੇ ਸੌਂਦੇ ਸਨ, ਉਨ੍ਹਾਂ ਵਿੱਚ ਸੱਤ ਤੋਂ ਅੱਠ ਘੰਟੇ ਦੇ ਵਿਚਕਾਰ ਸੌਣ ਵਾਲੇ ਲੋਕਾਂ ਨਾਲੋਂ ਛੇ ਸਾਲਾਂ ਦੀ ਮਿਆਦ ਵਿੱਚ ਮੋਟੇ ਹੋਣ ਦੀ ਸੰਭਾਵਨਾ 21% ਵੱਧ ਸੀ।

ਜ਼ਿਆਦਾ ਸੌਣ ਨਾਲ ਸਰੀਰ 'ਚ ਦਰਦ ਨਾਲ ਜੁੜੀਆਂ ਕਈ ਸਮੱਸਿਆਵਾਂ ਹੋ ਜਾਂਦੀਆਂ ਹਨ। ਕੋਈ ਸਮਾਂ ਸੀ ਜਦੋਂ ਡਾਕਟਰ ਪਿੱਠ ਦੇ ਦਰਦ ਤੋਂ ਪੀੜਤ ਲੋਕਾਂ ਨੂੰ ਬਿਸਤ 'ਤੇ ਸਿੱਧੇ ਸੌਣ ਲਈ ਕਹਿੰਦੇ ਸਨ ਪਰ ਉਹ ਦਿਨ ਲੰਘ ਗਏ ਹਨ।

ਇਹ ਸੁਣ ਕੇ ਤੁਸੀਂ ਹੈਰਾਨ ਹੋ ਸਕਦੇ ਹੋ, ਪਰ ਘੱਟ ਨੀਂਦ ਹੀ ਨਹੀਂ ਸਗੋਂ ਜ਼ਿਆਦਾ ਨੀਂਦ ਲੈਣਾ ਵੀ ਡਿਪਰੈਸ਼ਨ ਦਾ ਸੰਭਾਵੀ ਲੱਛਣ ਮੰਨਿਆ ਜਾਂਦਾ ਹੈ।

ਜਦੋਂਕਿ ਡਿਪਰੈਸ਼ਨ ਵਾਲੇ ਬਹੁਤ ਸਾਰੇ ਲੋਕ ਅਨੀਂਦਰਾ ਦੀ ਰਿਪੋਰਟ ਕਰਦੇ ਹਨ ਪਰ ਲਗਭਗ 15% ਜ਼ਿਆਦਾ ਨੀਂਦ ਦੀ ਰਿਪੋਰਟ ਕਰਦੇ ਹਨ।