ਟਰੰਪ ਨਾਲ ਸੈਲਫੀ ਲੈਣ ਵਾਲੀ ਪਤਨੀ ਨੂੰ ਪਤੀ ਨੇ ਦਿੱਤਾ ਤਲਾਕ

ਲਿਨ ਮੁਤਾਬਕ ਟਰੰਪ ਬਹੁਤ ਚੰਗੇ ਹਨ। ਉਹ ਮੇਰੇ ਪਤੀ ਨੂੰ ਕਹਿੰਦੇ ਸਨ ਕਿ ਡੇਵ, ਤੂੰ ਉਸ ਨੂੰ ਆਪਣੇ ਨਾਲ ਵਿਆਹ ਲਈ ਤਿਆਰ ਕਿਵੇਂ ਕਰ ਲਿਆ।

ਵਾਸ਼ਿੰਗਟਨ: ਅਮਰੀਕਾ ਦੀ ਇਕ ਮਹਿਲਾ ਨੇ ਆਪਣੇ ਤਲਾਕ ਲਈ ਟਰੰਪ ਨੂੰ ਜ਼ਿੰਮੇਵਾਰ ਦੱਸਿਆ ਹੈ। ਫਲੋਰੀਡਾ ਦੇ ਪਾਮ ਬੀਚ ਕਾਉਂਟੀ ‘ਚ ਰਹਿਣ ਵਾਲੇ ਲਿਨ ਤੇ ਡੇਵ ਏਰਨਬਰਗ ਦਾ ਪਿਛਲੇ ਹਫਤੇ ਤਲਾਕ ਹੋ ਗਿਆ। ਲਿਨ ਸਾਬਕਾ ਚੀਅਰਲੀਡਰ ਰਹੀ ਹੈ, ਜਦ ਕਿ ਉਸ ਦਾ ਪਤੀ ਡੇਵ ਕਾਫੀ ਮਸ਼ਹੂਰ ਵਕੀਲ ਹੈ। ਔਰਤ ਦਾ ਕਹਿਣਾ ਹੈ ਕਿ ਟਰੰਪ ਨਾਲ ਸੈਲਫੀ ਲੈਣ, ਉਸ ਨੂੰ ਸੋਸ਼ਲ ਮੀਡੀਆ ‘ਤੇ ਪੋਸਟ ਕਰਨ ਤੇ ਰਿਪਬਲਿਕਨ ਪਾਰਟੀ ਨਾਲ ਜੁੜੇ ਮੁੱਦਿਆਂ ਦੀ ਹਮਾਇਤ ਕਰਨ ਕਾਰਨ ਉਸ ਦਾ ਆਪਣੇ ਪਤੀ ਨਾਲ ਰਿਸ਼ਤਾ ਖਰਾਬ ਹੋ ਗਿਆ।

ਲਿਨ ਨੇ ਕਿਹਾ ਕਿ ਇਸ ਦੌਰਾਨ ਮੈਂ ਟਰੰਪ ਨਾਲ ਕਈ ਤਸਵੀਰਾਂ ਵੀ ਖਿਚਵਾਈਆਂ, ਕਈ ਸੈਲਫੀਆਂ ਲਈਆਂ। ਮੇਰਾ ਪਤੀ ਮੈਨੂੰ ਕਹਿੰਦਾ ਸੀ ਮੈਂ ਤਸਵੀਰਾਂ ਨਾ ਲਵਾਂ, ਉਨ੍ਹਾਂ ਨੂੰ ਪੋਸਟ ਨਾ ਕਰਾਂ, ਪਰ ਮੈਂ ਉਸ ਦੀ ਗੱਲ ਨਹੀਂ ਮੰਨੀ ਸੀ। ਲਿਨ ਦੀ ਫੇਸਬੁੱਕ ਵਾਲ ਉੱਤੇ ਵੀ ਟਰੰਪ ਨਾਲ ਲਈਆਂ ਗਈਆਂ ਕਈ ਤਸਵੀਰਾਂ ਹਨ।

ਸਥਾਨਕ ਅਖਬਾਰਾਂ ਮੁਤਾਬਕ ਡੇਵ ਨੂੰ ਕਈ ਵਾਰ ਟਰੰਪ ਦੇ ਕਲੱਬ ‘ਚ ਵੀ ਦੇਖਿਆ ਗਿਆ ਹੈ। ਹੁਣੇ ਜਿਹੇ ਖਬਰ ਆਈ ਸੀ ਕਿ ਡੇਵ ਸ਼ਾਇਦ ਡੈਮੋਕ੍ਰੇਟਿਕ ਕਾਂਗਰਸ ਦੀਆਂ ਚੋਣਾਂ ‘ਚ ਕਿਸਮਤ ਆਜ਼ਮਾ ਸਕਦੇ ਹਨ। ਲਿਨ ਦਾ ਦਾਅਵਾ ਹੈ ਕਿ ਚੋਣਾਂ ਤੋਂ ਪਹਿਲਾਂ ਉਹ ਅਕਸਰ ਆਪਣੇ ਪਤੀ ਨਾਲ ਫਲੋਰਿਡਾ ਸਥਿਤ ਟਰੰਪ ਦੇ ਕਲੱਬ ‘ਚ ਜਾਇਆ ਕਰਦੀ ਸੀ।

ਲਿਨ ਨੇ ਇਕ ਬਿਆਨ ਵਿੱਚ ਕਿਹਾ ਹੈ ਕਿ ਤਲਾਕ ਬਦਲੇ ਉਸ ਨੇ ਆਪਣੇ ਪਤੀ ਤੋਂ ਇਕ ਨਵੀਂ ਬੀ ਐਮ ਡਬਲਯੂ ਗੱਡੀ ਅਤੇ ਹਜ਼ਾਰਾਂ ਡਾਲਰਸ ਦੀ ਵੱਡੀ ਰਕਮ ਹਾਸਲ ਕੀਤੀ। ਲਿਨ ਨੇ ਆਪਣੇ ਬਿਆਨ ‘ਚ ਕਿਹਾ ਹੈ ਕਿ ਮੈਂ ਰਿਪਬਲਿਕਨ ਪਾਰਟੀ ਤੇ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੀ ਕੱਟੜ ਸਮਰਥਕ ਹਾਂ। ਮੈਨੂੰ ਮਹਿਸੂਸ ਹੋਇਆ ਕਿ ਇਸ ਕਾਰਨ ਮੈਂ ਆਪਣੀ ਵਿਆਹੁਤਾ ਜ਼ਿੰਦਗੀ ‘ਚ ਇਕੱਲੀ ਪੈ ਗਈ ਹਾਂ।

ਲਿਨ ਮੁਤਾਬਕ ਉਹ ਡੇਵ ਨੂੰ ਇਸ ਸਮੇਂ ਤੋਂ ਜਾਣਦੀ ਹੈ ਜਦੋਂ ਉਹ ਸੈਨੇਟਰ ਹੋਇਆ ਕਰਦਾ ਸੀ। ਲਿਨ ਦਾ ਕਹਿਣਾ ਹੈ ਕਿ ਉਹ ਹਮੇਸ਼ਾ ਤੋਂ ਰਿਪਬਲਿਕਨ ਪਾਰਟੀ ਦੀ ਸਮਰਥਕ ਰਹੀ ਹੈ, ਉਸ ਦਾ ਪਤੀ ਡੈਮੋਕ੍ਰੇਟਿਕ ਪਾਰਟੀ ਦਾ ਸਮਰਥਕ ਹੈ। ਸ਼ੁਰੂ ਵਿੱਚ ਇਹ ਵੱਡਾ ਮੁੱਦਾ ਨਹੀਂ ਸੀ, ਪਰ ਹਿਲੇਰੀ ਤੇ ਟਰੰਪ ਦਾ ਜਿਵੇਂ-ਜਿਵੇਂ ਤਣਾਅ ਵਧਦਾ ਗਿਆ, ਸਾਡੇ ਰਿਸ਼ਤੇ ‘ਚ ਤਣਾਅ ਆਉਂਦਾ ਗਿਆ। ਡੇਵ ਸਿੱਧੇ ਤੌਰ ‘ਤੇ ਡੈਮੋਕ੍ਰੇਟਿਕ ਪਾਰਟੀ ਨਾਲ ਜੁੜਿਆ ਹੈ। 2012 ‘ਚ ਰਿਪਬਲਿਕਨ ਡੋਨਰਸ ਦੀ ਮਦਦ ਨਾਲ ਉਹ ਸਟੇਟ ਅਟਾਰਨੀ ਦੇ ਅਹੁਦੇ ‘ਤੇ ਚੁਣਿਆ ਗਿਆ।