ਰੀਦਦਾਰੀ ਤੋਂ ਲੈ ਕੇ ਬੈਂਕਿੰਗ ਤੱਕ ਦੇ ਕਈ ਕੰਮ ਹੁਣ ਮੋਬਾਈਲ ਰਾਹੀਂ ਘਰ ਬੈਠੇ ਹੀ ਕੀਤੇ ਜਾਂਦੇ ਹਨ। ਹਾਲਾਂਕਿ ਇਸ ਦੇ ਨਾਲ ਹੀ ਸਾਈਬਰ ਅਪਰਾਧ ਦੇ ਮਾਮਲੇ ਵੀ ਤੇਜ਼ੀ ਨਾਲ ਵਧ ਰਹੇ ਹਨ।

ਜ਼ਿਆਦਾਤਰ ਮਾਮਲਿਆਂ 'ਚ ਯੂਜ਼ਰਸ ਦੇ ਡਿਵਾਈਸਾਂ ਨੂੰ ਖਤਰਨਾਕ ਵਾਇਰਸ ਜ਼ਰੀਏ ਨਿਸ਼ਾਨਾ ਬਣਾਇਆ ਜਾਂਦਾ ਹੈ। ਇਹ ਵਾਇਰਸ ਐਪਸ ਤੇ ਹੋਰ ਕਈ ਸ੍ਰੋਤਾਂ ਰਾਹੀਂ ਉਪਭੋਗਤਾਵਾਂ ਦੇ ਮੋਬਾਈਲਾਂ ਵਿੱਚ ਆਉਂਦੇ ਹਨ।

ਸਾਈਬਰ ਅਪਰਾਧੀ ਇਨ੍ਹਾਂ ਵਾਇਰਸਾਂ ਰਾਹੀਂ ਤੁਹਾਡੇ ਨਾਲ ਧੋਖਾਧੜੀ ਕਰ ਸਕਦੇ ਹਨ। ਆਓ ਜਾਣਦੇ ਹਾਂ ਸਮਾਰਟਫੋਨ ਤੱਕ ਵਾਇਰਸ ਕਿਵੇਂ ਪਹੁੰਚਦੇ ਹਨ ਤੇ ਇਸ ਤੋਂ ਬਚਣ ਦਾ ਕੀ ਉਪਾਅ ਹੈ।

ਦੱਸ ਦੇਈਏ ਕਿ ਯੂਜ਼ਰਸ ਗੂਗਲ ਪਲੇਅ ਸਟੋਰ ਤੋਂ ਐਪਸ ਡਾਊਨਲੋਡ ਕਰਦੇ ਹਨ। ਮਾਹਿਰ ਯੂਜ਼ਰਸ ਨੂੰ ਇੱਥੋਂ ਹੀ ਐਪ ਡਾਊਨਲੋਡ ਕਰਨ ਦੀ ਸਲਾਹ ਦਿੰਦੇ ਹਨ।

ਹਾਲਾਂਕਿ, ਬਹੁਤ ਸਾਰੇ ਹੈਕਰ ਇੱਥੇ ਵੀ ਸੁਰੱਖਿਆ ਨੂੰ ਬਾਈਪਾਸ ਕਰ ਵਾਇਰਸ ਸੰਕਰਮਿਤ ਐਪਸ ਸਟੋਰ ਕਰ ਦਿੰਦੇ ਹਨ। ਅਜਿਹੀ ਸਥਿਤੀ ਵਿੱਚ, ਕਿਸੇ ਵੀ ਐਪ ਨੂੰ ਡਾਊਨਲੋਡ ਕਰਨ ਤੋਂ ਪਹਿਲਾਂ, ਇਸ ਦੀ ਰੇਟਿੰਗ ਜ਼ਰੂਰ ਦੇਖੋ।

ਹਾਲਾਂਕਿ, ਇਹ ਜ਼ਰੂਰੀ ਨਹੀਂ ਹੈ ਕਿ 5-ਸਟਾਰ ਰੇਟਿੰਗ ਚੰਗੀ ਹੀ ਹੋਵੇ। ਕਈ ਵਾਰ ਐਪ ਨੂੰ ਫਰਜ਼ੀ ਰੇਟਿੰਗ ਰਾਹੀਂ ਟ੍ਰੈਂਡਿੰਗ 'ਚ ਲਿਆਂਦਾ ਜਾਂਦਾ ਹੈ।

ਇਸ ਤੋਂ ਬਾਅਦ, ਯਕੀਨੀ ਤੌਰ 'ਤੇ ਜਾਂਚ ਕਰੋ ਕਿ ਐਪ ਦਾ ਡਿਵੈਲਪਰ ਕੌਣ ਹੈ। ਇਹ ਜਾਣਕਾਰੀ ਤੁਹਾਨੂੰ ਐਪ ਸਟੋਰ 'ਤੇ ਹੀ ਮਿਲ ਜਾਵੇਗੀ।

ਦੱਸ ਦਈਏ ਕਿ ਕਈ ਵਾਰ ਕੁਝ ਐਪਸ ਗੂਗਲ ਪਲੇ ਸਟੋਰ ਜਾਂ ਐਪ ਸਟੋਰ 'ਤੇ ਉਪਲਬਧ ਨਹੀਂ ਹੁੰਦੇ। ਜਦੋਂਕਿ ਕੁਝ ਲੋਕ ਦੋਸਤਾਂ ਤੋਂ ਮਿਲੇ ਲਿੰਕ ਰਾਹੀਂ ਐਪ ਨੂੰ ਡਾਊਨਲੋਡ ਕਰਦੇ ਹਨ।

ਹਾਲਾਂਕਿ ਅਜਿਹਾ ਨਹੀਂ ਕਰਨਾ ਚਾਹੀਦਾ। ਕੁਝ ਲੋਕ ਏਪੀਕੇ ਫਾਈਲ ਤੋਂ ਵੀ ਐਪ ਨੂੰ ਇੰਸਟਾਲ ਕਰਦੇ ਹਨ। ਭੁੱਲ ਕੇ ਵੀ ਅਜਿਹਾ ਨਾ ਕਰੋ ਤੇ ਨਾ ਹੀ ਥਰਡ ਪਾਰਟੀ ਸਟੋਰ ਤੋਂ ਐਪ ਨੂੰ ਡਾਊਨਲੋਡ ਕਰੋ।

ਦੱਸ ਦਈਏ ਕਿ ਜਦੋਂ ਵੀ ਅਸੀਂ ਕਿਸੇ ਐਪ ਨੂੰ ਡਾਊਨਲੋਡ ਤੇ ਇੰਸਟਾਲ ਕਰਦੇ ਹਾਂ ਤਾਂ ਇਹ ਕਈ ਤਰ੍ਹਾਂ ਦੀਆਂ ਪਰਮਿਸ਼ਨਾਂ ਮੰਗਦਾ ਹੈ। ਹਾਲਾਂਕਿ, ਅਜਿਹਾ ਕਰਨ ਤੋਂ ਪਹਿਲਾਂ ਇਹ ਧਿਆਨ ਵਿੱਚ ਰੱਖੋ ਕਿ ਤੁਸੀਂ ਜੋ ਐਪ ਡਾਊਨਲੋਡ ਕਰ ਰਹੇ ਹੋ, ਉਹ ਤੁਹਾਡੇ ਤੋਂ ਕਿਹੜੀਆਂ ਇਜਾਜ਼ਤਾਂ ਲੈ ਰਿਹਾ ਹੈ।