ਯੂਏਈ ਵਿੱਚ ਰਹਿ ਰਹੇ ਭਾਰਤੀ ਪਰਵਾਸੀ ਸੰਦੀਪ ਕੁਮਾਰ ਪ੍ਰਸਾਦ ਦੀ ਜ਼ਿੰਦਗੀ ਇੱਕ ਚਮਕਦਾਰ ਮੋੜ ‘ਤੇ ਪਹੁੰਚ ਗਈ।

ਦੁਬਈ ਡ੍ਰਾਈਡਾਕਸ ਵਿੱਚ ਟੈਕਨੀਸ਼ੀਅਨ ਵਜੋਂ ਕੰਮ ਕਰਨ ਵਾਲੇ 30 ਸਾਲਾ ਇਸ ਨੌਜਵਾਨ ਨੇ ਬਿਗ ਟਿਕਟ ਲਾਟਰੀ ਦੀ ਸੀਰੀਜ਼ 278 ਵਿੱਚ 15 ਮਿਲੀਅਨ ਦਿਰਹਮ (ਲਗਭਗ 34 ਕਰੋੜ ਰੁਪਏ) ਦਾ ਗ੍ਰੈਂਡ ਇਨਾਮ ਜਿੱਤ ਕੇ ਇਕ ਨਵਾਂ ਇਤਿਹਾਸ ਰਚ ਦਿੱਤਾ।

ਸੰਦੀਪ, ਜੋ ਉੱਤਰ ਪ੍ਰਦੇਸ਼ ਦੇ ਰਹਿਣ ਵਾਲੇ ਹਨ, ਪਿਛਲੇ ਤਿੰਨ ਸਾਲ ਤੋਂ ਦੁਬਈ ਵਿੱਚ ਕੰਮ ਕਰ ਰਹੇ ਹਨ।

ਸੰਦੀਪ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਬਿਗ ਟਿਕਟ ਬਾਰੇ ਆਪਣੇ ਦੋਸਤਾਂ ਤੋਂ ਪਤਾ ਲੱਗਾ ਸੀ ਅਤੇ ਉਹ ਪਿਛਲੇ ਤਿੰਨ ਮਹੀਨਿਆਂ ਤੋਂ ਲਗਾਤਾਰ ਟਿਕਟ ਖਰੀਦਦੇ ਆ ਰਹੇ ਸਨ। ਉਨ੍ਹਾਂ ਦਾ ਲੱਕੀ ਟਿਕਟ ਨੰਬਰ 200669 ਸੀ ਜੋ ਉਨ੍ਹਾਂ ਨੇ 19 ਅਗਸਤ ਨੂੰ ਖਰੀਦਿਆ।

ਜਦੋਂ ਬੁੱਧਵਾਰ ਰਾਤ ਡ੍ਰਾ ਦੇ ਦੌਰਾਨ ਉਨ੍ਹਾਂ ਨੂੰ ਲਾਈਵ ਸ਼ੋਅ ਤੋਂ ਕਾਲ ਆਈ, ਉਹ ਸ਼ੋਅ ਦੇਖ ਵੀ ਨਹੀਂ ਰਿਹਾ ਸੀ। ਸ਼ੁਰੂ ਵਿੱਚ ਉਨ੍ਹਾਂ ਨੂੰ ਵਿਸ਼ਵਾਸ ਨਹੀਂ ਹੋਇਆ, ਪਰ ਜਿਵੇਂ ਹੀ ਹੋਸਟ ਨੇ ਉਨ੍ਹਾਂ ਦੀ ਜਿੱਤ ਦੀ ਪੁਸ਼ਟੀ ਕੀਤੀ, ਉਹ ਭਾਵੁਕ ਹੋ ਗਏ ਅਤੇ ਵਾਰ-ਵਾਰ “ਓਹ, ਥੈਂਕ ਯੂ ਸਰ, ਥੈਂਕ ਯੂ” ਕਹਿੰਦੇ ਰਹੇ।

ਹਾਲਾਂਕਿ ਇਸ ਜਿੱਤ ਦੇ ਬਾਅਦ ਸੰਦੀਪ ਨੂੰ ਪੂਰਾ ਇਨਾਮ ਨਹੀਂ ਮਿਲੇਗਾ।

ਉਨ੍ਹਾਂ ਨੇ ਇਹ ਟਿਕਟ 20 ਦੋਸਤਾਂ ਦੇ ਨਾਲ ਮਿਲ ਕੇ ਖਰੀਦੀ ਸੀ, ਜਿਸਦਾ ਮਤਲਬ ਹੈ ਕਿ ਉਨ੍ਹਾਂ ਨੂੰ ਆਪਣੀ ਜਿੱਤੀ ਰਕਮ 20 ਲੋਕਾਂ ਵਿੱਚ ਵੰਡਣੀ ਪਵੇਗੀ।

ਇਸ ਅਨੁਸਾਰ ਉਨ੍ਹਾਂ ਦੇ ਹਿੱਸੇ ਵਿੱਚ ਲਗਭਗ 1.70 ਕਰੋੜ ਰੁਪਏ ਆਉਣਗੇ।

ਸੰਦੀਪ ਨੇ ਦੱਸਿਆ ਕਿ ਉਸ ਦੇ ਪਿਤਾ ਬਿਮਾਰ ਰਹਿੰਦੇ ਨੇ ਇਸ ਲਈ ਉਸ ਨੂੰ ਪਿੱਛੇ ਆਪਣੇ ਪਰਿਵਾਰ ਦੀ ਚਿੰਤਾ ਰਹਿੰਦੀ ਹੈ।

ਸੰਦੀਪ ਹੁਣ ਭਾਰਤ ਵਾਪਸ ਜਾਣਾ ਚਾਹੁੰਦੇ ਹਨ ਅਤੇ ਆਪਣਾ ਖੁਦ ਦਾ ਕਾਰੋਬਾਰ ਸ਼ੁਰੂ ਕਰਨ ਦਾ ਸਫਨਾ ਪੂਰਾ ਕਰਨਾ ਚਾਹੁੰਦਾ ਹੈ, ਤਾਂ ਜੋ ਉਹ ਆਪਣੇ ਪਰਿਵਾਰ ਦੇ ਨਾਲ ਰਹਿ ਸਕੇ।