Esha Deol Divore: ਮਸ਼ਹੂਰ ਅਦਾਕਾਰ ਧਰਮਿੰਦਰ ਅਤੇ ਹੇਮਾ ਮਾਲਿਨੀ ਦੀ ਲਾਡਲੀ ਬੇਟੀ ਈਸ਼ਾ ਦਿਓਲ ਇਸ ਸਮੇਂ ਜ਼ਿੰਦਗੀ ਦੇ ਬੁਰੇ ਦੌਰ 'ਚੋਂ ਗੁਜ਼ਰ ਰਹੀ ਹੈ। ਦਰਅਸਲ, ਅਦਾਕਾਰਾ ਵਿਆਹ ਦੇ 11 ਸਾਲ ਬਾਅਦ ਆਪਣੇ ਪਤੀ ਭਰਤ ਤਖਤਾਨੀ ਤੋਂ ਤਲਾਕ ਲੈ ਕੇ ਵੱਖ ਹੋਣ ਜਾ ਰਹੀ ਹੈ। ਹੁਣ ਇਸ ਫੈਸਲੇ 'ਚ ਇੱਕ ਬੇਟੀ ਨੂੰ ਉਸ ਦੀ ਮਾਂ ਦਾ ਸਾਥ ਮਿਲਿਆ ਹੈ। ਕਿਉਂਕਿ ਅਜਿਹੇ ਹਾਲਾਤ 'ਚ ਮਾਪਿਆਂ ਦਾ ਸਾਥ ਹੀ ਧੀ ਲਈ ਸਭ ਕੁੱਝ ਹੁੰਦਾ ਹੈ।
ਦਰਅਸਲ, ਹਾਲ ਹੀ ਵਿੱਚ ਜ਼ੂਮ ਨਾਲ ਗੱਲ ਕਰਦੇ ਹੋਏ, ਇੱਕ ਸੂਤਰ ਨੇ ਖੁਲਾਸਾ ਕੀਤਾ ਹੈ ਕਿ ਇਹ ਸਭ ਲੰਬੇ ਸਮੇਂ ਤੋਂ ਚੱਲ ਰਿਹਾ ਸੀ। ਈਸ਼ਾ ਅਤੇ ਉਨ੍ਹਾਂ ਦੇ ਪਤੀ ਨੇ ਕੁਝ ਸਮਾਂ ਪਹਿਲਾਂ ਵੱਖ ਹੋਣ ਦਾ ਫੈਸਲਾ ਕੀਤਾ ਸੀ। ਉਹ ਸਿਰਫ਼ ਇਸ ਦਾ ਐਲਾਨ ਕਰਨ ਲਈ ਸਹੀ ਸਮੇਂ ਦੀ ਉਡੀਕ ਕਰ ਰਿਹਾ ਸੀ।
ਸੂਤਰ ਨੇ ਦੱਸਿਆ ਕਿ ਈਸ਼ਾ ਹੁਣ ਇਸ ਤੋਂ ਬਾਹਰ ਆ ਰਹੀ ਹੈ ਅਤੇ ਆਪਣੀ ਜ਼ਿੰਦਗੀ 'ਚ ਅੱਗੇ ਵਧਣ ਦੀ ਕੋਸ਼ਿਸ਼ ਕਰ ਰਹੀ ਹੈ। ਜ਼ੂਮ ਦੀ ਰਿਪੋਰਟ ਮੁਤਾਬਕ ਇਹ ਵੀ ਸਾਹਮਣੇ ਆਇਆ ਹੈ ਕਿ ਈਸ਼ਾ ਦਿਓਲ ਦੀ ਮਾਂ ਹੇਮਾ ਮਾਲਿਨੀ ਨੇ ਵੀ ਇਸ ਫੈਸਲੇ 'ਚ ਉਸ ਦਾ ਸਾਥ ਦਿੱਤਾ ਸੀ। ਹਾਲਾਂਕਿ ਉਹ ਇਸ 'ਤੇ ਫਿਲਹਾਲ ਕੋਈ ਟਿੱਪਣੀ ਨਹੀਂ ਕਰਨਾ ਚਾਹੁੰਦੀ। ਹੇਮਾ ਦਾ ਮੰਨਣਾ ਹੈ ਕਿ ਇਹ ਈਸ਼ਾ ਦੀ ਜ਼ਿੰਦਗੀ ਹੈ ਅਤੇ ਉਹ ਇਸ 'ਚ ਦਖਲ ਨਹੀਂ ਦੇਵੇਗੀ।
ਈਸ਼ਾ ਦਿਓਲ ਅਤੇ ਭਰਤ ਤਖਤਾਨੀ ਨੇ ਸਾਲ 2012 ਵਿੱਚ ਸੱਤ ਫੇਰੇ ਲਏ ਸੀ। ਦੋਵੇਂ ਕੁਝ ਸਾਲਾਂ ਤੋਂ ਆਪਣੇ ਵਿਆਹੁਤਾ ਜੀਵਨ ਵਿੱਚ ਬਹੁਤ ਖੁਸ਼ ਸਨ। ਵਿਆਹ ਤੋਂ ਬਾਅਦ ਇਹ ਜੋੜਾ ਦੋ ਧੀਆਂ ਦੇ ਮਾਪੇ ਬਣ ਗਏ। ਜੋ ਹੁਣ ਈਸ਼ਾ ਦਿਓਲ ਨਾਲ ਰਹਿ ਰਹੀਆਂ ਹਨ। ਵਰਕ ਫਰੰਟ ਦੀ ਗੱਲ ਕਰੀਏ ਤਾਂ ਈਸ਼ਾ ਦਿਓਲ ਅਜੇ ਵੀ ਐਕਟਿੰਗ ਦੀ ਦੁਨੀਆ 'ਚ ਸਰਗਰਮ ਹੈ। ਉਹ ਆਖਰੀ ਵਾਰ ਸੁਨੀਲ ਸ਼ੈੱਟੀ ਨਾਲ ਵੈੱਬ ਸੀਰੀਜ਼ 'ਹੰਟਰ' 'ਚ ਨਜ਼ਰ ਆਈ ਸੀ।