Rules Changing From 1 Jan 2023: ਕੱਲ੍ਹ ਤੋਂ ਨਵਾਂ ਸਾਲ ਸ਼ੁਰੂ ਹੋਣ ਜਾ ਰਿਹਾ ਹੈ। ਇਸ ਦੇ ਨਾਲ ਹੀ ਕਈ ਅਜਿਹੇ ਵੱਡੇ ਬਦਲਾਅ ਹੋਣ ਵਾਲੇ ਹਨ ਜਿਨ੍ਹਾਂ ਦਾ ਸਿੱਧਾ ਅਸਰ ਤੁਹਾਡੀ ਜੇਬ 'ਤੇ ਪਵੇਗਾ। ਆਓ ਜਾਣਦੇ ਹਾਂ ਇਸ ਬਾਰੇ।

ਪੋਸਟ ਆਫਿਸ ਸਕੀਮ ਦੀਆਂ ਵਧੀਆਂ ਵਿਆਜ ਦਰਾਂ : ਨਵੇਂ ਸਾਲ ਦੀ ਸ਼ੁਰੂਆਤ ਦੇ ਨਾਲ ਹੀ ਸਰਕਾਰ ਨੇ ਡਾਕਘਰ ਦੀਆਂ ਸਕੀਮਾਂ ਦੀਆਂ ਵਿਆਜ ਦਰਾਂ ਵਧਾਉਣ ਦਾ ਫੈਸਲਾ ਕੀਤਾ ਹੈ। NSC ,Monthly Income Scheme, Senior Citizen Saving Schemes ਦੀਆਂ ਵਿਆਜ ਦਰਾਂ ਵਧਾ ਦਿੱਤੀਆਂ ਗਈਆਂ ਹਨ।

ਇਹ ਵਾਧਾ 20 ਤੋਂ 110 ਆਧਾਰ ਅੰਕਾਂ ਤੱਕ ਕੀਤਾ ਗਿਆ ਹੈ। ਇਸ ਦੇ ਨਾਲ ਹੀ ਕਿਸਾਨ ਵਿਕਾਸ ਪੱਤਰ ਦੀਆਂ ਵਿਆਜ ਦਰਾਂ ਵਿੱਚ ਵੀ ਵਾਧਾ ਕੀਤਾ ਗਿਆ ਹੈ। ਇਹ ਦਰਾਂ ਕੱਲ੍ਹ ਤੋਂ ਲਾਗੂ ਹੋਣਗੀਆਂ।

ਵਾਹਨ ਹੋਣਗੇ ਮਹਿੰਗੇ : ਜੇ ਤੁਸੀਂ ਨਵੇਂ ਸਾਲ 'ਚ ਕਾਰ ਖਰੀਦਣ ਦੀ ਯੋਜਨਾ ਬਣਾ ਰਹੇ ਹੋ ਤਾਂ ਤੁਹਾਡੀ ਜੇਬ 'ਤੇ ਹੋਰ ਬੋਝ ਪੈ ਸਕਦਾ ਹੈ।

ਮਾਰੂਤੀ, ਕੀਆ, ਟਾਟਾ ਮੋਟਰਜ਼, ਮਰਸਡੀਜ਼, ਹੁੰਡਈ, ਔਡੀ, ਰੇਨੋ ਅਤੇ ਐਮਜੀ ਮੋਟਰਜ਼ ਵਰਗੀਆਂ ਦੇਸ਼ ਦੀਆਂ ਲਗਭਗ ਹਰ ਵੱਡੀਆਂ ਕਾਰ ਨਿਰਮਾਤਾ ਕੰਪਨੀਆਂ ਨੇ ਆਪਣੀਆਂ ਕਾਰਾਂ ਦੀਆਂ ਕੀਮਤਾਂ ਵਿੱਚ ਵਾਧੇ ਦਾ ਐਲਾਨ ਕੀਤਾ ਹੈ। ਨਵੀਆਂ ਦਰਾਂ 1 ਜਨਵਰੀ 2023 ਤੋਂ ਲਾਗੂ ਹੋਣਗੀਆਂ।

CNG-PNG ਦੀਆਂ ਕੀਮਤਾਂ ਜਾਣਗੀਆਂ ਬਦਲ : ਮਹੀਨੇ ਦੀ ਸ਼ੁਰੂਆਤ 'ਚ ਸਰਕਾਰੀ ਤੇਲ ਕੰਪਨੀਆਂ ਦੇਸ਼ ਦੇ ਕਈ ਸ਼ਹਿਰਾਂ 'ਚ CNG-PNG ਦੀਆਂ ਕੀਮਤਾਂ 'ਚ ਬਦਲਾਅ ਕਰਦੀਆਂ ਹਨ। ਜ਼ਿਕਰਯੋਗ ਹੈ ਕਿ ਨਵੰਬਰ 2022 ਵਿੱਚ ਵਪਾਰਕ ਸਿਲੰਡਰ ਦੀ ਕੀਮਤ ਘਟਾਈ ਗਈ ਸੀ।

ਦੂਜੇ ਪਾਸੇ, ਦਿੱਲੀ ਅਤੇ ਮੁੰਬਈ ਵਿੱਚ ਪਿਛਲੇ ਕੁਝ ਮਹੀਨਿਆਂ ਵਿੱਚ ਪੀਐਨਜੀ ਅਤੇ ਸੀਐਨਜੀ ਦੀਆਂ ਕੀਮਤਾਂ ਵਿੱਚ ਲਗਾਤਾਰ ਵਾਧਾ ਦਰਜ ਕੀਤਾ ਗਿਆ ਹੈ।

ਲਾਕਰ ਦੇ ਨਿਯਮ ਜਾਣਗੇ ਬਦਲ : ਦੱਸ ਦੇਈਏ ਕਿ ਕੱਲ੍ਹ ਤੋਂ ਲਾਕਰ ਦੇ ਨਿਯਮਾਂ ਵਿੱਚ ਵੀ ਬਦਲਾਅ ਹੋਣ ਜਾ ਰਿਹਾ ਹੈ। ਅਜਿਹੀ ਸਥਿਤੀ ਵਿੱਚ, ਬੈਂਕ ਅਤੇ ਗਾਹਕਾਂ ਨੂੰ ਇਹ ਯਕੀਨੀ ਬਣਾਉਣਾ ਹੋਵੇਗਾ ਕਿ ਗਾਹਕਾਂ ਨੇ ਨਵੇਂ ਲਾਕਰ ਨਿਯਮਾਂ 'ਤੇ ਦਸਤਖਤ ਕੀਤੇ ਹਨ ਜਾਂ ਨਹੀਂ।

ਨਵੇਂ ਨਿਯਮਾਂ ਦੇ ਲਾਗੂ ਹੋਣ ਤੋਂ ਬਾਅਦ ਲਾਕਰ 'ਚ ਰੱਖਿਆ ਸਾਮਾਨ ਗੁਆਚਣ ਦੀ ਸਥਿਤੀ 'ਚ ਬੈਂਕ ਦੀ ਜ਼ਿੰਮੇਵਾਰੀ ਤੈਅ ਹੋਵੇਗੀ। ਇਸ ਦੇ ਨਾਲ ਹੀ, ਲਾਕਰ ਨਾਲ ਸਬੰਧਤ ਕੋਈ ਵੀ ਫੈਸਲਾ ਲੈਣ ਤੋਂ ਪਹਿਲਾਂ, ਬੈਂਕ ਨੂੰ ਗਾਹਕਾਂ ਨੂੰ ਸੂਚਿਤ ਕਰਨਾ ਹੋਵੇਗਾ।

GST ਇਲੈਕਟ੍ਰਾਨਿਕ ਬਿੱਲ ਹੋਵੇਗਾ ਜ਼ਰੂਰੀ : 1 ਜਨਵਰੀ 2023 ਤੋਂ ਜੀਐਸਟੀ ਨਿਯਮਾਂ ਵਿੱਚ ਵੱਡਾ ਬਦਲਾਅ ਹੋਣ ਜਾ ਰਿਹੈ। ਹੁਣ ਵਪਾਰੀਆਂ ਲਈ 5 ਕਰੋੜ ਤੋਂ ਵੱਧ ਦੇ ਕਾਰੋਬਾਰ ਲਈ ਈ-ਚਾਲਾਨ ਯਾਨੀ ਇਲੈਕਟ੍ਰਾਨਿਕ ਬਿੱਲ ਲਾਜ਼ਮੀ ਹੈ। ਪਹਿਲਾਂ ਇਹ ਸੀਮਾ 20 ਕਰੋੜ ਰੁਪਏ ਸੀ, ਜੋ ਹੁਣ ਘਟਾ ਕੇ 5 ਕਰੋੜ ਰੁਪਏ ਕਰ ਦਿੱਤੀ ਗਈ ਹੈ।

NPS ਖਾਤੇ ਤੋਂ ਨਹੀਂ ਕੀਤੀ ਜਾਵੇਗੀ ਅੰਸ਼ਕ ਨਿਕਾਸੀ : ਜੇ ਤੁਸੀਂ ਇੱਕ NPS ਖਾਤਾ ਧਾਰਕ ਹੋ ਅਤੇ ਅਗਲੇ ਸਾਲ ਆਪਣੇ ਖਾਤੇ ਤੋਂ ਪੈਸੇ ਕਢਵਾਉਣ ਦੀ ਯੋਜਨਾ ਬਣਾ ਰਹੇ ਹੋ, ਤਾਂ ਜਾਣੋ ਕਿ ਇਸ ਦੇ ਨਿਕਾਸੀ ਨਿਯਮਾਂ ਵਿੱਚ ਬਦਲਾਅ ਕੀਤਾ ਗਿਆ ਹੈ। ਹੁਣ ਤੁਸੀਂ NPS ਖਾਤੇ ਤੋਂ ਆਨਲਾਈਨ ਪੈਸੇ ਨਹੀਂ ਕੱਢ ਸਕੋਗੇ।

ਹੁਣ 1 ਜਨਵਰੀ 2023 ਤੋਂ ਰਾਜ ਦੇ ਕਰਮਚਾਰੀ ਜਾਂ ਕੇਂਦਰੀ ਕਰਮਚਾਰੀ NPS ਖਾਤੇ ਤੋਂ ਪੈਸੇ ਨਹੀਂ ਕੱਢ ਸਕਣਗੇ। ਪੈਨਸ਼ਨ ਫੰਡ ਰੈਗੂਲੇਟਰੀ ਅਤੇ ਵਿਕਾਸ ਅਥਾਰਟੀ (PFRDA) ਨੇ ਕੋਰੋਨਾ ਮਹਾਮਾਰੀ ਦੇ ਮੱਦੇਨਜ਼ਰ ਆਨਲਾਈਨ ਨਿਕਾਸੀ ਦੀ ਸਹੂਲਤ ਦਿੱਤੀ ਸੀ, ਜਿਸ ਨੂੰ ਹੁਣ ਵਾਪਸ ਲਿਆ ਜਾ ਰਿਹਾ ਹੈ।