ਇਸ ਲਈ ਚਾਹੇ ਸਰਦੀ ਹੋਵੇ ਜਾਂ ਗਰਮੀ, ਇਨਸਾਨ ਨੂੰ ਹਰ ਮੌਸਮ ਵਿੱਚ ਜੁਰਾਬਾਂ ਪਾਉਣੀਆਂ ਹੀ ਪੈਂਦੀਆਂ ਹਨ। ਦਫਤਰ ਜਾਣਾ ਹੋਏ ਤਾਂ ਜੁਰਾਬਾਂ, ਸਕੂਲ ਜਾਣਾ ਹੋਏ ਤਾਂ ਵੀ ਜੁਰਾਬਾਂ ਪਾਉਣੀਆਂ ਪੈਂਦੀਆਂ ਹਨ।

ਪਰ ਲੰਬੇ ਸਮੇਂ ਤੱਕ ਜੁਰਾਬਾਂ ਪਹਿਨਣਾ ਸਿਹਤ ਲਈ ਚੰਗਾ ਨਹੀਂ ਹੁੰਦਾ, ਖਾਸ ਕਰਕੇ ਗਰਮੀਆਂ ਵਿੱਚ। ਜੇਕਰ ਤੁਸੀਂ ਟਾਈਟ ਸਟਾਕਿੰਗ ਪਹਿਨ ਰਹੇ ਹੋ ਤਾਂ ਇਹ ਹੋਰ ਵੀ ਪ੍ਰੇਸ਼ਾਨੀਆਂ ਦਾ ਕਾਰਨ ਬਣ ਸਕਦਾ ਹੈ।

ਆਓ ਜਾਣਦੇ ਹਾਂ ਲੰਬੇ ਸਮੇਂ ਤੱਕ ਜੁਰਾਬਾਂ ਪਹਿਨਣ ਨਾਲ ਕੀ ਨੁਕਸਾਨ ਹੋ ਸਕਦਾ ਹੈ।

ਲੰਬੇ ਸਮੇਂ ਤੱਕ ਟਾਈਟ ਜੁਰਾਬਾਂ ਪਹਿਨਣ ਨਾਲ ਪੈਰਾਂ ਵਿੱਚ ਸੋਜ ਆ ਜਾਂਦੀ ਹੈ ਤੇ ਖੂਨ ਸੰਚਾਰ ਵਿੱਚ ਕਮੀ ਆਉਂਦੀ ਹੈ।

ਇਸ ਨਾਲ ਬੇਚੈਨੀ ਤੇ ਅਚਾਨਕ ਗਰਮੀ ਮਹਿਸੂਸ ਹੁੰਦੀ ਹੈ। ਸਾਰਾ ਦਿਨ ਜੁਰਾਬਾਂ ਪਹਿਨਣ ਨਾਲ ਪੈਰਾਂ ਵਿੱਚ ਅਕੜਾਅ ਹੁੰਦਾ ਹੈ ਤੇ ਪੈਰਾਂ ਦੀਆਂ ਉਂਗਲਾਂ ਸੁੰਨ ਹੋ ਸਕਦੀਆਂ ਹਨ।

ਗਰਮੀਆਂ ਵਿੱਚ ਲਗਾਤਾਰ ਜੁਰਾਬਾਂ ਪਹਿਨਣ ਨਾਲ ਪੈਰਾਂ ਵਿੱਚ ਪਸੀਨਾ ਆਉਂਦਾ ਹੈ, ਜਿਸ ਨਾਲ ਪੈਰਾਂ ਦੀ ਚਮੜੀ ਖ਼ਰਾਬ ਹੋ ਸਕਦੀ ਹੈ।

ਕੁਝ ਲੋਕ ਸੂਤੀ ਜੁਰਾਬਾਂ ਦੀ ਬਜਾਏ ਸਸਤੀਆਂ ਜੁਰਾਬਾਂ ਖਰੀਦਦੇ ਹਨ, ਜਿਸ ਨਾਲ ਸਮੱਸਿਆ ਹੋਰ ਵੀ ਵਧ ਸਕਦੀ ਹੈ। ਜੇਕਰ ਜੁੱਤੀ ਦੇ ਅੰਦਰ ਸੋਲ ਬੰਦ ਹੋਵੇ ਤਾਂ ਪਸੀਨਾ ਜ਼ਿਆਦਾ ਆਉਂਦਾ ਹੈ, ਜਿਸ ਕਾਰਨ ਨਮੀ ਪੈਦਾ ਹੁੰਦੀ ਹੈ।

ਇਸ ਕਰਾਨ ਫੰਗਲ ਇਨਫੈਕਸ਼ਨ ਦੀ ਸਮੱਸਿਆ ਵਧ ਜਾਂਦੀ ਹੈ ਤੇ ਪੈਰਾਂ ਦੀ ਚਮੜੀ ਖਰਾਬ ਹੋਣ ਲੱਗਦੀ ਹੈ। ਅਜਿਹੇ 'ਚ ਜੁਰਾਬਾਂ ਦੀ ਗੁਣਵੱਤਾ ਦਾ ਖਾਸ ਧਿਆਨ ਰੱਖੋ।

ਸਰੀਰ ਦੇ ਕਿਸੇ ਵੀ ਹਿੱਸੇ ਵਿੱਚ ਤਰਲ ਦਾ ਜਮ੍ਹਾ ਹੋਣਾ ਤੇ ਇਸ ਕਾਰਨ ਸੋਜ ਹੋਣਾ ਐਡੀਮਾ ਦਾ ਲੱਛਣ ਹੈ।

ਲੰਬੇ ਸਮੇਂ ਤੱਕ ਇੱਕੋ ਆਸਣ ਵਿੱਚ ਬੈਠਣ ਜਾਂ ਖੜ੍ਹੇ ਰਹਿਣ ਨਾਲ ਪੈਰਾਂ ਦੇ ਸੁੰਨ ਹੋਣ ਦੀ ਸ਼ਿਕਾਇਤ ਹੁੰਦੀ ਹੈ। ਅਜਿਹਾ ਨਾ ਹੋਣ ਦੇ ਬਾਵਜੂਦ ਜੇਕਰ ਪੈਰ ਸੁੰਨ ਹੋ ਰਹੇ ਹਨ ਤਾਂ ਇਹ ਜੁਰਾਬਾਂ ਦੀ ਸਮੱਸਿਆ ਦਾ ਸੰਕੇਤ ਵੀ ਹੋ ਸਕਦਾ ਹੈ।