ਭਾਰਤੀ ਬੱਲੇਬਾਜ਼ ਵਿਰਾਟ ਕੋਹਲੀ ਨੇ IPL 2024 ਰਾਹੀਂ ਦੋ ਮਹੀਨਿਆਂ ਦੇ ਬ੍ਰੇਕ ਤੋਂ ਬਾਅਦ ਪੇਸ਼ੇਵਰ ਕ੍ਰਿਕਟ ਵਿੱਚ ਵਾਪਸੀ ਕੀਤੀ ਹੈ।

ਦੂਜੇ ਬੱਚੇ ਦੇ ਜਨਮ ਸਮੇਂ ਵਿਰਾਟ ਕੋਹਲੀ ਆਪਣੀ ਪਤਨੀ ਨਾਲ ਸਨ। ਅਨੁਸ਼ਕਾ ਸ਼ਰਮਾ ਨੇ ਲੰਡਨ ਵਿੱਚ ਆਪਣੇ ਦੂਜੇ ਬੱਚੇ ਨੂੰ ਜਨਮ ਦਿੱਤਾ ਹੈ।

ਵਿਰਾਟ ਕੋਹਲੀ ਨੇ ਦੱਸਿਆ ਸੀ ਕਿ ਇਸ ਵਾਰ ਉਹ ਬੇਟੇ ਦੇ ਪਿਤਾ ਬਣ ਗਏ ਹਨ। ਉਨ੍ਹਾਂ ਨੇ ਆਪਣੇ ਬੇਟੇ ਦਾ ਨਾਂ ਅਕਾਯ ਰੱਖਿਆ।

ਵਿਰਾਟ ਨੇ ਇਹ ਵੀ ਦੱਸਿਆ ਕਿ ਜਦੋਂ ਉਹ ਦੋ ਮਹੀਨੇ ਕ੍ਰਿਕਟ ਤੋਂ ਦੂਰ ਸਨ ਅਤੇ ਆਪਣੇ ਪਰਿਵਾਰ ਨਾਲ ਸਨ ਤਾਂ ਉਨ੍ਹਾਂ ਨੂੰ ਬਹੁਤ ਚੰਗਾ ਲੱਗਾ।

ਉਸਦੇ ਬ੍ਰੇਕ ਦੀ ਸਭ ਤੋਂ ਚੰਗੀ ਗੱਲ ਇਹ ਸੀ ਕਿ ਉਹ ਇੱਕ ਅਜਿਹੇ ਦੇਸ਼ ਵਿੱਚ ਸੀ ਜਿੱਥੇ ਉਸਨੂੰ ਕੋਈ ਨਹੀਂ ਜਾਣਦਾ ਸੀ।

ਦੋ ਮਹੀਨੇ ਦੇ ਬ੍ਰੇਕ ਦੇ ਬਾਰੇ 'ਚ ਵਿਰਾਟ ਕੋਹਲੀ ਨੇ ਮੈਚ ਤੋਂ ਬਾਅਦ ਦੇ ਪ੍ਰੈਜੇਂਟੇਸ਼ਨ ਸੈਰੇਮਨੀ 'ਚ ਕਿਹਾ, ਅਸੀਂ ਦੇਸ਼ 'ਚ ਨਹੀਂ ਸੀ। ਅਸੀਂ ਅਜਿਹੀ ਜਗ੍ਹਾ 'ਤੇ ਸੀ, ਜਿੱਥੇ ਲੋਕ ਸਾਨੂੰ ਪਛਾਣ ਨਹੀਂ ਰਹੇ ਸਨ।

ਪਰਿਵਾਰ ਦੇ ਰੂਪ 'ਚ ਇਕੱਠੇ ਸਮਾਂ ਬਿਤਾਉਣਾ, ਦੋ ਮਹੀਨਿਆਂ ਲਈ ਆਮ ਮਹਿਸੂਸ ਕਰਨਾ।

- ਮੇਰੇ ਲਈ, ਮੇਰੇ ਪਰਿਵਾਰ ਲਈ - ਇਹ ਇੱਕ ਅਸਲ ਅਨੁਭਵ ਸੀ। ਬੇਸ਼ੱਕ ਦੋ ਬੱਚੇ ਹੋਣ ਨਾਲ ਪਰਿਵਾਰ ਦੇ ਦ੍ਰਿਸ਼ਟੀਕੋਣ ਤੋਂ ਚੀਜ਼ਾਂ ਪੂਰੀ ਤਰ੍ਹਾਂ ਵੱਖਰੀ ਹੋ ਜਾਂਦੀਆਂ ਹਨ।

ਬੱਸ ਇਕੱਠੇ ਰਹਿਣ ਦੀ ਸਮਰੱਥਾ, ਤੁਹਾਡੇ ਆਪਣੇ ਵੱਡੇ ਬੱਚੇ ਨਾਲ ਰਿਸ਼ਤੇ ਬਣਾਉਣਾ ਪਰਿਵਾਰ ਨਾਲ ਸਮਾਂ ਬਿਤਾਉਣ ਦਾ ਮੌਕਾ ਪਾ ਕੇ ਮੈਂ ਪਰਮਾਤਮਾ ਦਾ ਇਸ ਤੋਂ ਜ਼ਿਆਦਾ ਧੰਨਵਾਦੀ ਨਹੀਂ ਹੋ ਸਕਦਾ ਸੀ।

ਸੜਕ 'ਤੇ ਇੱਕ ਆਮ ਵਿਅਕਤੀ ਬਣ ਕੇ ਘੁੰਮਣਾ ਅਤੇ ਪਛਾਣੇ ਨਾ ਜਾਣਾ ਮੇਰੇ ਲਈ ਇੱਕ ਬਹੁਤ ਵਧੀਆ ਤੇ ਅਲੱਗ ਐਕਸਪੀਰੀਅੰਸ ਸੀ।