Four Days Working Formula: ਕਈ ਦੇਸ਼ਾਂ ਵਿੱਚ ਚਾਰ ਦਿਨ ਕੰਮ ਅਤੇ ਤਿੰਨ ਦਿਨ ਛੁੱਟੀ ਦੇ ਫਾਰਮੂਲੇ ’ਤੇ ਕੰਮ ਚੱਲ ਰਿਹਾ ਹੈ। ਇਸ ਕੜੀ 'ਚ ਹੁਣ ਬ੍ਰਿਟੇਨ ਵੀ ਫੋਰ ਡੇ ਵਰਕ ਵੀਕ ਕਲੱਬ 'ਚ ਸ਼ਾਮਲ ਹੋ ਗਿਆ ਹੈ। ਇੱਥੋਂ ਦੀਆਂ ਕੰਪਨੀਆਂ ਨੇ ਹਫ਼ਤੇ ਵਿੱਚ ਚਾਰ ਦਿਨ ਕੰਮ ਕਰਨ ਅਤੇ ਤਿੰਨ ਦਿਨ ਛੁੱਟੀ ਦਾ ਫਾਰਮੂਲਾ ਲਾਗੂ ਕੀਤਾ ਹੈ। ਇਸ ਵਿੱਚ ਬੈਂਕਿੰਗ, ਪ੍ਰਾਹੁਣਚਾਰੀ ਵਰਗੇ ਖੇਤਰਾਂ ਦੀਆਂ ਲਗਪਗ 70 ਕੰਪਨੀਆਂ ਸ਼ਾਮਲ ਹਨ।
ਹਾਲਾਂਕਿ ਹੁਣ ਇਸ ਨੂੰ 6 ਮਹੀਨਿਆਂ ਦੇ ਪਾਇਲਟ ਪ੍ਰੋਗਰਾਮ ਤਹਿਤ ਸ਼ੁਰੂ ਕੀਤਾ ਗਿਆ ਹੈ। ਇਨ੍ਹਾਂ 70 ਬ੍ਰਿਟਿਸ਼ ਕੰਪਨੀਆਂ ਦੇ ਹਜ਼ਾਰਾਂ ਕਰਮਚਾਰੀਆਂ ਨੂੰ ਹਫ਼ਤੇ ਵਿਚ ਚਾਰ ਦਿਨ ਕੰਮ 'ਤੇ ਆਉਣਾ ਪਏਗਾ, ਪਰ ਤਨਖਾਹ ਉਨ੍ਹਾਂ ਨੂੰ ਦਿੱਤੀ ਜਾਵੇਗੀ, ਯਾਨੀ ਛੁੱਟੀਆਂ ਵਧਣ 'ਤੇ ਤਨਖਾਹ ਵਿਚ ਕੋਈ ਕਟੌਤੀ ਨਹੀਂ ਹੋਵੇਗੀ।
ਇਹ ਪਾਇਲਟ ਪ੍ਰੋਗਰਾਮ ਗੈਰ-ਲਾਭਕਾਰੀ ਸਮੂਹਾਂ 'ਫੋਰ ਡੇਅ ਵੀਕ ਗਲੋਬਲ', 'ਫੋਰ ਡੇ ਵੀਕ ਯੂਕੇ ਕੈਂਪੇਨ' ਅਤੇ ਆਟੋਨੌਮੀ ਵਲੋਂ ਸ਼ੁਰੂ ਕੀਤਾ ਗਿਆ ਹੈ। ਜਿਨ੍ਹਾਂ ਦਾ ਕਹਿਣਾ ਹੈ ਕਿ ਇਸ ਰਾਹੀਂ ਉਹ ਕਰਮਚਾਰੀਆਂ ਦੀ ਉਤਪਾਦਕਤਾ ਅਤੇ ਜੀਵਨ ਪੱਧਰ 'ਤੇ ਪੈਣ ਵਾਲੇ ਪ੍ਰਭਾਵ ਦਾ ਮੁਲਾਂਕਣ ਕਰਨਗੇ। ਨਤੀਜੇ 2023 ਵਿੱਚ ਐਲਾਨ ਕੀਤੇ ਜਾਣਗੇ। ਪਾਇਲਟ ਪ੍ਰੋਗਰਾਮ ਵਿੱਚ ਆਕਸਫੋਰਡ ਅਤੇ ਕੈਮਬ੍ਰਿਜ ਦੀਆਂ ਯੂਨੀਵਰਸਿਟੀਆਂ ਦੇ ਅਕਾਦਮਿਕ ਅਤੇ ਨਾਲ ਹੀ ਬੋਸਟਨ ਕਾਲਜ, ਯੂਐਸਏ ਦੇ ਮਾਹਿਰ ਸ਼ਾਮਲ ਹਨ।
3,300 ਤੋਂ ਵੱਧ ਕਰਮਚਾਰੀ ਹਿੱਸਾ ਲੈ ਰਹੇ ਹਨ
ਬ੍ਰਿਟੇਨ 'ਚ ਸ਼ੁਰੂ ਹੋਈ ਫੋਰ ਡੇ ਵਰਕ ਵੀਕ ਮੁਹਿੰਮ 'ਚ 3,300 ਤੋਂ ਜ਼ਿਆਦਾ ਕਰਮਚਾਰੀ ਹਿੱਸਾ ਲੈ ਰਹੇ ਹਨ। ਇਨ੍ਹਾਂ ਵਿੱਚ ਬੈਂਕਿੰਗ, ਮਾਰਕੀਟਿੰਗ, ਪ੍ਰਚੂਨ, ਵਿੱਤ ਸਮੇਤ ਕਈ ਹੋਰ ਖੇਤਰਾਂ ਦੇ ਲੋਕ ਸ਼ਾਮਲ ਹਨ। ਮੁਹਿੰਮ ਚਲਾ ਰਹੇ ਇੱਕ ਵਿਅਕਤੀ ਨੇ ਕਿਹਾ ਕਿ ਇਹ ਟ੍ਰਿਕ ਲੋਕਾਂ ਦੀ ਮਾਨਸਿਕ ਸਿਹਤ ਵਿੱਚ ਸੁਧਾਰ ਕਰੇਗਾ, ਦਫਤਰ ਵਿੱਚ ਉਤਪਾਦਕਤਾ ਵਧਾਏਗਾ ਅਤੇ ਜੀਵਨ ਵਿੱਚ ਗੁਣਵੱਤਾ ਲਿਆਏਗਾ।
ਜ਼ਿਕਰਯੋਗ ਹੈ ਕਿ ਬ੍ਰਿਟੇਨ 'ਚ ਦਰਜਨਾਂ ਕੰਪਨੀਆਂ ਪਹਿਲਾਂ ਹੀ ਚਾਰ ਦਿਨ ਕੰਮ ਕਰਨ ਦੇ ਫਾਰਮੂਲੇ 'ਤੇ ਕੰਮ ਕਰ ਰਹੀਆਂ ਹਨ। ਹਾਲਾਂਕਿ ਇਸ ਵਾਰ ਇਸ ਦੀ ਸ਼ੁਰੂਆਤ ਵੱਡੇ ਪੱਧਰ 'ਤੇ ਕੀਤੀ ਜਾ ਰਹੀ ਹੈ। ਉਮੀਦ ਅਨੁਸਾਰ ਨਤੀਜੇ ਆਉਣ ਤੋਂ ਬਾਅਦ ਸਰਕਾਰ ਵੀ ਇਸ ਫਾਰਮੂਲੇ ਨੂੰ ਅਪਣਾ ਕੇ ਇਸ 'ਤੇ ਨਿਯਮ ਬਣਾ ਸਕਦੀ ਹੈ। ਜਾਪਾਨ ਵਰਗੇ ਕਈ ਹੋਰ ਦੇਸ਼ਾਂ ਵਿੱਚ ਵੀ ਚਾਰ ਦਿਨ ਕੰਮ ਕਰਨ ਦਾ ਰੁਝਾਨ ਵਧਿਆ ਹੈ।
ਇਹ ਵੀ ਪੜ੍ਹੋ: Chief Minister Bhagwant Mann ਵੱਲੋਂ ਇੱਕ ਹੋਰ ਵਾਅਦਾ ਪੂਰਾ ਕਰਨ ਦਾ ਐਲਾਨ